ແຈ້ງເຕືອນການເດີນທາງໃນໄລຍະນີ້ອາດມີຝົນຕົກ

ກົມອຸຕຸນິຍົມວິທະຍາ ແລະ ອຸທົກກະສາດ ໄດ້ອອກແຈ້ງການເຕືອນກ່ຽວກັບສະພາບອາກາດໃນໄລຍະນີ້, ເນື່ອງຈາກຄວາມກົດດັນສູງຂອງອາກາດເຢັນໄດ້ປົກຄຸມເຂດພາກເໜືອ ລົງຫາ ພາກກາງຂອງ ປະເທດລາວ, ສົມທົບກັບກະແສລົມຕາເວັນຕົກ – ຕາເວັນ ຕົກສ່ຽງໃຕ້ທີມີກຳລັງແຮງ ປານກາງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຍັງສືບຕໍ່ຕົກ ໃນລະດັບ ຄ່ອຍເປັນບໍລິເວນກ້ວາງ

ແລະ ຕົກໃນລະດັບປານກາງ ພ້ອມຈະມີຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ມີລົມພັດແຮງ ຢູ່ບາງທ້ອງຖິ່ນໃນແຕ່ລະພາກ.ດັ່ງນັ້ນ, ຈຶ່ງແຈ້ງເຕືອນໃຫ້ປະຊາຊົນບັນດາເຜົ່າ ແລະ ອຳນາດການປົກຄອງທຸກພາກສ່ວນ ຈົ່ງມີສະຕິຕໍ່ສະພາບຝົນຕົກ, ລົມແຮງ ແລະ ໃຫ້ຢູ່ຫ່າງໄກຈາກຕົ້ນໄມ້ໃຫ່ຍ, ສິ່ງທີ່ປຸກ ສ້າງທີ່ບໍ່ໄດ້ມາດຕະຖານ, ພ້ອມນີ້ໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິ ຍົມ ແລະ ອຸທົກກະສາດ ຢ່າງເປັນປະຈໍາ.