ເປີດເພງສຽງດັງໆໃນສະຖານທີ່ທ່ອງທ່ຽວທາງທຳມະຊາດ

ຜູ່ໃຊ້ເຟສບຸກທ່ານໜື່ງໄດ້ລະບາຍຄວາມໃນໃຈກ່ຽວກັບຄົນທີ່ເປີດເພງສຽງດັງໆໃນສະຖານທີ່ທ່ອງທ່ຽວທາງທຳມະຊາດ ຈາກຜູ່ໃຊ້ເຟສບຸກທີ່ມີຊື່ວ່າ Inthy Deuansavanh ໄດ້ໂພສວ່າ “ສະນະຄາມ, ເມືອງຫມື່ນ, ເມືອງເຟືອງ. ນີ້ກໍ່ເປັນອີກຫນຶ່ງເຂດໃນປະເທດລາວທີ່ມີທ່າແຮງໃນການພັດຖະນາການທ່ອງທ່ຽວ ຖ້າມີການປະສານກັນຂອງພາກທຸລະກິດແລະຝ່າຍປົກຄອງ

ແນ່ນອນເມືອງຫມື່ນເມືອງເຟືອງຈະເປັນອີກແຫລ່ງຫນຶ່ງທີ່ສາມາດຶງນັກທ່ອງທ່ຽວທັງລາວແລະຕ່າງປະເທດເຂົ້າມາແບບບໍ່ເປັນຮອງວັງວຽງແນ່ນອນ, ທີ່ຕັ້ງດີ, ທຳມະຊາດງາມ( ຍັງບໍລິສຸດ) ເປັນແຫລ່ງໃຫມ່, ສາມາດຖອດຖອນບົດຮຽນທີ່ດີຈາກແຫລ່ງທ່ອງທ່ຽວທີ່ມີຄຸນນະພາບແລະຫລີກລ້ຽງຂໍ້ຜິດພາດທີ່ບາງແຫລ່ງທ່ອງທ່ຽວອຶ່ນໆເຄີຍປະສົບຜ່ານມາ.

ການທ່ອງທ່ຽວເປັນເລື່ອງທີ່ລະອຽດອອ່ນ, ການທີ່ຮູ້ທ່າແຮງຂອງເຮົາແມ່ນສຳຄັນ, ການກຳນົດກຸ່ມລູກຄ້າ ເພື່ອເປັນແນວທາງໃຫ້ເຮົາພັດຖະນາຜະລິດຖະພັນໃຫ້ກົງກັບຕະຫລາດກຸ່ມເປົ້າຫມາຍເປັນເລື່ອງບໍ່ງ່າຍ, ແຕ່ກໍ່ບໍ່ຍາກ,

ແຕ່ມັນຮຽກຮ້ອງໃຫ້ເຮັດວຽກກັນເປັນທີມ, ການທ່ອງທ່ຽວແມ່ນຂະແຫນງເສດຖະກິດທີ່ກ່ຽວພັນກັບຫລາຍພາກສ່ວນ, ສະນັ້ນການເຮັດໄປລວງດຽວກັນເປັນເລື່ອງສຳຄັນ, ຂໍອາໄພທີ່ບັນລະຍາຍຍາວຍືດ, ແຕ່ຍອມຮັບວ່າຕອນນີ້ມີຄວາມເປັນຫ່ວງຫລາຍ, ຕອນນີ້ນັ່ງຢູ່ແຄມນຳ້ຢູທີ່ພັກຂອງຫມູ່, ຂ້າງໆມີຮ້ານເບຍ, ວີວງາມບັນຍາກາດດີເບຍກະເຢັນຄິດວ່າອາຫານກະຕ້ອງແຊບ, ແຕ່ສິ່ງດຽວທີ່ຮູ້ສຶກເຄືອງໆຄືເພີ່ນເປີດເພັງດັງເກີນຄວນ, ຂ້າພະເຈົ້າກະເປັນຄົນຫນຶ່ງທີ່ມັກໃນສຽງເພງຊະນິດໄປໃສຖ້າມີເວທີຕ້ອງຂໍແຈມຮ້ອງເພງພຸ້ນລະ, ແຕ່ບາງຄັ້ງຢູ່ໃນສະຖານທີ່ທຳມະຊາດ,

