ເຜົາໂຕເອງພາຍໃນຫ້ອງຈົນເສຍຊີວິດ

ເກີດເຫດເຜົາໂຕເອງພາຍໃນຫ້ອງເສຍຊີວິດຄາທີ່ 1 ຄົນເພດຊາຍ ແຂວງ ສະຫວັນນະເຂດ ວັນທີ 07/07/2020 ເວລາ 23:00 ນາທີ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າມີເຫດໄຟໄຫມ້ ແລ້ວມີຜູ້ເສຍຊີວິດ ເຂດບ້ານ ນາແກ ນະຄອນໄກສອນພົມວິຫານ ແຂວງ ສະຫວັນນະເຂດ ເມື່ອທາງທີມອາສາພວກເຮົາໄດ້ອອກກວດສອບເຫດດັ່ງກ່າວ ແມ່ນໄດ້ເກີດໄຟໄຫມ້ເຮືອນພາຍໃນຫ້ອງ ປະຊາຊົນໄດ້ຊ່ວຍພາກັນດັບໄວ້ທັນ ແຕ່ໜ້າເສົ້າສະຫຼົດໃຈ ແມ່ນໄດ້ພົບຊາຍອາຍຸ 28 ປີ

ນອນເສຍຊີວິດພາຍໃນຫ້ອງຖືກໄຟເຜົາໝົດໂຕ ສະພາບສົບແມ່ນເສຍຊີວິດຄາທີ່ ອີງຕາມບອກເລົ່າຂອງຜູ້ເຫັນເຫດການ ແລະ ຍາດພີ່ນ້ອງຄົນໃກ້ໂຕຜູ້ເສຍຊີວິດ ຜູ້ເສຍຊີວິດເປັນປະຊາຊົນ ບ້ານດົງຄຳຫຼວງ ນະຄອນໄກສອນພົມວິຫານ ແຂວງ ສະຫວັນນະເຂດ ແລະ ມີເຮືອອີກຫຼັງຢູ່ບ້ານນາແກ ຜູ້ກ່ຽວໄດ້ໃຊ້ນ້ຳມັນແອັດຊັ້ງ ຮ້ວດພາຍໃນຫ້ອງດັ່ງກ່າວ

ແລ້ວລ໋ອກປະຕູໄວ້ຫຼັງຈາກນັ້ນໄດ້ໃຊ້ໄຟຈູດຈົນເຮັດໃຫ້ເກີດປະກາຍໄຟຍ່າງແຮງ ແລະ ໄວ ຜູ້ເປັນແຟນ ຫລືປະຊາຊົນເຂດນັ້ນຊ່ວຍໄວ້ບໍ່ທັນເນື່ອງຂາກປະກາຍໄຟ ແມ່ນແຮງສົມຄວນທີ່ຈະເຂົ້າໃກ້ໄດ້ ສະນັ້ນຈື່ງເກີດເຫດເສົ້າສະຫຼົດໃຈແບບນີ້ຂື້ນ ຢ່າງໃດກໍ່ຕາມ ກ່ຽວກັບສຳເນົາຄະດີ ຫຼື ເຫດການທີ່ແນ່ຊັດຍັງສະຫຼຸບຊັດເຈນບໍ່ໄດ້ ລໍຖ້າເຈົ້າໜ້າທີ່ພາກສ່ວນທີ່ກ່ຽວຂ້ອງສະຫຼຸບ

ເພາະການເຂົ້າກວດກາເກັບກຳຂໍ້ມູນພາຍໃນຈຸດເກີດເຫດໄດ້ມີຫຼາຍພາກສ່ວນກ່ຽວຂ້ອງເຂົ້າກວດສອບ ສ່ວນສົບຜູ້ເສຍຊີວິດ ທາງທີມອາສາພວກເຮົາໄດ້ມ້ຽນຊາກສົບຜູ້ເສຍຊີວິດ ແລ້ວນຳສົ່ງກັບບ້ານ ດົງຄຳຫຼວງ ນະຄອນໄກສອນ ແຂວງ ສະຫວັນນະເຂດ ຂໍສະແດງຄວາມເສຍໃຈນຳຍາດຕິພີ່ນ້ອງຜູ້ເສຍຊີວິດ ແລະ ຂໍໃຫ້ວີນຍາຍຜູ້ເສຍຊີວິດໄປສູ່ພົບພູມທີ່ດີ ສາທຸໆໆ