ຄອບຄົວ ສຸພານຸວົງ ຂໍແຈ້ງຂ່າວເສົ້າສະຫຼົດໃຈ

ແຈ້ງຂ່າວເສົ້າສະຫຼົດໃຈ ສູນກາງແນວລາວສ້າງຊາດ,​ ຫ້ອງວ່າການສູນກາງພັກ,​ ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ,​ ຄະນະຊາປານະກິດສົບ ພ້ອມດ້ວຍຄອບຄົວ ສຸພານຸວົງ ຂໍແຈ້ງຂ່າວເສົ້າສະຫຼົດໃຈ ມາຍັງການຈັກຕັ້ງພັກ-ລັດ,​ ເພື່ອນມິດສະຫາຍ,​ ຍາດຕິພີ່ນ້ອງ ທີ່ຢູ່ໃກ້ ແລະ ໄກຊາບທົ່ວເຖິງກັນວ່າ: ທ່ານ ນາງ ຍອດແກ້ວມະນີ ສຸພານຸວົງ,​ ອາດີດຮອງຫົວໜ້າຫ້ອງວ່າການສູນກາງພັກ,​ ອາດີດຮອງປະທານ ສູນກາງແນວລາວສ້າງຊາດ ສະໄໝທີ X,

ອາດີດຫົວໜ້າພະແນກຄົ້ນຄວ້າ ຊ່ວຍລັດຖະມົນຕີ, ອາດີດປະທານສະຫະພັນແມ່ຍິງ, ກຳມະບານ, ເລຂາຊາວໜຸ່ມ ຄອວ ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ,​ ຜູ້ເປັນແມ່,​ ເອື້ອຍ,​ ນ້ອງ ໄດ້ເຖິງແກ່ມໍລະນະກຳ ໃນເວລາ 17:58 ໂມງ ຂອງວັນທີ 29 ກໍລະກົດ 2020 ດ້ວຍພະຍາດຂອງເພິ່ນເອງ ລວມອາຍຸໄດ້ 75 ປີ,​ ປັດຈຸບັນສົບຂອງເພິ່ນໄດ້ຈັດຕັ້ງບຳເພັນກຸສົນ ຢູ່ຫ້ອງປະຊຸມໃຫຍ່ຊັ້ນ II ສູນກາງແນວລາວສ້າງຊາດ,​ ເມືອງ ຈັນທະບູລີ,​ ນະຄອນຫຼວງວຽງຈັນ.​

-ວັນຊາປະນະກິດສົບ ຈະໄດ້ຈັດຂຶ້ນໃນວັນອາທິດ, ວັນທີ 2 ສິງຫາ 2020 ທີ່ວັດເທບນິມິດທາດຝຸ່ນ ເວລາ 13 ໂມງ.
-ວັນຈັນ,​ ວັນທີ 3 ສິງຫາ 2020 ເປັນມື້ເກັບອັດຖິ ແລະ ຫ້າງຫາກະກຽມເຄື່ອງໄຊຍະທານຕ່າງໆ ຢູ່ທີ່ເຮືອນຂອງເພິ່ນເອງ,​ ບ້ານສີວິໄລ,​ ເມືອງໄຊທານີ,​ ນະຄອນຫຼວງວຽງຈັນ.​
-ວັນອັງຄານ,​ ວັນທີ 4 ສິງຫາ 2020 ເປັນມື້ຕັກບາດຖວາຍສັງຄະທານ ພຣະສົງ 09 ອົງ.​
ດັ່ງນັ້ນ,​ ຈຶ່ງແຈ້ງຂ່າວເສົ້າສະຫຼົດໃຈມາຍັງ ການຈັດຕັ້ງພັກ-ລັດ,​ ເພື່ອນມິດສະຫາຍ ແລະ ຍາດຕິພີ່ນ້ອງ ທີ່ຢູ່ໃກ້ ແລະ ໄກຊາບທົ່ວເຖິງກັນ.​ ນະຄອນຫຼວງວຽງຈັນ,​ ວັນທີ 30/7/2020.