ນ້ຳລົ້ນຝັ່ງຖ້ວມຣີສອດເມືອງວັງວຽງສ່ວນພູ 9 ຫລັກ​ຍັງບໍ່ສາມາດຜ່ານໄດ້

ວັນທີ 4/08/2020 ເວລາປະມານ 6 ໂມງ ເຊົ້າ ໄດ້ມີນຳ້ປ່າໄຫຼສຸ ເຂົ້າຖ້ວມ ຣີສອດແລະຫານອາຫານທີ່ຕິດແຄມນຳ້ຊ່ອງ ເມືອງວັງວຽງ ແຂວງວຽງຈັນ ຫລັງຈາກທີ່ຜົນຕົກໜັກມາຕິດຕໍ່ກັນມາຫຼາຍມື້ ເຮັດໃຫ້ຮ້ານອາຫານແລະທີ່ພັກມີການເສຍຫາຍເລັກຫນ້ອຍ ຢ່າງໃດກໍຕາມທາງເຈົ້າຂອງສະຖານທີ່ ກໍໄດ້ມີການເຝົ້າລະວັງແລະກຽມພ້ອມຮັບມືທຸກສະຖານະການ ໃນຫນ້າຝົນນີ້.

ທາງພູ 9 ຫລັກ​ ຍັງບໍ່ສາມາດຜ່ານໄດ້ໃຫ້ນຳໃຊ້ເສັ້ນທາງອື່ນກ່ອນເດີທຸກທ່ານ ໃນເວລາ​ 9:00 ນາທີ ວັນທີ 3/8/2020 ເສັ້ນທາງ 4C ກາສີ-ເມືອງນານ(ພູເກົ້າຫຼັກ)ແຂວງວຽງຈັນ ຍັງບໍ່ສາມາດສັນຈອນໄປໄດ້ເນື່ອງຈາກວ່າມື້ຄືນນີ້ເວລາ 2:00ນາທີຝົນຕົກແຮງຕົກຫຼາຍໄດ້ມີຫີນໄຫຼເຂົ້າມາທັບຖົມເສັ້ນທາງແຈ້ງເຖິງນັກຂັບຂີ່ທຸກທ່ານກະລຸນານຳໄຊ້ເສັ້ນທາງອື່ນກ່ອນຄາດການວ່າປະມານ​ 10 ໂມງເຊົ້າ​

ຂອງວັນທີ່​ 4/8/2020 ຈິງສາມາດສັນຈອນໄດ້. ຄາດຄະເນສະພາບອາກາດໃນໄລຍະວັນທີ 03 ຫາ 09 ສິງຫາ 2020 ຈາກກົມອຸຕຸນິຍົມ ແລະ ອຸທົກກະສາດ ລະບຸວ່າ: ໃນໄລຍະວັນທີ 03 ຫາ 05 ສິງຫາ 2020 ຮ່ອງຄວາມກົດດັນອາກາດຕໍ່າຈະພາດຜ່ານພາກເຫນືອຂອງປະເທດ ລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫ່ຍ,

ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າ ເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປໃນແຕ່ລະພາກ. ຈາກນັ້ນວັນທີ 06 ຫາ 09 ສິງຫາ 2020 ລົມມໍລະ ສຸມຕາເວັນຕົກສ່ຽງໃຕ້ຈະມີກໍາລັງປານກາງ ພັດປົກຄຸມເປັນສ່ວນໃຫ່ຍ, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ ໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ຕົກຫນັກ ຢູ່ບາງທ້ອງຖິ່ນແຂວງພາກເຫນືອ ລົງຫາພາກກາງ ແລະ ພາກໃຕ້ ພ້ອມຈະມີລົມພັດແຮງເປັນບາງໂອກາດ.