ຈັນຍາບັນພະນັກງານປະຕິວັດຜູ້ສືບທອດທາດແທ້ຄຸນສົມບັດສິນທຳປະຕິວັດ

ພາກພູມໃຈ “ຈັນຍາບັນພະນັກງານປະຕິວັດຜູ້ສືບທອດທາດແທ້ຄຸນສົມບັດສິນທຳປະຕິວັດ, ຜູ້ທີ່ຮູ້ຈັກປະຕິເສດການໃຫ້ສິນບົນສິນນໍ້າໃຈເງິນຄຳດ້ວຍຄຳຕອບທີ່ວ່າ 04 ຮູ້: ຟ້າຮູ້ ດິນຮູ້ ເຈົ້າຮູ້ ຂ້ອຍຮູ້ ແລະ ຈະໝາຍຄວາມວ່າບໍມີໄຜຮູ້ໄດ້ແນວໄດ.”

ການຊ່າງເລົ່າເລື່ອງເປັນຈຸດພິເສດຮ່ວມຂອງນັກການເມືອງ ແລະ ນັກຄົ້ນຄິດທິດສະດີທີ່ມີຊື່ສຽງທັງພາຍໃນປະເທດຈີນ ແລະ ຕ່າງປະເທດ, ຍິ່ງເປັນຄວາມປີຊາສາມາດໂດດເດັ່ນຂອງຜູ້ນຳພັກກອມມູນິດຈີນ:

(1) ທ່ານ ສີຈິ້ນຜິງ ຜູ້ມີຄວາມຮູ້ກວ້າງຂວາງທີ່ຊ່າງເລົ່າເລື່ອງ ແລະ ນິທານ, ບໍ່ວ່າຈະເປັນການປະກອບຄຳເຫັນໃນກອງປະຊຸມ ການໂອ້ລົ້ມໃນເວລາລົງຢ້ຽມຢາມທ້ອງຖິ່ນ ຫຼື ການກ່າວປາຖະກະຖາບົດຄວາມທີ່ລົງພິມໃນໜັງສືພິມ,ວາລະສານໃນໂອກາດຢ້ຽມຢາມຕ່າງປະເທດ, ທ່ານກໍຊ່າງນຳໃຊ້ນິທານ,ເລື່ອງລາວມາບັນຍາຍເນື້ອຫາອັນເລິກເຊິ່ງ ເຮັດໃຫ້ຄົນຊາບຊຶ້ງໃຈ;

(2) ເລື່ອງ ແລະ ນິທານເຫຼົ່ານີ້ບັນຍາຍດ້ວຍຄຳສັບທີ່ເຂົ້າໃຈງ່າຍ,ຈັບໃຈຄົນ ແລະ ມີຄວາມໝາຍເລິກເຊິ່ງ, ເຕັມໄປດ້ວຍອັດສະລິຍະຈີນແລະພະລັງແຮງຈີນ ອີກດ້ານໜຶ່ງກໍສາມາດສ່ອງແສງໃຫ້ເຫັນວ່າ ທ່ານສີຈິ້ນຜິງ ມີຄວາມເຫັນອົກເຫັນໃຈຕໍ່ທຸກຄົນ ແລະພື້ນຖານຄວາມຮູ້ອັນໜັກແໜ້ນດ້ານປັດຊະຍາ ແລະ ຈົນກາຍເປັນຈຸດເດັ່ນອັນໜຶ່ງຂອງແບບແຜນການນຳພາຂອງທ່ານ;

(3) ໃນປະຫວັດສາດຂອງຈີນ, ມີເລື່ອງລາວທີ່ມີຊື່ສຽງເລື່ອງໜຶ່ງຄື “ທ່ານຢາງເຈິ້ນ ຄົນສະໄໝລາຊະວົງຮັ້ນຕາເວັນອອກເຄີຍດຳລົງຕຳແໜ່ງເປັນເຈົ້າໜ້າທີ່ກວດສອບເຂດຈິ່ງໂຈ່ວ”, ພາຍຫຼັງມາໄດ້ແຕ່ງຕັ້ງໃຫ້ເປັນເຈົ້າຄອງນະຄອນຕົ່ງໄຫຼ, ໂດຍລະຫວ່າງການເດີນທາງໄປດຳລົງຕຳແໜ່ງເຈົ້າຄອງນະຄອນຕົ່ງໄຫຼ, ຢາງເຈິ້ນໄດ້ເດີນຜ່ານເມືອງຊ່າງຢີ້, ຫວາງມີ້ ເຈົ້າເມືອງຊ່າງຢີ້ເຄີຍໄດ້ຮັບການສະເໜີໃຫ້ເປັນເຈົ້າໜ້າທີ່ຈາກຢາງເຈິ້ນຕອນນັ້ນ,ຢາງເຈີ້ນດຳລົງຕຳແໜ່ງເປັນເຈົ້າໜ້າທີ່ກວດສອບເຂດຈິ່ງໂຈ່ວ;

