ລູກນໍ້າ ທິດາລັດ ນາງງາມໃຈບຸນ ຊ່ວຍເຫຼືອ ພໍ່ຕູ້ໂສມ ໄຟໄຫມ້ເຮືອນ ສ້າງເຮືອນໃຫ້ພໍ່ຕູ້ໄດ້ຢ່າງສຳເລັດ

ງາມ ແລະ ລວຍນໍ້າໃຈມີຢູ່ນີ້ເດີ້! ຊົມເຊີຍ “ລູກນໍ້າ ທິດາລັດ ນາງງາມໃຈບຸນ” ຄິດດີ ເຮັດດີ ທຳດີ ແລະ ໄດ້ດີ! ຈາກຄັ້ງກ່ອນທີ່ໄດ້ມີການປຸກລະດົມ ເພື່ອຊ່ວຍເຫຼືອ ພໍ່ຕູ້ໂສມ ໄຟໄຫມ້ເຮືອນເພິ່ນວັນທີ 6 ຕຸລາ 2020 ທີ່ຜ່າມາ ພໍ່ຕູ້ທີ່ມີອາຍຸ 80 ປີ, ມີລູກ 2 ຄົນ ຕາອີຕົນຫຼາຍ

ຈາກເຫດການໄຟໄໝ້ ເອົາຊີວິດເກືອບບໍ່ທັນ ລູກນໍ້າເຫັນດັ່ງນັ້ນ ຈຶ່ງບໍ່ລໍຊ້າເປັນກະບອກສຽງໃຫ້ການຊ່ວຍເຫຼືອຄັ້ງນີ້ຢ່າງເຕັມທີ່ ພ້ອມສົມທົບທຶນບໍລິຈາກ ຮ່ວມກັບຜູ້ໃຈບຸນ ຈົນສາມາດສ້າງເຮືອນໃຫ້ພໍ່ຕູ້ໄດ້ຢ່າງສຳເລັດ ລວມມູນຄ່າທັງໝົດ 51,839,000 ກີບ ເຫັນພາບນີ້ແລ້ວດີໃຈນຳພໍ່ຕູ້ອີຫຼີ!

ທັງນີ້ ລູກນໍ້າຍັງໄດ້ກ່າວດ້ວຍຄວາມດີໃຈ ທີ່ມີເນື້ອໃນວ່າ: “ຂາດບໍ່ໄດ້ເລີຍຄືການຮ່ວມໃຈກັນຂອງຜູ້ໃຈບຸນ ທີ່ສົ່ງຕໍ່ນໍ້າໃຈໂຮມກັນຈົນສາມາດພໍ່ຕູ້ໄດ້ ເຫັນພາບການຊ່ວຍເຫຼືອຄົນລາວນຳກັນແລ້ວ ດີໃຈນຳພໍ່ຕູ້ອີຫຼີ ເຮືອນໄຟໄຫມ້ໃນຕອນນັ້ນ ຕັດພາບມາຕອນນີ້ ❤👏🏻👏🏻

ຂອບໃຈທຸກໆຄົນທີ່ ຮ່ວມເງິນມາບໍລິຈາກໃຫ້ຕູ້ໂສມ ອາຍຸ 92ປີ #ເງິນທັ້ງຫມົດໄດ້ 51,839,000ກີບ #ປຸກບ້ານໝົດ 44,358,000 ກີບ #ຊຶ້ເຄື່ອງໝົດ 4,881,000ກີບ = ບ່ອນນອນ2ອັນ+ຕູ້ເຢັນ+ຜ່າຫົ່ມ+ພັດລົມ+ຫມໍ້ຫຸງເຂົ້າ+ສາຍໄຟ+ອື່ນໆ #ມອບເງິນສົດໃຫ້ 2,600,000 ກີບ

ມອບໃຫ້ຢູ່ ນາກາຍ ແຂວງຄຳມ່ວນ ພໍ່ຕູ້ເພິ່ນມີຄວາມສຸກຫລາຍ ໄຫ້ 5-6ຮອບ ຕອນມອບ …ຕອນນີ້ແມ່ນເຂົ້າຢູ່ລະເດີ້ ເພິ່ນຢູ່ນຳຫລານສາວເພິ່ນ 🙏🏻🙏🏻 ເພິ່ນຂອບໃຈຫລາຍໆ (ເທື່ອນີ້ນ້ຳບໍ່ໄດ້ໄປເອງ ແຕ່ນ້ຳໃຫ້ນ້ອງໆໄປແທນ ເພາະນ້ຳເດີນທາງໄກຍັງບໍ່ໄດ້ເທື່ອ )

ຂອບໃຈຫລານຕູ້ໂສມທີ່ຄຸມບ້ານ ແລະສັ່ງເຄື່ອງຊ່ວຍ ຂອບໃຈນາຍບ້ານ ຂັນຄຳ ສໍຫູນພອນ ທີ່ຄຸມບ້ານຊ່ວຍ ຂອບໃຈຜູ້ສະຫນັບສະຫນຸນໃນການເດີນທາງ ທັ້ງຫມົດ

ຮ້ານ ຕັດຜົມ The Barber Lao ຂອບໃຈ Bank Singhalath Donely X-junior Kampou Phonthachack ທີ່ເສຍເວລາໄປມອບໃຫ້ເດີ້” ການໃຫ້ຄືນໍ້າໃຈທີ່ຍິ່ງໃຫຍ່ທີ່ສຸດ!