ສປປ ລາວ ສົ່ງອອກຜະລິດຕະພັນເຫຼັກເສັ້ນ 300 ໂຕນໄປຕ່າງປະເທດສຳເລັດ

ເມື່ອບໍ່ດົນມານີ້, ທີ່ດ່ານສາກົນໜອງນົກຂຽນ, ແຂວງຈຳປາສັກ (ຊາຍແດນລະຫວ່າງ ລາວ-ກຳປູເຈຍ), ບໍລິສັດ ເຫລັກຄູນເພັງ ວຽງຈັນຈຳກັດ ແລະ ບໍລິສັດ ອຸດສາຫະກຳເຫລັກ ຄູນຄຳ ຈະກັດ ໄດ້ສົ່ງອອກຜະລິດຕະພັນເຫລັກເສັ້ນ ຂອງ ສປປ ລາວ ຄັ້ງທຳອິດ ໃນປະຫວັດສາດຈຳນວນ 300 ໂຕນ ໄປນະຄອນຫລວງພະນົມເປັນ, ປະເທດກຳປູເຈຍ.

ທ່ານ ຈີ ຢົງ ກວນ (JI YONG QUAN) ໄດ້ກ່າວວ່າ: ຜະລິດຕະພັນເຫລັກເສັ້ນຂອງ ລາວ ແມ່ນໄດ້ຮັບການຢັ້ງຢືນຄຸນນະພາບມາດຕະຖານ SR24, SD30, SD40 ຈາກກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຢີ, ໄດ້ຮັບການຢັ້ງຢືນມາດຕະຖານ ISO 90012015 ແລະ ເປັນໂຮງງານແຫ່ງທໍາອິດ ທີ່ສາມາດຜະລິດເຫລັກເສັ້ນ ກົມກ້ຽງຂະໜາດ 6mm ແລະ ເຫລັກເສັ້ນປ້ອງອ້ອຍຂະໜາດ 6,5mm ທີ່ໄດ້ຄຸນນະພາບ ມາດຕະຖານໃນ ສປປ ລາວ.

ປັດ ຈຸບັນ ທາງໂຮງງານດັ່ງກ່າວ, ມີກຳລັງການຜະລິດ 300.000 ໂຕນ/ປີ ແລະ ມີຕົວແທນຈຳໜ່າຍທົ່ວປະເທດ. ທ່ານ ຈີ ຢົງ ກວນ (JI YONG QUAN) ກ່າວຕື່ມວ່າ: ການສົ່ງອອກຄັ້ງນີ້, ແມ່ນຜະລິດຕະພັນເຫລັກເສັ້ນປ້ອງອ້ອຍຂະໜາດ 25mm, ຈຳນວນ 300 ໂຕນ,

ເປັນຜະລິດຕະພັນເຫລັກເສັ້ນທີ່ຜະ ລິດພາຍໃຕ້ການຮ່ວມມືລະຫວ່າງບໍລິສັດ ເຫລັກຄູນເພັງ ວຽງຈັນ ຈຳກັດ ແລະ ບໍລິສັດ ອຸດສາຫະກຳເຫລັກຄູນຄຳ ຈະກັດ, ເຊິ່ງທັງສອງບໍລິສັດ ໄດ້ເລີ່ມການຮ່ວມມືກັນຮອບດ້ານ ມາແຕ່ຕົ້ນປີ 2018, ໂດຍສະເພາະການຜະລິດ, ການຂາຍຜະລິດຕະພັນເຫລັກ ແລະ ການບໍລິການຄົບວົງຈອນ ທີ່ໃຫ່ຍທີ່ສຸດໃນ ສປປ ລາວ.