ຫ້າມນັກສຶກສາລາວຢູ່ສສຫວຽດນາມເຄື່ອນຍ້າຍໄປ-ມາຄວບຄຸມປ້ອງກັນໂຄວິດ-19

ຫ້ອງການ ກະຊວງການຕ່າງປະເທດ ໄດ້ໂທລະສານທາງລັດຖະການ ເຖິງສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ຮ່າໂນ້ຍ; ສະຖານກົງສຸນໃຫຍ່ ແຫ່ງ ສປປ ລາວ ທີ່ໂຮ່ຈີມິນ; ສະຖານກົງສຸນໃຫຍ່ແຫ່ງ ສປປ ລາວ ທີ່ດານັງ, ເລກທີ 242/ຫກ.ອປອ, ລົງວັນທີ 31 ມີນາ 2020 ໂດຍອີງຕາມໜັງສືທາງລັດຖະການຂອງສະຖານກົງສຸນໃຫຍ່ແຫ່ງ ສປປ ລາວ ທີ່ດານັງ ສະບັບເລກທີ 119/ກສ.ດນ, ລົງວັນທີ 27 ມີນາ 2020. ກະຊວງການຕ່າງປະເທດ ຈຶ່ງໄດ້ແຈ້ງມາຍັງສະຖານທູດ ແລະ ສະຖານກົງສຸນໃຫຍ່ ຊາບວ່າ: ເພື່ອປະຕິບັດຕາມ ຕາມຄໍາສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການສະກັດກັ້ນ,

ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ສະບັບເລກທີ 06/ນຍ, ລົງວັນທີ 29 ມີນາ 2020 ຢ່າງເຂັ້ມງວດ, ຈຶ່ງແຈ້ງມາຍັງສະຖານທູດ ແລະ ສະຖານກົງສຸນໃຫຍ່ ໃຫ້ປຸກລະດົມນັກສຶກສາລາວ ທີ່ກໍາລັງສຶກສາຮໍ່າຮຽນຢູ່ສະຖາບັນການສຶກສາຕ່າງໆທົ່ວປະເທດຫວຽດນາມໃຫ້ຢູ່ບ່ອນເກົ່າ, ບໍ່ໃຫ້ມີເຄື່ອນຍ້າຍໄປ-ມາ ຕາມທິດຊີ້ນໍາຂອງລັດຖະບານແລະ ໃຫ້ປະຕິບັດບັນດາມາດຕະການປ້ອງກັນຂອງປະເທດເຈົ້າພາບ ຢ່າງເຂັ້ມງວດ ຈົນກວ່າສະພາບ ການລະບາດຂອງພະຍາດ ໂຄວິດ-19 ຜ່ອນຄາຍລົງ.