ເຕືອນໄພນ້ຳຖ້ວມເມືອງບໍລິຄັນນໍ້າຊັນກາຍຂີດລະດັບອັນຕະລາຍແລ້ວ

ວັນທີ 5/8/2020 ນ້ຳເລີ່ມໄຫຼເຂົ້າບາງບ້ານໃນເທດສະບານ ເມືອງບໍລິຄັນ ແຂວງບໍລິຄໍາໄຊ ຄື: ບ້ານນາແຫນ, ສີສະຫວາດ ແລະ ຫາດດອນຄູນ, ມີຄວາມຄືບໜ້າແນວໃດຈະລາຍງານໃຫ້ຊາບເປັນແຕ່ລະໄລຍະ, ແຈ້ງເຕືອນຝົນຕົກໜັກເຂດ ເມືອງບໍລິຄັນ ຕ້ອງລະວັງປັດຈຸບັນ ນໍ້າຊັນ ກາຍຂີດລະດັບອັນຕະລາຍແລ້ວ ກົມອຸຕຸນິຍົມ ແລະ ອຸທົກກະສາດ

ແຈ້ງເຕືອນຝົນຕົກໜັກ ເຂດ ເມືອງບໍລິຄັນ ຕ້ອງລະວັງ ເພາະນໍ້າຊັນ ກາຍເຂດລະດັບເຕືອນໄພແລ້ວ, ຍ້ອນຮ່ອງຄວາມກົດດັນອາກາດຍັງພາດຜ່ານຢູ່ເຂດແຂວງພາກເໜືອ ຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ ມີກຳລັງແຮງປານກາງ ຍັງພັດປົກຄຸມເປັນສ່ວນໃຫ່ຍ, ຊື່ງຈະເຮັດໃຫ້ຝົນຍັງຈະສືບຕໍ່ຕົກໜັກຢູ່ບາງທ້ອງຖີ່ນຂອງແຂວງ ພາກເໜືອ ຫາ ພາກກາງ,

ສ່ວນພາກໃຕ້ ຍັງຈະມີຝົນຕົກໃນລະດັບຄ່ອຍ. ສຳລັບລະດັບນໍ້າຊັນ ເຂດເມືອງເກົ່າໄດ້ຂຶ້ນສູງກາຍເຂດລະດັບອັນຕະລາຍແລ້ວ, ຊຶ່ງໃນຕອນເຊົ້າຂອງມຶ້ນີ້ແທກໄດ້ 8 ແມັດ 52 ຊັງຕີແມັດ, (ລະດັບອັນຕະລາຍ ແມ່ນ 8 ແມັດ) ແລະ ຄາດຄະເນວ່າລະດັບນໍ້າຍັງຈະສືບຕໍ່ຂຶ້ນສູງຕື່ມອີກ. ດັ່ງນັ້ນ, ຈຶ່ງແຈ້ງເຕືອນເຖິງ ພໍ່ແມ່ ປະຊາຊົນບັນດາເຜົ່າ

ທີ່ອາໄສຢູ່ລຽບຕາມແຄມນໍ້າຊັນ ໂດຍສະເພາະຢູ່ເຂດເມືອງ ບໍລິຄັນ ໃຫ້ມີສະຕິລະມັດລະວັງຕໍ່ສະພາບ ນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ. ຂໍໃຫ້ທຸກຄົນມີສະຕິລະວັງໄພນ້ຳຖ້ວມນຳກັນເດີ່