ສຳພາດ ພັທ ເພັງສະຫວັນ ຈາກເຫດການຕຳແລ້ວໜີເຮັດໃຫ້ເສຍຊີວິດທີ່ 4 ແຍກໄຟແດງໂພນເຄັງ

ມາຮອດວັນທີ 2 ມິຖຸນາ 2020, ເວລາ 19:00 ນາທີກິນເວລາຫລາຍກວ່າ 10 ຊົ່ວໂມງຈິງສາມາດຈັບໄດ້ລົດຄູ່ກໍລະນີ ທີ່ຕໍາແລ້ວໜີທະບຽນ ຄໍາມ່ວນ ຮຫ 8999 . ປັດຈຸບັນ ທ້າວ ຄຳຫຼ້າ ວ່າງ ໄດ້ຖືກກັກໂຕຢູ່ຄຸມຂັງຊົ່ວຄາວນະຄອນບານນະຄອນຫຼວງ

ອາການເບືອງຕົ້ນແມ່ນ: ບາດແຜເປິດໃຫຍ່ຫົວເຄົ້າເບື້ອງຊ້າຍ, ຄໍຂາຜິດຮູບເບື້ອງຊ້າຍ ແລະ ປາກແຕກ (ບໍ່ມີສະຕິປຸກບໍ່ຕື່ນ)

ດັ່ງນັ້ນທີມກູ້ຊີບ-ກູ້ໄພນະຄອນຫຼວງຈຶ່ງໄດ້ປະຖົມພະຍາບານຂັ້ນເບື້ອງຕົ້ນແລ້ວນຳສົ່ງ ໂຮງມິດຕະພາບ 150 ຕຽງ ເພື່ອທຳການນວດຫົວໃຈແລ້ວເສຍຊິວິດໃນເວລາຕໍ່ມາ ແລະ ໄດ້ນຳເອົາສົບຜູ້ເສຍຊິວິດໄປຝາກໂຮງເຢັນຢູ່ໂຮງຫມໍມະໂຫສົດ

ໃນວັນທີ 01/06/2020 ເວລາ 23:14 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດລົດໃຫຍ່ຕຳກັບລົດຈັກແລ້ວຫນີ່ ບ້ານ ໂພນເຄັງ ເມືອງ ໄຊເສດຖາ ນະຄອນຫຼວງວຽງຈັນ

ທີມກູ້ຊີບກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບຜູ້ບາດເຈັບ 01 ຄົນ ເປັນເພດຊາຍ

ເບີ່ງຄລິບສຳພາດ ພັທ ເພັງສະຫວັນ ທຳມະບູນ ຫົວໜ້າພະແນກຈາລະຈອນ ນະຄອນຫຼວງ