ຊາຍຮັກຊາຍເປີດຫ້ອງແລ້ວຕໍ່ສູ້ກັນເຖີງຂັ້ນເສຍຊີວິດທັງສອງຄົນຍ້ອນຄວາມຫືງຫວງ

ເວລາ 12:00 ໂມງຂອງວັນທີ 31 ກໍລະກົດ, ເຈົ້າໜ້າທີ່ຕຳຫຼວດ ປກສ ເມືອງພະລານ ໄດ້ຮັບແຈ້ງການເຖິງຜູ້ເສຍຊີວິດ 2 ຄົນຢູ່ຫ້ອງເລກທີ 567/86, ຊັ້ນ 6, ຫ້ອງແຖວຢູ່ ບ້ານສຸຂຸມວິດ 77, ຖະໜົນ ອ່ອນນຸດ, ເມືອງສຸລາດ ປະເທດໄທ ໃນນັ້ນມີສັນຍານຂອງການຕໍ່ສູ້ ສິ່ງຂອງຕ່າງໆຖືກທຳລາຍແລະມີຮອຍເປື້ອນເລືອດຫຼາຍ ທັງສອງເສຍຊີວິດ ຊື່ຜູ່ເສຍຊີວິດທ້າວ ປີຍະພອນ  ອາຍຸ 26 ປີ,

ປະຊາຊົນຈາກຈັງຫວັດ ນະຄອນລາດຈະສີມາ ແລະທ້າວ ສົມຈັນ ກົງຄຳ, ຄົນລາວ ເມືອງສຸຂຸມາ ແຂວງຈຳປາສັກ ໄດ້ເສຍຊີວິດຍ້ອນຖືກແກ້ວແທງຢູ່ດ້ານຫຼັງຂອງທັງສອງ ເປືອຍກາຍຢູ່ໃນຫ້ອງ, ແລະຍັງພົບຖົງອະນາໄມທີ່ໃຊ້ແລ້ວ, ຊິມໂທລະສັບ, ພະນັກງານໄດ້ເກັບກຳເພື່ອກວດກາທັນທີ. ການສືບສວນພົບວ່າພວກເຂົາທັງສອງໄດ້ຂັບລົດໄປເຊົ່າຫ້ອງຢູ່ຫ້ອງຄອນໂດໃນວັນທີ 29 ກໍລະກົດ 2020 ນີ້.

ໃນຕອນຄໍ່າຂອງວັນທີ 29-30 ກໍລະກົດ, ປະຊາຊົນໄດ້ຍິນການໂຕ້ຖຽງກັນ. ມື້ວານນີ້ເຈົ້າຂອງຫ້ອງຈະເອົາໂທລະທັດໄປໃຫ້ ທ້າວ ປີຍະພອນ ຕາມຄຳຮ້ອງຂໍ. ແຕ່ບໍ່ສາມາດຕິດຕໍ່ທັງສອງໄດ້ ດັ່ງນັ້ນມື້ນີ້, ເຈົ້າຂອງຫ້ອງຕັດສິນໃຈເຂົ້າມາໃນຫ້ອງອີກຄັ້ງຫລັງຈາກໄດ້ຮັບແຈ້ງວ່າມີກິ່ນເໝັນ ຈາກຫ້ອງນີ້ແລະດັ່ງນັ້ນຈິ່ງມາກວດກາແຕ່ບໍ່ສາມາດເປີດຫ້ອງໄດ້.

ສະນັ້ນຈິ່ງປະສານສົມທົບກັບນິຕິບຸກຄົນເພື່ອເປີດຫ້ອງກ່ອນພົບເຫດການດັ່ງກ່າວທີ່ກ່າວມານັ້ນ. ທ່ານ ກຽດຕິສັກ ບຸນພໍ, ຜູ້ ອຳນວຍການສະຖານີຕຳຫຼວດ ພະນະຄອນ ເປີດເຜີຍວ່າ ທັງສອງໄດ້ເປີດຫ້ອງແລ້ວ. ກ່ອນເຫດການຈະມີການຜິດຖຽງກັນກັບຄວາມຫືງຫວງທີ່ອີກຝ່າຍຢາກຈະເລີກລາ

ຈົນມີການຕໍ່ສູ້ກັນຈົນເຮັດໃຫ້ແກ້ວແວ່ນໜ້າໂຕະແຕ່ງໜ້າແຕກແລ້ວເອົາມາເປັນອາວຸດເຂົ້າໄປທຳຮ້າຍເຊິ່ງກັນແລະກັນ, ແທງເຊິ່ງກັນແລະກັນຈົນເຮັດໃຫ້ທັງສອງເສຍຊີວິດ, ເຊິ່ງ ຕຳຫຼວດຈະສົ່ງຮ່າງກາຍໄປສອບສວນຫາສາເຫດຂອງການເສຍຊີວິດຢູ່ໂຮງໝໍຕຳຫຼວດຕໍ່ໄປ