ທະນູທອງ ຍິງປະຕູໄຊພາ U-18 ທິມຊາດລາວ ໄດ້ໄຊຊະນະເໜືອ ບຣູໄນ ຊິງແຊ້ມອາຊຽນ 2019

ນັດທີ 3 ຂອງກຸ່ມນີ້ ຈະແຂ່ງຂັນໃນວັນທີ 10 ສິງຫານີ້ ເວລາ 15:30 ຟິລິບປິນ ພົບ ລາວ, ມຽນມາ ພົບ ຕິມໍ ເລສເຕ້ ເວລາ 15:30 ແລະ ເວລາ 18:30 ບຣູໄນ ພົບ ອິນໂດເນເຊຍ.

ສະຫລຸບຕາຕະລາງຄະແນນຜ່ານໄປ 2 ນັດທຸກທິມໃນກຸ່ມນີ້: ອິນໂດເນເຊຍ ແລະ ມຽນມາ ມີ 7 ຄະແນນ, ຕີມໍເລັສເຕ້ ແລະ ລາວ ມີ 3 ຄະແນນ ສ່ວນ ບຣູໄນ ແລະ ຟີລິບປິນ ຍັງບໍ່ມີຄະແນນ.

ການຊະນະນັດນີ້ ເຖິງວ່າຈະບໍ່ຫລາຍ ແຕ່ເປັນ 3 ຄະແນນທີ່ລໍ້າຄ່າ ເພື່ອຊິງໂອກາດເຂົ້າຮອບຕໍ່ໄປກັບ 3 ນັດທີ່ເຫລືອ ຫລັງຈາກນັດທີ 1 ພາດທ່າເສຍໃຫ້ ມຽນມາ 1-3 ເມື່ອວັນທີ 6 ສິງຫາຜ່ານມາ. ສ່ວນຜົນອີກສອງຄູ່ໃນກຸ່ມດຽວກັນ ຟິລິບປິນ ເສຍໃຫ້ ມຽນມາ 1-4 ແລະ ຕິມໍ ເລສເຕ້ ເສຍໃຫ້ ອິນໂດເນເຊຍ 0-4.

ໃນຕອນແລງວັນທີ 8/8/2019 ເວລາ 15:30 ທັບນັກກິລາບານເຕະຊາຍ ຮຸ່ນ​ອາ​ຍຸ​ບໍ່​ເກີນ 18 ປີ ທິມຊາດລາວ ລົງແຂ່ງຂັນຊິງແຊ້ມອາຊຽນ 2019 ທີ່ໂຮ່ຈີມິນ ສສ ຫວຽດນາມ ນັດທີ 2 ຂອງກຸ່ມ A ພົບກັບ ບຣູໄນ ດາຣູສສະລຳ ທີ່ສະຫນາມ ຊີອານ,

ຊຶ່ງທິມຊາດລາວ ໄດ້ 3 ຄະແນນຕາມເປົ້າໝາຍ ເອົາຊະນະຫວຽດນາມວຸດວິດ 1-0 ຈາກປະຕູໄຊຂອງ ທະນູທອງ ກຽດນະລົງລົບ​ ກອງຫລັງຈາກ ສະໂມສອນ ວຽງຈັນ ເອັຟທີ ນາທີ 21′ ແລະ ໃນເກມນີ້ ທິມຊາດລາວຈະຍິງຈຸດໂທດບໍ່ເຂົ້າໃນທ້າຍເຄິ່ງເວລາທີໜຶ່ງ. U-18 ລາວ ຊະນະ ບຣູໄນ 4 ນັດລວດທີ່ພົບກັນໃນລາຍການນີ້.

ພາບ: Laoff & AFF | ທີ່ມາ: ຂ່າວກິລາ Lao National TV | ຟັງຂ່າວ99