ຊາຍພິການຍ່າງເລາະໄຫວ້ຂໍເງິນໃຜໆກໍ່ປະຕິເສດວ່າບໍ່ມີ

ວັນທີ 7/10/2020 ທີ່ນະຄອນຫຼວງວຽງຈັນ ຈາກເຟສບຸກທີ່ມີຊື່ວ່າ “ບຸນຍັງຕະວະ ຖິ່ນນໍ້າບາກ” ໄດ້ໂພສວ່າ “ພໍດີຂີ່ລົດອອກຈາກຕະຫລາດຂົວດິນ ເຫັນເພິ່ນຍ່າງເລາະໄຫວ້ຂໍເງິນ ເຊິ່ງຄົນແຖວນັ້ນໃຜໆກະປະຕິເສດວ່າບໍ່ມີ ເຫັນສະພາບຄືຊິຢາກເຂົ້າແຮງເພື່ອຂໍເງິນໄປຊື້ແນວກິນແຕ່ກໍບໍ່ໄດ້.

ຫລາຍຄົນອາດຈະລັງກຽດວ່າເປິເປື້ອນບໍ່ຢາກໃຫ້ເຂົ້າໃກ້ ເມື່ອຂ້ອຍກັບໝູ່ເຂົ້າໄປຫາເອົາເງິນໃຫ້ ເພີ່ນກໍຍັງຮູ້ຂອບໃຈແລະຖ່າຍຮູບນໍາ ຄົນຮູ້ແບ່ງປັນເຂົາຈະບໍ່ວ່າມີໜ້ອຍຫລືຫລາຍ ບໍ່ຕ້ອງຖ້າລວຍຈຶ່ງຈະຊ່ວຍຄົນ. ເພີ່ນຄົງຈະອີ່ມແລ້ວຕອນນິ້”