ໂດໂນທຣັມໂພສຂໍ້ຄວາມໃຫ້ກອງທັບສາມາດຍິງຜູ່ປະທ້ວງໄດ້ທັນທີ

ຕົ້ນເດືອນ ມິຖຸນາ 2020 ເຊິ່ງ Mark Zuckerberg ໄດ້ກ່າວວ່າໂພສນີ້ບໍ່ໄດ້ລະເມີດນະໂຍບາຍ Facebook ແລະ ໃຫ້ໂພສສະແດງໃນ platform ຕໍ່ໄດ້ຕາມປົກກະຕິ. “ຂ້ອຍບໍ່ເຫັນດີຢ່າງຍິ່ງກັບວິທີການທີ່ທ່ານປະທານາທິບໍດີໄດ້ເວົ້າກຽ່ວກັບເລື່ອງນີ້ ແຕ່ຂ້ອຍເຊື່ອວ່າຜູ້ຄົນຄວນເຫັນສິ່ງນີ້ດ້ວຍຕົວພວກເຂົາເອງເພາະໃນທີ່ສຸດແລ້ວ ຄວາມຮັບຜິດຊອບຂອງຜູ້ມີອຳນາດຈະເກີດຂຶ້ນໄດ້ກໍ່ຕໍ່ເມື່ອຄຳເວົ້າຂອງພວກເຂົາໄດ້ຮັບຮູ້ໃນທີ່ສາທາລະນະ” ມາກ ຊັກເຄີເບີດກ່າວ. ເຮັດໃຫ້ທາງປະທານາທິບໍດີ Trump ໄດ້ອອກມາໂພສທວິດເຕີ້ໂດຍມີໃຈຄວາມສຳຄັນຄື:

“ກອງທັບຈະຢູ່ຂ້າງເຂົາຕະຫລອດທາງ ຫາກມີການປຸ້ນຈີ້ເກີດຂຶ້ນ ແມ່ນໃຫ້ກອງທັບສາມາດຍິງໄດ້ທັນທີ” ເຊິ່ງລຸງ Trump ໄດ້ໂພສຂໍ້ຄວາມນີ້ທັງໃນ Facebook ແລະ Twitter. ແຕ່ວ່າໂພສທາງ Twitter ໄດ້ຖືກ platform ເຊື່ອງໂພສຂອງລຸງທັນທີເນື່ອງຈາກທວິດນີ້ລະເມີດກົດຂອງ Twitter. ເຖິງຢ່າງໃດກໍ່ຕາມທາງຝັ່ງ Facebook ບໍ່ໄດ້ມີການລົບໂພສຄືກັບ Twitter ເລີຍ. ຈາກປະເດັນການເສຍຊີວິດຂອງ George Floyd ຊາຍຜິວສີທີ່ຖືກຈັບກຸມ ໂດຍໃຊ້ກຳລັງເກີນກວ່າເຫດຈົນເຂົາເສຍຊີວິດເຮັດໃຫ້ເກີດມີເຫດການ ຄວາມວຸ້ນວາຍຄັ້ງໃຫຍ່ໄປທົ່ວສະຫະລັດອະເມລິກາ ມີການເຜົາອາຄານສຳນັກງານ ແລະ ທຳຮ້າຍເຈົ້າໜ້າທີ່.