ແຂວງອັດຕະປືຢືດໄມ້ໄດ້ອີກແລ້ວ 771 ກວ່າແມັດກ້ອນ

ທ່ານ ຈິດປະສົງ ສິງສະຫັວດ ຍັງໄດ້ ກ່າວວ່າ: ຕາມການສັງລວມຂອງພະແນກກະສິກຳແລະປ່າໄມ້ ແລະພະແນກອຸດ ສາຫະກຳ ແລະການຄ້າແຂວງອັດຕະປື ກ່ຽວກັບໄມ້ຢຶດໄດ້ ໃນປະຈຸບັນມີທັງ ໝົດ 771 ກວ່າແມັດກ້ອນ ຊຶ່ງມີໄມ້ຕັບ ນ້ອຍສັ່ງເປັນກິໂລມີຈໍານວນ 21 ກວ່າ ໂຕນ ແລະສາມາດທ້ອນໂຮມໄມ້ທີ່ຢຶດ ໄດ້ທັງໝົດໃນປີ2019 ມີຈໍານວນ 337 ກວ່າແມັດກ້ອນ ແລະອີກສ່ວນໜຶ່ງແມ່ນ ໄມ້ຄ້າງຍົກມາແຕ່ປີ 2018 ທີ່ບໍ່ທັນໄດ້ ຂາຍ. ສໍາລັບພາຫະນະທີ່ຢຶດໄດ້ ມີ 73 ຄັນ, ໃນນີ້ໄດ້ແກ້ໄຂແລ້ວ 45 ຄັນ, ຍັງຄ້າງ 27 ຄັນ ແລະ 1 ຄັນສົ່ງໃຫ້ສານຕັດສິນ, ສາມາດກັກຢຶດອຸປະກອນປະເພດຈັກສະຕິນຈຳນວນ 18 ເຄື່ອງ, ປືນແກັບ 9 ກະບອກ ແລະໜໍ້ຊ໋ອດປາ 4 ເຄື່ອງ ແລະມີບຸກ ຄົນກະທຳຜິດທັງໝົດ 124 ຄົນ ໃນນີ້ມີ ປະຊາຊົນ 118 ຄົນ, ຄົນລາວ 104 ຄົນ, ໄດ້ແກ້ໄຂທາງບໍລິຫານເຮັດການສືກສາ ອົບຮົມ 80 ຄົນ, ນໍາໃຊ້ມາດຕະການປັບ ໄໜ 26 ຄົນ, ຄົນຫວຽດນາມ 14 ຄົນ, ໄດ້ແກ້ໄຂແລ້ວ 10 ຄົນ, ກຳລັງດຳເນີນ ການສືບສວນ-ສອບສວນ 4 ຄົນ, ມີຜູ້ປະກອບການ 6 ຄົນ, ເປັນຄົນລາວ 3 ຄົນ, ຫວຽດນາມ 1 ຄົນ ແລະຄົນຈີນ 1 ຄົນ, ໄດ້ແກ້ໄຂບໍລິຫານເຮັດການປັບໄໜ 5 ຄົນ ພ້ອມທັງສົ່ງໃຫ້ພະແນກຍຸຕິທຳ 1 ຄົນ.

ຜ່ານມາແຂວງອັດຕະປື ກໍ່ຄືຄະນະພັກ, ຄະນະກວດກາແຕ່ລະຂັ້ນໄດ້ເອົາໃຈໃສ່ຈັດຕັ້ງປະຕິບັດໜ້າທີ່ການເມືອງ ຕາມພາລະບົດບາດຂອງຕົນ ໂດຍການ ເຄື່ອນໄຫວວຽກງານຕິດຕາມ, ກວດກາ ການປະຕິບັດກົດໝາຍ, ມະຕິ, ຄຳສັ່ງ, ດຳລັດ, ຂໍ້ຕົກລົງ, ແຈ້ງການ, ລະບຽນການ, ຕາມພາລະບົດບາດ, ຂອບເຂດສິດໜ້າທີ່ ແລະຄວາມຮັບຜິດຊອບຂອງຕົນ. ໂດຍອີງຕາມການລາຍງານຂອງ ທ່ານ ຈິດປະສົງ ສິງສະຫັວດ ຮອງປະທານ ອົງການກວດກາລັດແຂວງອັດຕະປືຕໍ່ ກອງປະຊຸມສະຫຼຸບວຽກງານກວດກາພັກທົ່ວແຂວງອັດຕະປື ປະຈຳປີ 2019 ທີ່ໄດ້ໄຂຂຶ້ນເມື່ອບໍ່ດົນຜ່ານມານີ້ວ່າ: ໃນນີ້ໄດ້ເອົາໃຈໃສ່ເປັນພິເສດໃນການຕິດຕາມກວດກາການຈັດຕັ້ງປະຕິບັດຄຳສັ່ງ15/ນຍ ໂດຍໄດ້ຕິດຕາມກວດກາການ ປະຕິບັດໜ້າທີ່ຂອງຄະນະສະເພາະກິດຂັ້ນແຂວງ, ຂັ້ນເມືອງ, ກອງບັນຊາການ ປກຊ-ປກສ ແລະພະແນກການ-ອົງການ ກ່ຽວຂ້ອງເຮັດໃຫ້ໃນປີ 2019 ຜ່ານມາສາມາດສະກັດກັ້ນການລັກລອບໄມ້ໄດ້ ທັງໝົດ 162 ຄັ້ງ, ມີຈຳນວນຄົນເຂົ້າຮ່ວມ ທັງໝົດ 935 ເທື່ອຄົນ, ພົບເຫັນການລະ ເມີດ 43 ກໍລະນີ, ພົບເຫັນໄມ້ 931 ກວ່າ ແມັດກ້ອນ, ໃນນັ້ນຢຶດໄດ້ຈາກການລັກ ລອບເຄື່ອນຍ້າຍ ແລະມີໄມ້ໄວ້ຄອບຄອງ ເພື່ອທຸລະກິດມີຈໍານວນ 337 ກວ່າແມັດ ກ້ອນ.