ພຣະອົງຕື້ ເຄີຍຖືກເຮືອບີນຍິງທຳລາຍແຕ່ ພຣະອົງຕື້ ບໍ່ເປັນຫຍັງ

ພຣະພຸດທະຮູບ(ພຣະອົງຕື້) ເມື່ອກ່ອນເຄີຍສະຖິດຢູ່ທີ່ວັດເກົ່າ(ວັດຮ້າງ)ທີ່ບ້ານເມືອງໂສຍ,ເມືອງວຽງໄຊ,ແຂວງຫົວພັນ ວັດດັ່ງກ່າວນີ້ໃນສະໄຫມສົງຄາມເຄີຍຖືກເຮືອບີນຍິງທຳລາຍຈົນມຸ່ນກະຈຸຍຫມົດ ແຕ່ແປກທີ່ສຸດຄື ພຣະອົງຕື້ ບໍ່ເປັນຫຍັງ

ດຽວນີ້ພຣະອົງຕື້ເພີ່ນໄດ້ອັນເຊີນມາສະຖິດໄວ້ທີ່ເມືອງຊຳເໜືອແຂວງຫົວພັນ ຊຶ່ງເປັນພຣະຄູ່ບ້ານຄູ່ເມືອງອົງນຶ່ງ ທີ່ສະນິກະຊົນທັງຫລາຍເຄົາລົບບູຊາ… (ພຣະເຈົ້າອົງຕື້ເມືອງໂສຍ) ສ້າງຂຶ້ນ ມື້ແຮມ3ຄໍ່າ ເດືອນ3 ພສ.2108, ຄສ.1565 ໂດຍການນຳພາຝ່າຍພຣະສົງ.

  1. ພຣະຊາ ຕາໄຟ ມະຫາເຖຣະ.
    2. ພຣະຊາ ລັນຍຸນ ມະຫາເຖຣະ ແລະ ເຈົ້າພຣະຍາແສນສຸລິນທຳມະລາດ ເຈົ້າຜູ້ຄອງເມືອງໂສຍ ພ້ອມດ້ວຍໄພ່ຟ້າຂ້າແຜ່ນດິນທັງປວງ.

ຊຶ່ງໄດ້ມີການອັງເຊີນໄປສະຖິດຕາມວັດດັ່ງນີ້:
1. ປະດິດສະຖານທີ່ວັດສີບຸນເຮືອງ ເມືອງໂສຍ 418 ພັນສາ.
2. ມາປະດິດສະຖານ ວັດຈັນທະຄາດ ຫຼື ວັດໂພໄຊຊະນາຣາມ ເມືອງຊຳເໜືອ ວັນທີ10 ເດືອນເມສາ ຄສ.1983.
3. ມາປະດິດສະຖານ ວັດສີບຸນເຮືອງ ໄຊຍະຣາມ ເມືອງຊຳເໜືອ ວັນທີ24 ເດືອນພຶດສະພາ ຄສ.2013 ຈົນມາຮອດປັດຈຸບັນ ມີອາຍຸຫລາຍກ່ວາ 450 ປີແລ້ວ