ພະເອກ ສໍລະພົງ ຊາຕີ ຖວາຍທີ່ດິນ 150 ໄຮ່ເພື່ອສ້າງວັດ

ຕົ້ນເດືອນ ກັນຍາ 2020 ສົມກັບເປັນພະເອກທັງໃນຈໍ ແລະ ນອກຈໍ ແທ້ໆ ກັບດາລາລຸ້ນໃຫຍ່ຢ່າງ ສໍລະພົງ ຊາຕີ ທີ່ຫຼ້າສຸດໄດ້ບໍລິຈາກທີ່ດິນເພີ່ມ 150 ໄຮ່ ເພື່ອສ້າງວັດ ໂນນກຸ່ມ ອຳເພີສີຄີ້ວ ຫຼື ທີ່ຮູ້ກັນຊື່ ຫຼວງພໍ່ໂຕ ທີ່ປະເທດໄທ ທີ່ມີການສ້າງຮູບຫຼໍ່ທອງເຫຼືອງເຄືອບຄຳຂອງສົມເດັດພຸດທະຈານໂຕ ພຣົມຣັງສີ ຂະໜາດໃຫຍ່ທີ່ສຸດໃນໂລກ.

ເນື່ອງຈາກວ່າ ສໍລະພົງ ເປັນຄົນທີ່ມັກທຳມະທຳໂມຢູ່ແລ້ວ ແລະ ກໍ່ໄດ້ມີພະອາຈານ ທ່ານໜຶ່ງ ໄດ້ແນະນຳໃຫ້ ສໍລະພົງ ໄປອະທິຖານຈິດຂອງພອນບາລະມີຈາກ ສົມເດັດພຸດທະຈານໂຕ ພຣົມຣັງສີ ແລ້ວວຽກງານທຸກຢ່າງທີ່ກັງວົນຢູ່ຈະສຳເລັດດັ່ງປະສົງທຸກປະການ.