ການຕໍ່ສູ້ກັບເຊື້ອພະຍາດໂຄວິດ 19 ສິ້ນສຸດແລ້ວດ້ວຍຄວາມລົ້ມເຫຼວ

ສາດສະດາຈານ ເຟີກູສັນ ກ່າວວ່າ: ເລີ່ມມີຫຼັກຖານບົ່ງຊີ້ວ່າ ມີການລະບາດໃນອັງກິດ ແຕ່ຍັງບໍ່ເຖິງຂັ້ນຮ້າຍແຮງແບບອີຕາລີ ໂດຍລັດຖະບານຄວນເລີ່ມຈາກ ການດຳເນີນມາດຕະການ ເພື່ອປ້ອງກັນກຸ່ມສ່ຽງກ່ອນ ເຊັ່ນ ເດັກໜ້ອຍ ແລະ ຜູ້ສູງອາຍຸ ລວມທັງຜູ້ທີ່ມີພະຍາດປະຈຳຕົວ ເພາະມີໂອກາດສ່ຽງຕໍ່ການເສຍຊີວິດຫຼາຍທີ່ສຸດ. ຄຳເຕືອນຂອງ ສາດສະດາຈານ ເຟີກູສັນ ເກີດຂຶ້ນຫຼັງຈາກ ອັງກິດ ພົບຜູ້ປ່ວຍຕິດເຊື້ອໂຄວິດ-19 ແລ້ວຢ່າງໜ້ອຍ 85 ຄົນ ໂດຍເຈົ້າໜ້າທີ່ບໍ່ຍອມເປີດເຜີຍວ່າ ແຕ່ລະຄົນນັ້ນຢູ່ໃສແດ່, ຮູ້ພຽງແຕ່ 80 ຄົນ ຢູ່ໃນອັງກິດ, ອີກ 3 ຄົນ ຢູ່ໃນສະກັອດ ແລະ ອີກຄົນຢູ່ໃນແຄວ້ນເວວສ໌ ແລະ ອຽກລັງເໜືອ.

ເຊັ່ນດຽວກັນກັບ ສາດສະດາຈານ ຄຣິສ ວິດຕີ ທີ່ປຶກສາສູງສຸດກິດຈະການສາທາລະນະສຸກ ອັງກິດ ເຕືອນວ່າ: ຊາວອັງກິດຫຼາຍກວ່າ 66 ລ້ານຄົນ ອາດຈະຕ້ອງປະເຊີນກັບການຢຸດໃຊ້ຊີວິດປະຈຳວັນ ເປັນເວລາຢ່າງໜ້ອຍ 3 ເດືອນ ເພື່ອໃຫ້ລັດຖະບານຄວບຄຸມການແພ່ລະບາດທີ່ຈະເກີດຂຶ້ນ. ແຜນການຄວບຄຸມການແພ່ລະບາດຂອງ ທ່ານ ບໍຣິສ ຈອນສັນ ນາຍົກລັດຖະມົນຕີ ບົ່ງຊີ້ວ່າ: ອາດມີການປິດໂຮງຮຽນ, ບັງຄັບເຮັດວຽກຢູ່ບ້ານ, ງົດເດີນທາງໄປຮ້ານອາຫານນອກບ້ານ ແລະ ສະຖານບັນເທີງ.