(4) ເມື່ອໄດ້ຍິນວ່າຢາງເຈິ້ນໄດ້ເດີນທາງຜ່ານເມືອງຕົນ, ກາງເວັນ, ຫວາງມີ້ ໄດ້ໄປເຂົ້າພົບ ທ່ານຢາງເຈິ້ນ ໂດຍບໍ່ໄດ້ຖືຫຍັງໄປເລີຍ, ແຕ່ມາຮອດກາງຄືນ ລາວກໍໄດ້ກຽມຄຳ 05 ກິໂລ ຢາກຈະມອບໃຫ້ຢາງເຈິ້ນເພື່ອເປັນການຕອບແທນບຸນຄຸນທີ່ເພິ່ນຊ່ວຍສະເໜີຊື່ ເພື່ອຍົກຕຳແໜ່ງຂອງຕົນຂຶ້ນ;

(5) ເຈົ້າເມືອງ ຫວາງມີ້ ບອກວ່າ: “ຍາມນີ້ເດິກແລ້ວ ບໍ່ມີໃຜຮູ້ດອກ”, ແຕ່ທ່ານ ຢາງເຈິ້ນ ພັດຕອບວ່າ: “ຟ້າຮູ້,ດິນຮູ້,ເຈົ້າຮູ້,ຂ້ອຍຮູ້, ຊິວ່າບໍ່ມີໃຜຮູ້ໄດ້ແນວໃດ”, ເມື່ອໄດ້ຟັງຄວາມເວົ້າຂອງຢາງເຈິ້ນແບບນີ້, ຫວາງມີ້ກໍຮູ້ສຶກໜ້າອາຍຫຼາຍ;

(6) ທ່ານ ຢາງເຈິ້ນ ເປັນເຈົ້າໜ້າທີ່ຜູ້ປອດໃສຂາວສະອາດ, ມີໝູ່ເກົ່າ ແລະ ອາວຸໂສຊວນລາວຈັດຊື້ອະສັງຫາລິມະຊັບເຊັ່ນເຮືອນ,ທີ່ດິນ ແລະ ອື່ນໆກຽມໄວ້ໃຫ້ລູກຫຼານ, ຢາງເຈິ້ນກໍເວົ້າວ່າ “ໃຫ້ຄົນຮຸ່ນຫຼັງເອີ້ນເຂົາເຈົ້າວ່າເປັນລູກຫຼານເຈົ້າໜ້າທີ່ຜູ້ປອດໃສຂາວສະອາດ, ເຮົາມອບຊື່ສຽງນີ້ໃຫ້ເຂົາເຈົ້າ ຊິບໍ່ຖືວ່າເປັນຊັບສິນໃຫຍ່ຫຼວງບໍ”, ນີ້ຄືສະຕິຄວາມຕື່ນຕົວແບບໜຶ່ງ (ຂໍ້ຄວາມພາຍໃນວັກໜຶ່ງ ທີ່ຄັດຈາກສູນທອນພົດຂອງທ່ານສີຈິ້ນຜິງທີ່ກ່າວໃນກອງປະຊຸມຄົບຄະນະເທື່ອທີ 07 ຂອງຄະນະກຳມະການກວດກາວິໄນສູນກາງພັກກອມມູນິດຈີນຊຸດທີ 18 ເມື່ອວັນທີ 06 ມັງກອນ 2017);

(7) ນັບແຕ່ບູຮານນະການມານີ້, ຢູ່ຈີນກໍມີຫຼາຍເລື່ອງດີເລື່ອງເດັ່ນກ່ຽວກັບເຈົ້າໜ້າທີ່ຜູ້ປອດໃສຂາວສະອາດທີ່ໜ້າຍ້ອງຍໍຊົມເຊີຍ ຕົວຢ່າງ:

