ມະຫາວິບັດໄຟປ່າຖະຫຼົ່ມເມືອງ

ຫຼາຍທ່ານຄົງໄດ້ເຫັນຂ່າວ ໄຟປ່າໄໝ້ຮຸນແຮງ ທີ່ປະເທດອົດສະຕຣາລີ. ມີຄົນແລະສັດເສຍຊິວິດ ແລະສູນຫາຍ, ຂໍສົ່ງແຮງໃຈ ແລະ ຄວາມເຫັນອົກເຫັນໃຈ ຕໍ່ປະຊາຊົນ ອົດສະຕາລີ, ຂໍໃຫ້ເຫດການໄພພິບັດຄັ້ງນີ້ ຜ່ານພົ້ນໄປໂດຍໄວ. ການສູນເສຍ ອັນໃຫຍ່ຫຼວງ ຈາກເຫດການ ໄຟໄຫມ້ປ່າ ທີ່ຮຸນແຮງ

ແລະ ຮ້າຍແຮງທີ່ສຸດ ໃນປະຫວັດສາດ ຂອງມວນມະນຸດຊາດ ທີ່ປະເທດ ອົດສຕາລີ ຄາດວ່າ ມີສັດ ເສຍຊີວິດໄປແລ້ວ 480 ລ້ານໂຕ ນັບຕັ້ງແຕ່ເກີດເຫດການໄຟໄຫມ້ ຕັ້ງແຕ່ເດືອນ ກັນຍາ 2019 ຈົນເຖິງປະຈຸບັນ. ໃນຈໍານວນສັດເຫຼົ່ານີ້ ປະກອບມີ ສັດໃຫຍ່ຫຼາຍສາຍພັນ ເຊັ່ນ:

ໝີໂຄລ້າ, ຈິງໂຈ້, ກວາງ, ນົກອີມູນ, ກະຕ່າຍ ແລະ ສັດປ່າຫາຍາກ ອີກຈໍານວນຫຼາຍ. ຂໍໃຫ້ປະເທດອົດສະຕາລີ ຜ່ານຜ່າວິກິດການນີ້ ໄປໄດ້ໂດຍໄວ, ແປວໄຟ ຍັງສືບຕໍ່ລຸກໄຫມ້ ໄປໃນຫຼາຍພື້ນທີ່ຂອງປະເທດ ອົດສະຕາລີ ເປັນເວລາ ຫຼາຍເດືອນແລ້ວ

ໂດຍ ສະພາບໄຟໄຫມ້ລາມດັ່ງກ່າວ ໄດ້ທໍາລາຍເນື້ອທີ່ປ່າໄມ້ ຊຸມຊົນ ແລະ ບ້ານເຮືອນໄປ ເປັນຈໍານວນຫຼວງຫຼາຍ ! ປະຈຸບັນ ທົ່ວທຸກພາກຂອງປະເທດອົດສະຕາລີ ກໍາລັງຢູ່ໃນສະພາວະວິກິດ ໂດຍຕັ້ງແຕ່ເດືອນກັນຍາ 2019 ເປັນຕົ້ນມາ ມີຜູ້ເສຍຊີວິດ ໄປແລ້ວ 17 ຄົນ

ແລະ ເຮືອນຊານ ຫຼາຍກ່ວາ 1,500 ຫລັງ ຖືກທໍາລາຍ ແລະ ອີກ 28 ຄົນ ຍັງສູນຫາຍ. ປະຈຸບັນ ຄວາມຮຸນແຮງຂອງເປວໄຟ ໄດ້ເພີ່ມຄວາມຮຸນແຮງຂຶ້ນ ແລະ ລັດຖະບານ ໄດ້ສືບຕໍ່ປະກາດໃຫ້ປະຊາຊົນ ທີ່ຢູ່ໃກ້ພື້ນທີ ທີ່ມີຄວາມສ່ຽງ ອົບພະຍົກໄປຢູ່ບ່ອນທີ່ປອດໄພ.

