ວິທະຍາຄານການແພດກອງທັບ ຕັ້ງຈຸດກວດ ກອງພະຍາດ COVID-19.

ອີງຕາມແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດພະ ຍາດ COVID-19 ສະບັບເລກທີ 012/ສພກ, ລົງວັນທີ 16/3/2020, ດັ່ງນັ້ນ ໃນວັນທີ 31ມີນາ 2020 ວິທະຍາຄານການແພດກອງທັບ ຈຶ່ງແຕ່ງຕັ້ງຄະນະສະເພາະກິດຮັບຜິດຊອບ ຕ້ານພະຍາດ COVID-19 ຊຶ່ງໄດ້ຕັ້ງຈຸດກວດທີ່ປະຕູໂຂງເຂົ້າ-ອອກ ຂອງວິທະຍາຄານການແພດກອງທັບ ເພື່ອກວດ ຄັດກອງຫາຄົນປ່ວຍ ຜູ້ທີ່ສົງໄສຕິດເຊື້ອພະຍາດໂຄວິດ-19,

ໂດຍແມ່ນສະຫາຍ ພັທ ສົມພົງ ເພັດຜູ້ໄທ ກຳມະການຄະນະພັກ ຮອງອຳນວຍການ ຫົວໜ້າຫ້ອງພະລາທິການ ວິທະຍາຄານການແພດກອງທັບ ເປັນຫົວໜ້າ ຄະນະ, ມີ: ພະແນກເສນາຮັກ ແລະ ອະນຸກຳມະການ. ໂດຍປະຕິບັດຕາມແຈ້ງການຂອງກົມເສນາຮັກ ສະບັບເລກທີ 0165/ກສນຮ, ລົງວັນທີ 24/3/2020 ວ່າດ້ວຍການຈັດຕັ້ງປະຕິບັດວຽກງານວິຊາສະເພາະແພດ ໃນການປ້ອງກັນ ແລະ ສະກັດກັ້ນ ການແຜ່ລະ ບາດຂອງພະຍາດອັກເສບປອດ ຍ້ອນເຊື້ອໄວຣັດ COVID-19,

ຈຸດປະສົງ ເພື່ອບໍ່ໃຫ້ເກີດມີການຕິດເຊື້ອໃນກໍາລັງປ້ອງກັນຊາດ, ຮັບປະກັນສຸຂະພາບຂອງຄະນະນໍາ, ພະນັກງານ – ນັກຮົບ ໃຫ້ແຂງແຮງ, ຜ່ານການກວດຄັດກອງ ບໍ່ມີພະນັກງານ – ນັກຮົບ ທີ່ມີອຸນຫະພູມສູງຜິດປົກກະຕິ ແລະ ຄາດວ່າບໍ່ມີຜູ້ຕິດເຊື້ອພະຍາດໂຄວິດ-19. ໃນວັນດຽວກັນ ບໍລິສັດ ໃສສະອາດການຢາ ໄດ້ມາມອບເຄື່ອງອຸປະກອນ ເພື່ອຕ້ານພະຍາດໂຄວິດ-19,

ກ່າວມອບໂດຍ ທ່ານ ນາງ ສຸດາໄລພອນ ສາວຈັນທະລາ ຫົວໜ້າບໍລິສັດ ໃສສະອາດການຢາ, ເຄື່ອງທີ່ນຳມາມອບມີ: ເຈວລ້າງມື ຈຳນວນ 144 ຫຼອດ, ລວມເປັນມູນມູນຄ່າ 4.176.000 ກີບ ແລະ ບໍລິສັດ ຜະລິດ – ການຄ້າລາວີ ຈຳກັດ ກໍໄດ້ມາມອບເຄື່ອງອຸປະກອນເພື່ອຕ້ານພະຍາດໂຄ ວິດ-19, ກ່າວມອບໂດຍ ທ່ານ ຫວຽນ ວັນແອັງ, ເຄື່ອງທີ່ນຳມາມອບມີ:

ເຫຼົ້າ 90 ຈຳນວນ 30 ລິດ,ເຈວລ້າງມື ຈຳນວນ 150 ຫຼອດ, ຜ້າອັດປາກ ຈຳນວນ 120 ກັບ, ຖົງມື ຈຳນວນ 200 ຄູ່, ລວມເປັນມູນຄ່າ 25.000.000 ກີບ, ກ່າວຮັບໂດຍ ສະຫາຍ ພັທ ສົມພົງ ເພັດຜູ້ໄທ ກຳມະການຄະນະພັກ ຮອງອຳນວຍການ ຫົວໜ້າຫ້ອງພະລາທິການ ວິທະຍາຄານການແພດກອງທັບ ຄະນະສະເພາະກິດຮັບຜິດຊອບ ຕ້ານພະຍາດໂຄວິດ-19.