1. ຢາງຊູ້ “ປະຕິເສດສິນບົນດ້ວຍການແຂວນປາເທິງຫ້ອງໂຖງໃຫຍ່”,

2. ຈືຮັ້ນ “ຖືການບໍ່ສໍ້ລາດບັງຫຼວງເປັນສິ່ງປະເສີດ”,

3. ຂົງເຟິ້ນ “ເຖິງຈະດຳລົງຕຳແໜ່ງສູງໃນເມືອງຮັ່ງມີກໍຕາມແຕ່ກໍບໍ່ໄດ້ສະແຫວງຫາຜົນປະໂຫຍດສ່ວນຕົວແຕ່ຢ່າງໃດ”,

4. ເປົາບຸ້ນຈີ້ນ “ປະຕິເສດຂອງຕ້ອນ, ແມ່ນແຕ່ຫີນໃສ່ນ້ຳມຶກກ້ອນດຽວ ຮວມທັງໄລຍະຕອນໝົດໜ້າທີ່ໃນການດຳລົງຕຳແໜ່ງ” ແລະ ແລະ ຜູ້ອື່ນໆ;

(8) ສ່ວນເລື່ອງລາວກ່ຽວກັບຢາງເຈິ້ນ “ປະຕິເສດເງິນຄຳດ້ວຍຄຳວ່າ “04ຮູ້” ແລະ ສ້າງຊື່ສຽງໃຫ້ລູກຫຼານວ່າ “ລູກຫຼານເຈົ້າໜ້າທີ່ຜູ້ປອດໃສຂາວສະອາດ” ກໍເປັນເລື່ອງທີ່ມີຊື່ສຽງໂດ່ງດັງທີ່ຈະບໍ່ມີວັນເສົ້າໝອງໃນປະຫວັດສາດເຊັ່ນດຽວກັນ:

1. ຢາງເຈິ້ນ ມີຊື່ເພີ່ມເຕີມອີກວ່າ ໂປສີ້, ເກີດຢູ່ເມືອງຮ້ວາຢິ່ນ ແຂວງສ້ານຊີ່ ແລະ ເປັນນັກປາດທີ່ມີຊື່ສຽງໃນສະໄໝລາຊະວົງຮັ້ນຕາເວັນອອກ,

2. ເພິ່ນເຂົ້າຮັບຕຳແໜ່ງເປັນເຈົ້ານາຍແຕ່ອາຍຸ 50 ປີ ແລະ ເປັນເຈົ້າໜ້າທີ່ປອດໃສຂາວສະອາດ,

3. ຕໍ່ມາ, ເພິ່ນໄດ້ດຳລົງ 03 ຕຳແໜ່ງ ທີ່ມີກຽດສູງສົ່ງ ເຊິ່ງໃນນັ້ນ, ຕຳແໜ່ງສູງສຸດກໍຄືເປັນອັກຄະເສນາບໍດີ,

4. ເລື່ອງ “ປະຕິເສດເງິນຄຳດ້ວຍຄຳວ່າ 04ຮູ້, ເລີ່ມມີການບັນທຶກໄວ້ໃນປຶ້ມ “ປະຫວັດສາດຮັ້ນຕາເວັນອອກ”,

5. ຍັງລະບຸວ່າ: “ຢາງເຈິ້ນເປັນຄົນຊື່ກົງຍຸດຕິທຳແລະປອດໃສຂາວສະອາດ, ບໍ່ຍອມຮັບການເຂົ້າຢ້ຽມຄຳນັບແບບສ່ວນຕົວຈາກຂັ້ນລຸ່ມ”,

6. ລູກຫຼານຂອງຢາງເຈິ້ນກໍດຳລົງຊີວິດແບບລຽບງ່າຍ,ກິນພືດຜັກເປັນຫຼັກແລະການເດີນທາງກໍຍ່າງເອົາ ແລະ ບໍ່ຂີ່ລົດ,

