ມອບ-ຮັບໂຮງຮຽນແລະໂຮງໝໍນ້ອຍໃຫ້ຊຸມຊົນທີ່ຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້າ

ມອບ-ຮັບໂຮງຮຽນ ແລະ ໂຮງໝໍນ້ອຍ ໃຫ້ຊຸມຊົນທີ່ຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້າ ນໍ້າເທີນ 1 ໃນອາທິດທີ່ຜ່ານມານີ້, ໄດ້ມີພິທີມອບ-ຮັບອາຄານໂຮງຮຽນ ແລະ ໂຮງໝໍນ້ອຍ ຢູ່ບ້ານຫ້ວຍຫອຍ ເມືອງວຽງທອງ ແຂວງບໍລິຄຳໄຊ ລະຫວ່າງກຸ່ມບໍລິສັດ ພອນສັກ ແລະ ອຳນາດການປົກຄອງແຂວງ ບໍລິຄຳໄຊ ພາຍຫລັງດໍານີນການກໍ່ສ້າງມາແຕ່ຕົ້ນປີ 2019 ໂດຍການຕອບສະໜອງທຶນການກໍ່ສ້າງທັງໝົດ ຈາກກຸ່ມບໍລິສັດ ພອນສັກ ເພື່ອຕອບສະໜອງພື້ນຖານໂຄງລ່າງ ທາງດ້ານການສຶກສາ ແລະ ສາທາລະນະສຸກ ໃຫ້ແກ່ຊຸມຊົນເຂດດັ່ງກ່າວ ໂດຍສະເພາະແມ່ນ ຊຸມຊົນທີ່ຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້ານໍ້າຕົກ ນໍ້າເທີນ 1 ຈໍານວນ 7 ບ້ານທີ່ຍົກຍ້າຍມາຢູ່ເຂດຈັດສັນບ້ານຫ້ວຍຫອຍ.

ໂຄງການກໍ່ສ້າງມີອາຄານທັງໝົດ 10 ຫຼັງ ປະກອບມີ: ໂຮງຮຽນອະນຸບານຈຳນວນ 1 ມີ 8 ຫ້ອງ ຂະໜາດ 9×64 ແມັດ, ອາຄານໂຮງຮຽນ ຊັ້ນປະຖົມສຶກສາສົມບູນ 1 ຫລັງມີຂະໜາດ 9×56 ແມັດ ຈຳນວນ 2 ຫລັງ ມີ 14 ຫ້ອງຮຽນ, ອາຄານຊັ້ນຮຽນ ມັດທະຍົມຕອນຕົ້ນຈຳນວນ 2 ຫລັງ ຂະໜາດ 9×64 ແມັດ, ມີ 16 ຫ້ອງ, ອາຄານຊັ້ນຮຽນມັດທະຍົມຕອນປາຍຈຳນວນ 2 ຫລັງ ມີ 14 ຫ້ອງ ຂະໜາດ 9 x 56 ແມັດ, ຫໍພັກຄູ-ອາຈານ 1 ຫຼັງ, ເຮືອນຄົວ 1 ຫຼັງ, ຫ້ອງນໍ້າ 2 ຫຼັງ, ສະໂມສອນ 1 ຫຼັງ ແລະ ໂຮງໝໍ 1 ຫຼັງ ພ້ອມອຸປະກອນການແພດຈໍານວນໜື່ງ