ເປັນຫຍັງໄຟໄຫມ້ປ່າ ຢູ່ປະເທດອົດສະຕາລີ ຈຶ່ງຮຸນແຮງແທ້ ? ສາເຫດການເກີດໄພພິບັດໄຟໄຫມ້ປ່າທີ່ຮຸນແຮງ ທົ່ວປະເທດ ອົດສະຕາລີ ໃນຄັ້ງນີ້ ແມ່ນເປັນຍ້ອນ ສະພາບອາກາດທີ່ຮ້ອນ ເປັນປະຫວັດການ ໂດຍມີອຸນຫະພູມສະເລ່ຍ ສູງຂຶ້ນເຖິງ 41.9 ອົງສາເຊ,

ປະກອບໃສ່ກັບ ໄພແຫ້ງແລ້ງ ທີ່ແກ່ຍາວເປັນເວລາຫຼາຍປີ ແລະ ລົມທີ່ພັດແຮງ ຈຶ່ງເປັນເງື່ອນໄຂ ໃຫ້ເກີດໄຟໄໝ້ລາມ ໄປທົ່ວທຸກພາກ ຂອງປະເທດ. ສະຫລຸບຜົນເສຍຫາຍ ໄພພິບັດ ໄຟໄຫມ້ ຢູ່ປະເທດອົດສະຕາລີ ໃນເທື່ອນີ້ ແມ່ນກວມພື້ນທີ່ໄປແລ້ວ ປະມານ 12 ລ້ານ ເອເຄີ

ແລະ ປະຈຸບັນ ຍັງບໍ່ມີແນວໂນ້ມ ທີ່ຈະຢຸດຕິໄຟໄຫມ້ ໃນຄັ້ງນີ້ໄດ້ເທື່ອ. ລາຍງານ 2 ມັງກອນ 2020, ໜ່ວຍງານດັບເພີງແຫ່ງລັດນິວເຊົາເວວ ປະເທດອົດສະຕຣາລີ ລາຍງານເມື່ອວັນທີ 1 ມັງກອນ ທີ່ຜ່ານມາ ວ່າພົບຜູ້ຊາຍຄົນໜຶ່ງເສຍຊີວິດບໍລິເວນຊາຍຝັ່ງທາງໃຕ້

ເພີ່ມຈຳນວນຜູ້ເສຍຊີວິດຈາກວິກິດໄຟປ່າທີ່ຍັງລຸກແຜ່ລາມຢ່າງໜັກໜ່ວງກວ່າ 150 ຈຸດຕັ້ງແຕ່ເດືອນກັນຍາ ປີທີ່ຜ່ານມາເປັນຢ່າງໜ້ອຍ 14 ຄົນ ສ່ວນໃຫຍ່ພົບໃນລັດນິວເຊົາເວວ ແລະ ຈາກຈຳນວນດັ່ງກ່າວຢ່າງນ້ອຍ 3 ຄົນເປັນເຈົ້າໜ້າທີ່ດັບເພີງ,

ຂະນະທີ່ຄວາມຮຸນແຮງຂອງໄຟປ່າ ໄດ້ເຜົາຜານເນື້ອທີ່ປ່າໄປແລ້ວຫຼາຍກວ່າ 6 ລ້ານເຮັກຕາ ເຊິ່ງເປັນຂະໜາດພື້ນທີ່ໃຫຍ່ກວ່າປະເທດຍີ່ປຸ່ນທັງປະເທດ. ເຊິ່ງໄດ້ມີການຄາດຄະເນວ່າ ມີການຕາຍເປັນຈຳນວນມະຫາສານຂອງສັດລ້ຽງ ແລະ ສັດປ່າໃນພື້ນທີ່ດັ່ງກ່າວ

ໂດຍສະເພາະໂຄອາລາ ເຊິ່ງພົບຫຼາຍທີ່ສຸດໃນລັດນິວເຊົາເວວ, ກະຊວງສິ່ງແວດລ້ອມຂອງອົດສະຕຣາລີ ປະເມີນເຂດທີ່ຢູ່ອາໄສຂອງໂຄອາລາ ທີ່ເສຍຫາຍຈາກໄຟປ້າໄປແລ້ວຫຼາຍກວ່າ 1 ໃນ 3 ແຕ່ໜ່ວຍງານທີ່ກ່ຽວຂ້ອງຍັງຄົງພະຍາຍາມຢ່າງສຸດຄວາມສາມາດໃນການໃຫ້ຄວາມຊ່ວຍເຫຼືອສິ່ງມີຊີວິດທຸກປະເພດ.