7. ມີໝູ່ເກົ່າ ແລະ ອາວຸໂສຊວນລາວຈັດຊື້ອະສັງຫາລິມະຊັບເຊັ່ນເຮືອນ,ທີ່ດິນແລະອື່ນໆກຽມໄວ້ໃຫ້ລູກຫຼານ, ຢາງເຈິ້ນກໍເວົ້າວ່າ: “ໃຫ້ຄົນຮຸ່ນຫຼັງເອີ້ນເຂົາເຈົ້າວ່າເປັນລູກຫຼານເຈົ້າໜ້າທີ່ຜູ້ປອດໃສຂາວສະອາດ, ເຮົາມອບຊື່ສຽງນີ້ໃຫ້ເຂົາເຈົ້າ ຊິບໍ່ຖືວ່າເປັນຊັບສິນໃຫຍ່ຫຼວງບໍ່”,

8. ມາເຖິງສະໄໝລາຊະວົງມິງ,ຢູ່ໃນສຳນັກງານປົກຄອງຂອງນະຄອນໄຫຼໂຈ່ວ,ຍັງມີຫໍໄຫວ້ຢາງເຈິ້ນ, ຫໍ “04 ຮູ້” ອີກ,

9. ກາບກອນປະຫວັດກ່ວນຊີ່ ເປັນຜົນງານກາບກອນຂອງຮູເຈິ່ງ ນັກກະວີສະໄໝລາຊະວົງຖັງໄດ້ຍ້ອງຍໍຢາງເຈິ້ນວ່າ: “ດວງວິນຍານຢາງເຈິ້ນຫາຍອອກຈາກພູເປີຍໝາງ, ຮ່ອງຮອຍການເຄື່ອນໄຫວປະພຶດຕົວຢູ່ກ່ວນຊີ່ຄ່ອຍໆຄຸມເຄືອຖືກຫຼົງລືມ,

10. ເລື່ອງ 04 ຮູ້ ໄດ້ສ້າງຊື່ສຽງດີງາມໃນເມືອງມະນຸດ ແລະ ຄວນຈະຍືນຍົງຄົງຕົວຊົ່ວກາລະນານ;

(9) ຢາງເຈິ້ນບໍ່ພຽງແຕ່ຮັກສາໂຕໃຫ້ປອດໃສຂາວອສະອາດເທົ່ານັ້ນ, ຍັງກ້າຕຳໜິຕິຕຽນປະກົດການຫຍໍ້ທໍ້ໃນວົງການການເມືອງອີກດ້ວຍ:

1. ເພິ່ນກ້າຕຳໜິໂດຍບໍ່ປິດປັງຕໍ່ເຄືອຍາດພີ່ນ້ອງແລະເຊື້ອວົງຕະກຸນເຈົ້າຊີວິດ,

2. ເກິງປາວ ພໍ່ນ້າຂອງເຈົ້າຊີວິດຮັ້ນອ່ານ ແລະ ຢຽນສຽນ ອ້າຍຂອງອັກຄະມະເຫສີ ແລະ ອື່ນໆ, ຕ່າງກໍໄດ້ແນະນຳໝູ່ເພື່ອນຍາດພີ່ນ້ອງຂອງຕົນຕໍ່ຢາງເຈິ້ນເພື່ອໃຫ້ເຂົ້າເປັນເຈົ້ານາຍໃນລາຊະສຳນັກ,

3. ຢາງເຈິ້ນຮູ້ດີວ່າຄົນເຫຼົ່ານີ້ບໍ່ມີຄວາມຮູ້ຄວາມສາມາດທັງບໍ່ມີຄຸນສົມບັດກໍເລີຍປະຕິເສດຢ່າງເດັດຂາດໝົດ,

4. ຄຸນສົມບັດ ແລະ ແບບແຜນຄອບຄົວແບບນີ້ ເປັນຂອງຂວັນທີ່ດີທີ່ສຸດສຳລັບລູກຫຼານ,

5. ຕຳລາປະຫວັດສາດລະບຸໄວ້ວ່າ: 04ຮຸ່ນຄົນ ຂອງຕະກຸນຢາງເຈິ້ນ ມີຄວາມຊື່ສັດບໍລິສຸດ ແລະ ຈະຣິຍະທຳຕະກູນປອດໃສຂາວສະອາດ ແລະ ຍຸດຕິທຳ,

6. ຢາງປິງ ລູກຂອງຢາງເຈິ້ນດຳລົງຊີວິດສັນໂດດໃນຊົນນະບົດເຮັດວຽກເປັນຄູສອນໜັງສື, ຈົນຮອດອາຍຸ 40 ກວ່າປີຈິ່ງອອກມາເປັນເຈົ້ານາຍ ແລະ ໄດ້ຮັກສາບຸກຄະລິກຄວາມປອດໃສໄຮ້ມົນທິນແບບພໍ່,

