ຕຳຫຼວດສປຈີນຍຶດວັກແຊັງໂຄວິດ19ປອມຈໍານວນ 3000 ໂດສ

ສໍານັກຂ່າວຊິນຫົວ ຂອງ ສປ ຈີນ ລາຍງານ ເມື່ອບໍ່ດົນຜ່ານມານີ້ວ່າ ຕໍາຫຼວດ ຢູ່ນະຄອນຫຼວງປັກກິ່ງ ມົນທົນ ຈຽງຊູ ແລະ ມົນທົນຊາງຕົງ ໄດ້ຈັບກຸມ 80 ຄົນ ພ້ອມຍຶດເອົາຂອງກາງ ເປັນວັກແຊັງໂຄວິດ-19 ປອມ ຈໍານວນ 3.000 ໂດສ ຊຶ່ງໃຊ້ນໍ້າເກືອ ແທນວັກແຊັງ ສົ່ງຂາຍໃນລາຄາແພງ, ພ້ອມກຽມສົ່ງອອກຂາຍ ໄປຕ່າງປະເທດ. ກະຊວງຄວາມໝັ້ນຄົງ ຂອງ ສປ ຈີນລາຍງານຕື່ມວ່າ ຂະບວນການດັ່ງກ່າວ ລັກລອບຜະລິດ

ມາຕັ້ງແຕ່ເດືອນ ກັນຍາ 2020, ໂດຍໃຊ້ເຂັມດູດນໍ້າເກືອ ແລ້ວອ້າງວ່າ ເປັນ ວັກຊີນຕ້ານໂຄວິດ ພ້ອມຈ່າວຂາຍ ໃນລາຄາສູງ ສ້າງລາຍຮັບໃຫ້ກຸ່ມຄົນດັ່ງກ່າວ ເປັນຈໍານວນເງິນມະຫາສານ. ປະຈຸບັນ ສປ ຈີນ ກໍາລັງນໍາໃຊ້ ວັກແຊັງ ຕ້ານໂຄວິດ ຈາກບໍລິສັດ ຊີໂນແວັດ ແລະ ຊີໂນຟາມ ສັກໃຫ້ປະຊາຊົນພາຍໃນປະເທດ ແລະ ຍັງມີການແຈກຢາຍໄປຕ່າງປະເທດ ຕື່ມອີກ.