ໃນເວລາດຽວກັນ, ສະຖານະການໄຟປ່າໃນລັດວິກຕໍເຣຍ ເຊິ່ງເປັນລັດທີ່ມີປະຊາກອນຫຼາຍເປັນອັນດັບ 2 ແລະ ຕັ້ງຢູ່ຫ່າງຈາກລັດນິວເຊົາເວວລົງໄປທາງທິດໃຕ້ ຍັງຢູ່ໃນພາວະວິກິດເຊັ່ນກັນ, ມີລາຍງານຜູ້ສູນຫາຍຢ່າງໜ້ອຍ 4 ຄົນ ແລະ ບໍລິເວນໄດ້ຮັບຜົນກະທົບຫຼາຍທີ່ສຸດໃນຕອນນີ້ຄື

ພູມມິພາກກິບສະແລນ ເຊິ່ງສ່ວນໃຫຍ່ເປັນປ່າ ແລະ ຫ່າງຈາກເມືອງເມວເບິນປະມານ 500 ກິໂລແມັດ ປະຊາຊົນປະມານ 4,000 ຄົນໃນເມືອງມັນລາຄູຕາໄປລວມຕົວກັນບໍລິເວນຊາຍຫາດ ເພື່ອລໍຖ້າຮັບການຊ່ວຍເຫຼືອຈາກເຈົ້າໜ້າທີ່ ທ່າມກາງວົງລ້ອມຂອງໄຟປ່າ

ເຊິ່ງເຈົ້າໜ້າທີ່ທະຫານ ແລະ ພົນລະເຮືອນດຳເນີນການອົບພະຍົມປະຊາຊົນອອກຈາກຊາຍຫາດໃນເມືອງມັນລາຄູຕາ ຕັ້ງແຕ່ເຄືນວັນອັງຄານ 31 ທັນວາ 2019. ເຖິງຢ່າງໃດກໍ່ຕາມ, ສຳນັກງານອຸຕຸນິຍົມວິທະຍາແຫ່ງຊາດອົດສະຕຣາລີ ພະຍາກອນສະພາບອາກາດໃນທ້າຍອາທິດນີ້ຈະຮ້ອນ

ແລະ ແຫ້ງສຸດຂີດອີກຄັ້ງ ອັນເປັນອຸປະສັກໃຫ້ກັບຄວາມພະຍາຍາມຂອງເຈົ້າໜ້າທີ່ໃນການຄວບຄຸມໄຟປ່າ, ຂະນະທີ່ນະຄອນຫຼວງແຄນເບີຣາ ເຖິງຈະຫຼອດພົ້ນຈາກວິກິດໄພທຳມະຊາດຄັ້ງນີ້ ແຕ່ໝອກຄວັນຈາກການດັບໄຟປ່າໃນເມືອງອື່ນໂດຍຮອບໄດ້ປົກຄຸມທ້ອງຟ້າ

ສົ່ງຜົນໃຫ້ສະພາບອາກາດອັນຕະລາຍເກີດມາດຕະຖານ 20 ເທົ່າ ແລະ ຍັງລອຍໄປປົກຄຸມທ້ອງຟ້າບາງສ່ວນຂອງປະເທດນິວຊີແລນອີກດ້ວຍ. ສະພາບໄຟໄໝ້ປ່າ ເປັນກໍາແພງຍັກ ທີ່ຍັງບໍ່ທັນມີແນວໂນ້ມ ຈະສາມາດດັບລົງໄດ້ ຢູ່ປະເທດ ອົດສຕາລີ ໃນວັນພະຫັດ ທີ່ 2 ມັງກອນ 2020