7. ມີໝູ່ເກົ່າ ແລະ ລູກນ້ອງເອົາເງິນມາຕ້ອນເປັນລ້ານ, ແຕ່ເພິ່ນກໍປະຕິເສດບໍ່ຮັບເອົາໂດຍອ້າງຄຸນສົມບັດເປັນຜູ້ປອດໃສຂາວສະອາດ,

8. ຢາງຊື້ ລູກອີກຜູ້ໜຶ່ງຂອງຢາງເຈິ້ນດຳລົງຕຳແໜ່ງເປັນອັກຄະເສນາບໍດີ, ຢາງສີ ແລະ ຢາງປ່ຽວ ເຫຼັນຂອງຢາງເຈິ້ນລ້ວນແຕ່ໄດ້ຮັກສາລະບຽບແບບແຜນປອດໃສຂາວສະອາດຂອງຮຸ່ນປູ່,

9. ຄຸນສົມບັດຕະກູນຢາງເຈິ້ນທີ່ສ້າງຊື່ສຽງດີງາມໃຫ້ຮຸ່ນລູກຮຸ່ນຫຼານເປັນ “ລູກຫຼານເຈົ້ານາຍປອດໃສຂາວສະອາດ” ໄດ້ຮັບການຍ້ອງຍໍສັນລະເສີນ ແລະ ເຊີດຊູຊົ່ວກາລະນານ;

(10) ໃນກອງປະຊຸມຄົບຄະນະເທື່ອທີ 07 ຂອງຄະນະກຳມະການກວດກາວິໄນສູນກາງພັກກອມມູນິດຈີນຊຸດທີ 18, ທ່ານສີຈິ້ນຜິງໄດ້ເນັ້ນວ່າ:

1. ພະນັກງານການນຳຂອງພັກຕ້ອງຍຶດຖືສະຕິຕື່ນຕົວ ແລະ ມີສະຕິຕື່ນຕົວ,

2. ເມື່ອມີສະຕິຕື່ນຕົວ ແລະ ມີສະຕິຕື່ນຕົວສູງຂຶ້ນແລ້ວ, ກໍຈະສາມາດຊອກໄດ້ມາດຕະຖານການປະພຶດຕົວຂອງຕົນ,

3. ການມີສະຕີຕື່ນຕົວ ແມ່ນມີຜົນຕໍ່ການຍືນຍົງຄົງຕົວ, ການສ້າງຄຸນງາມຄວາມດີ, ການສ້າງທັດສະນະຖ້ອຍຄຳພິເສດ ແລະ ການສ້າງຄຸນສົມບັດຂອງຄົນຜູ້ໜຶ່ງ,

4. ເມື່ອມີສະຕິຕື່ນຕົວ ຈະສາມາດຮູ້ຜິດຮູ້ຖືກ,ຮູ້ແກ້ໄຂອັນໃດເປັນສ່ວນລວມອັນໃດເປັນສ່ວນຕົວ, ຈະສາມາດຮັກສາຄວາມເປັນທຳ ແລະ ກຳຈັດຄວາມຊົ່ວໄດ້,

5. ສະຕິຕື່ນຕົວເປັນ ຫີນວັດແທກຄຳຫຼືເປັນມາດຕະຖານ ສຳລັບກວດສອບຄຸນທາດແນວຄິດຂອງຄົນຜູ້ໜຶ່ງ,

6. ເມື່ອປະເຊີນໜ້າກັບຄວາມຂັດແຍ້ງລະຫວ່າງສ່ວນລວມແລະສ່ວນຕົວ, ຍຸຕິທຳກັບຜົນປະໂຫຍດ,ຖືກກັບຜິດ,ຄວາມເປັນທຳກັບຄວາມຊົ່ວ, ຄວາມທຸກກັບຄວາມສຸກ ແລະ ຈະເລືອກເອົາໂຕໃດ ລ້ວນແລ້ວຕ້ອງອາໃສສະຕິຕື່ນຕົວນັ້ນເອງ (ຂໍ້ມູນບົດເລື່ອງ: ພາສາຈີນ-ລາວ ປະຈຳວັນ). ທີ່ມາ: Sourioudong Sundara