ສະງົບ ເພງທີ່ໄປນຳບັນຍາກາດຄວນມີຄວາມພໍດີ, ເພາະດັ່ງນັ້ນມັນຈະກາຍເປັນສຽງລົບກວນ( ມົນລະຜິດທາງສຽງ) ຫລືອາດຍ້ອນຂ້າພະເຈົ້າອາຍຸຫລາຍຕີ້ເບາະ, ແຕ່ສ່ວນຫລາຍກະສັງເກັດເຫັນບັນດາຮ້ານທີ່ມີສຽງດັງ ລູກຄ້າຂ້ອນຂ້າງເຕັມ ( ກຸ່ມຄົນທີ່ມັກສຽງດັງ) ແຕ່ຂ້າພະເຈົ້າກະມີຫມູ່ຫລາຍຄົນທີ່ຄິດຄືຂ້າພະເຈົ້າທີ່ຫລີກລ້ຽງ ບໍ່ໄປສະຖານທີ່ທີ່ມີສຽງດັງ, ຫລືໄປພັກຜ່ອນຢູ່ເຂດທີ່ບໍ່ມີສຽງລົບກວນເກີນເຫດ, ນັກທ່ອງທ່ຽວບໍ່ວ່າຈະແມ່ນລາວຫລືຕ່າງປະເທດກໍ່ເຊັ່ນດຽວ,

ສະນັ້ນຖ້າເຮົາຕ້ອງການທັງສອງກຸ່ມນີ້ມາທ່ຽວໃຫ້ພໍໃຈແລະຢາກກັບມາອີກ, ຄວນແບ່ງເຂດໃຫ້ຊັດເຈັນ, ຫລືບໍ່ເຈົ້າຫນ້າທີ່ຜູ້ຮັບຜິດຊອບກໍ່ຄວນກວດກາ, ກົດຫມາຍເລື່ອງສຽງລົບກວນຖືກຮັບຮອງຈາກສະພາມາເກືອບ 5 ປີແລ້ວ, ເພີ່ນລະບຸຊັດເຈັນວ່າກາງແຈ້ງເປີດໄດ້ຊຳ່ໃດ, ຢາກເປີດແຮງຕ້ອງຢູ່ຈຸດໃດ, ເພາະຖ້າບໍ່ບັງຄັບໃຊ້, ເຮົາຈະເປັນປະເທດທີ່ເສລີທາງເລື່ອງສຽງ, ທຸກມື້ທຸກຄົນມີລຳໂພງ, ບໍ່ວ່າຈະເປັນລຳໂພງຫີ້ວ, ລຳໂພງລົດ, ເຊີ່ງຂ້າພະເຈົ້າຂ້ອນຂ້າງພົບພໍ້ເປັນປະຈຳ,

ຢູ່ບາງສວນອາຫານທຸກຕູບມີລຳໂພງຂອງໃຜມັນ, ຢູແຄມນຳ້ລົດ 7-8 ຄັນເປີດເພງແຂ່ງກັນ ( ປະເທດລາວທຸກຄົນເທົ່າທຽມກັນ), ບໍ່ໄດ້ເປີດຟັງສະເພາະກຸ່ມ, ເປີດໃຫ້ທຸກຄົນຟັງເພາະຄົນລາວເປັນຄົນໃຈກ້ວງຢູ່ແລ້ວຕ້ອງເພື່ອແພ່, ຜົນໄດ້ຮັບກະຄືຜູ້ທີ່ຢູ່ນອກວົງທີ່ຕ້ອງການພັກຜ່ອນ, ນັງຊີວໆ ຕ້ອງຊອກຫາແຫລ່ງໃຫມ່ໄປເລື້ອຍໆແລະມັນກໍ່ບໍ່ໄດ້ຮັບປະກັນວ່າແຫລ່ງໃຫມ່ທີ່ພວກເຂົາໄປຈະຄວບຄຸມໄດ້ດົນປານໃດ, ສຸດທ້າຍຖ້າຫາກກົດອອກມາແລ້ວບໍ່ມີການບັງຄັບໃຊ້ກໍ່ຖືວ່າຫນ້າເປັນຫ່ວງ, ຂໍໂທດທີ່ຈົ່ມຍາວແຕ່ຍອມຮັບວ່າທໍ້ກັບເລື່ອງນີ້”