ຂະນະທີ່ ສຳນັກງານໄພພິບັດ ອັງກິດ ປະເມີນວ່າ: ຫາກບໍ່ສາມາດຄວບຄຸມການແພ່ລະບາດໄດ້ ອາດມີຜູ້ເສຍຊີວິດທົ່ວໂລກຫຼາຍກວ່າ 5 ແສນຄົນ, ແຕ່ຕົວເລກໃໝ່ຈາກຈີນ ທີ່ພົບທ່າອ່ຽງຫຼຸດລົງຂອງການແພ່ລະບາດ ແລະ ຕົວເລກຜູ້ເສຍຊີວິດ ຢູ່ທີ່ປະມານ 3.000 ຄົນ ບົ່ງຊີ້ວ່າ ການປະເມີນຂອງອັງກິດ ອາດຫຼາຍເກີນຄວາມເປັນຈິງ. ສຳນັກຂ່າວ ເດລີເມວ ລາຍງານວ່າ: ນັກວິທະຍາສາດຈາກປະເທດອັງກິດ ຍອມຮັບວ່າ ຄວາມພະຍາຍາມຕໍ່ສູ້ ເພື່ອສະກັດກັ້ນການແພ່ລະບາດຂອງ ເຊື້ອໄວຣັສໂຄໂຣນາສາຍພັນໃໝ່ (SARS-CoV-2) ຂອງປະຊາມຄົມໂລກນັ້ນ ສິ້ນສຸດແລ້ວດ້ວຍຄວາມລົ້ມເຫຼວ.

ສາດສະດາຈານ ນີວ ເຟີກູສັນ ຈາກມະຫາວິທະນາໄລລອນດອນ ປະເທດອັງກິດ ກ່າວວ່າ: ປະຊາຄົມໂລກ ພະຍາຍາມຢ່າງໜັກ ເພື່ອສະກັດກັ້ນການລະບາດຂອງເຊື້ອຊະນິດນີ້ ແຕ່ປະສົບກັບຄວາມລົ້ມເຫຼວ ເຊິ່ງສະທ້ອນຈາກສະຖິຕິຕົວເລກຜູ້ຕິດເຊື້ອ ທີ່ແພ່ລາມໄປເກືອບທຸກປະເທດທົ່ວໂລກແລ້ວ. ມີລາຍງານພົບຜູ້ຕິດເຊື້ອໂຄວິດ-19 ແລ້ວຢ່າງໜ້ອຍຈາກ 80 ປະເທດທົ່ວໂລກ ໂດຍຫຼ້າສຸດ ເປັນປະເທດໂປໂລຍ ແລະ ໝູ່ເກາະແຟໂຣ ຂອງປະເທດດານມາກ ແລະ ເຫຼືອພຽງປະເທດເອີຣົບບໍ່ເທົ່າໃດປະເທດເທົ່ານັ້ນ.

ສາດສະດາຈານ ເຟີກູສັນ ກ່າວວ່າ: ຂະນະນີ້ ໜ່ວຍງານສາທາລະນະສຸກທົ່ວໂລກ ກຳລັງຢູ່ລະຫວ່າງ ປ່ຽນຈາກແຜນສະກັດກັ້ນການລະບາດ ໄປເປັນ ການຊະລໍການລະບາດແທນ ເພື່ອຫຼຸດພາລະໜ່ວຍງານດ້ານການແພດ ໃຫ້ສາມາດຮັບມືກັບຈຳນວນຜູ້ຕິດເຊື້ອໄດ້ ຢ່າງມີປະສິດທິພາບ ແລະຫຼຸດທອນຜົນກະທົບຕໍ່ສັງຄົມແທນ.

ສຳລັບປະເທດອັງກິດນັ້ນ ເຊິ່ງກຳລັງປະເຊີນກັບການລະບາດເຊັ່ນກັນ ເຫຼືອເວລາອີກບໍ່ເທົ່າໃດອາທິດ ທີ່ໜ່ວຍງານຂອງລັດ ຈຳເປັນຕ້ອງດຳເນີນມາດຕະການທີ່ຈຳເປັນ ກ່ອນທີ່ການລະບາດຈະໄປສູ່ລະດັບທີ່ຄວບຄຸມບໍ່ໄດ້ ເຊັ່ນ: ການປິດໂຮງຮຽນ ແລະ ການຂໍຄວາມຮ່ງມມືບໍ່ໃຫ້ປະຊາຊົນຈູບກັນ ໃນອີຕາລີ.