ເດັກນ້ອຍຈົມນໍ້າເສຍຊີວິດບໍ່ມີປັດໃຈໃນການເຮັດພິທີ

ເພຈ “ໜ່ວຍກູ້ຊີບອົງການກາແດງແຂວງຄຳມ່ວນ” ໄດ້ໂພສວ່າ ຂໍຄວາມຊ່ວຍເຫຼືອນຳຜູ້ໃຈບຸນ ຕອນນີ້ມີເດັກນ້ອຍຈົມນໍ້າເສຍຊີວິດ ຊື່ທ້າວ ບິວ ບ້ານໂພນແພງ(ໂພນສູງ) ເມືອງທ່າແຂກ ແຂວງຄຳມ່ວນ ແຕ່ທາງຄອບຄົວເພີ່ນທຸກຍາກບໍ່ມີປັດໃຈໃນການເຮັດພິທີທາງສາສະໜາດັ່ງນັ້ນທາງເຮົາຈຶ່ງຂໍຄວາມຊ່ວຍເຫຼືອຈາກສັງຄົມແບ່ງປັນນໍ້າໃຈຄົນລະຫນ່ອຍເພື່ອສົ່ງນ້ອງສູ່ສະຫວັນຊັ້ນຟ້າດ້ວຍເທີນ.

ບໍລິຈາກຫີບສົບໃຫ້ຄອບຄົວທຸກຍາກ ໃນວັນທີ 8/2/2021 ໜ່ວຍກູ້ຊີບອົງການກາແດງແຂວງຄຳມ່ວນໄດ້ບໍຈາກຫີບສົບຈຳນວນ 1 ຫີບ ມູນຄ່າ 500.000 ກີບໃຫ້ແກ່ຄອບຄົວ ນ້ອງ ບິວ ບ້ານໂພນແພງ(ບ້ານໂພນສູງ) ເມືອງທ່າແຂກ ແຂວງຄຳມ່ວນ ທີ່ໄດ້ຈົ່ມນໍ້າເສຍຊີວິດ ທີ່ບ້ານນາຕາດ ເມືອງທ່າແຂກ ແຂວງຄຳມ່ວນ ທາງທີມງານໜ່ວຍກູ້ຊີບອົງການກາແດງແຂວງຄຳມ່ວນ ພວກເຮົາຂໍສະແດງຄວາມເສຍໃຈມາຍັງຍາດຕິພີ່ນ້ອງຜູ້ເສຍຊີວິດ

ແລະ​ ຂໍໃຫ້ດວງວິນຍານຂອງຂອງນ້ອງຈົ່ງໄປສູ່ສຸຂະຕິດ້ວຍເທີ້ນນນນນນ….ທ່ານໃດຢາກຊ່ວຍເຫລືອ ໜ່ວຍກູ້ຊີບອົງການກາແດງແຂວງຄຳມ່ວນ ສາມາດ​ບໍ​ລິຈາກເຄື່ອງອຸປະຖຳຕ່າງໆເຊັ່ນ: ເຂົ້າ​ສານ,​ອາຫານການກິນ,​ນ້ຳມັນລົດ ຫລື ອຸປະກອນ​ການແພດຕ່າງໆສາມາດຕິດຕໍ່ເຂົ້າເບີ 051 1625 ພົບອຸປະຕິເຫດ, ເຈັບປ່ວຍສຸກເສີນ ໂທສາຍດ່ວນ 1625 ຫຼື 0511625 ໂທຟຮີ 24 ຊົ່ວໂມງ