ຫຼາຍເຂດພື້ນທີ່ໃນແຂວງສະຫວັນນະເຂດຖືກນ້ຳຖ້ວມ

ປະຈຸບັນນີ້ລະດັບນໍ້າເຊກອກແມ່ນ 10 ກວ່າແມັດແລ້ວ ແລະຍັງຄົງເພີ່ມຂື້ນເລື້ອຍໆ ຂໍໃຫ້ປະຊາຊົນທີ່ອາໄສຢຸ່ຕາມລໍານໍ້າເຊກອກແລະສາຍຫ້ວຍຕ່າງໆຈົ່ງໄດ້ ມີສະຕິແລະລະມີຄວາມກຽມພ້ອມຢູ່ຕະຫລອດເວລາ ນ້ຳຖ້ວມກະທັນຫັນ ໃນຕອນເຊົ້າ ບ້ານແດນສະຫວັນ ຊາຍແດນລາວ-ຫວຽດນາມ ເມືອງເຊໂປນ,​ ແຂວງສະຫວັນນະເຂດ

ປະຊາຊົນຫຼາຍຫລັງຄາເຮືອນໄດ້ຮັບຄວາມເດືອດຮ້ອນ ໄຮ່ນາຮົ່ວສວນຂອງປະຊາຊົນ ໄດ້ຮັບຄວາມເສຍຫາຍຢ່າງໜັກ ເສັ້ນທາງການສັນຈອນຖືກຕັດຂາດຢ່າງຖາວອນເນື້ອງຈາກນ້ຳໄດ້ຖ້ວມຂື້ນສູງ ເຈົ້າຫນ້າທີ່ໄດ້ລົງຕິດຕາມໃຫ້ຄວາມຊ່ວຍເຫຼືອປະຊາຊົນ ແລະເຝົ່າລະວັງລະດັບນ້ຳຢ່າງຕໍ່ເນື້ອງ ຫລາຍພື້ນທີ່ຂອງເມືອງວິລະບູລີຖືກນ້ຳຖ້ວມ

ວັນທີ 8 ຕຸລາ 2020 ຫຼາຍບ້ານໃນ ເມືອງວິລະບູລີ ແຂວງສະຫວັນນະເຂດ ຖືກນໍ້າຖ້ວມ ເນື່ອງຈາກໄດ້ຮັບຜົນກະທົບຈາກພາຍຸ ເຮັດໃຫ້ມີຝົນຕົກໜັກໃນໄລຍະ 1-2 ວັນທີ່ຜ່ານມາ ສົ່ງຜົນໃຫ້ນໍ້າໃນຫ້ວຍໃນເຊເພີ່ມສູງຂື້ນ ເຊັ່ນວ່າ :

ນໍ້າເຊກອກ,​ ຫ້ວຍຄຽງ,​ ຫ້ວຍແຢງ ໄຫລເຂົ້າຖ້ວມນາ,​ໜອງປາ,​ ເສັ້ນທາງໄປມາ ໂດຍສະເພາະກໍ່ແມ່ນເສັ້ນທາງ 28 A ອອກສູ່ເມືອງເຊໂປນແມ່ນຖືກນໍ້າຖ້ວມໃນຫລາຍຈຸດ.​ ລະດັບນໍ້າເຊກອກແທກໄດ້ໃນເວລາ 5 ໂມງເຊົ້າຂອງມື້ນີ້ຢູ່ທີ່ 7,25 ແມັດ, ເຂດລະວັງໄພແມ່ນ 4,30 ແມັດ ຂໍໃຫ້ລະມັດລະວັງໃນການໄປມາຕື່ມ.