ຕອນຮັບຂັວນລູກສາວດ້ວຍເງິນຄຳ

ເຊິ່ງພາບດັ່ງກ່າວເມື່ອຖືກເຜີຍແຜ່ລົງສື່ອອນລາຍກໍ່ຖືກແຊອອກໄປຢ່າງຫຼວງຫຼາຍ ແລະ ກໍ່ມີຊາວເນັດຫຼາຍຄົນເຂົ້າມາສະແດງຄວາມຄິດເຫັນເຖິງຄວາມມັ່ງມີສີສຸກຂອງຄອບຄົວນີ້ ພ້ອມອວຍພອນໃຫ້ນ້ອງເກີດໃໝ່ທັງສອງເຕີບໂຕມາເປັນຄົນຮູ້ຜູ້ດີຂອງພໍ່ແມ່ ໃຫ້ສົມກັບຄວາມຮັກທີ່ພໍ່ແມ່ມອບໃຫ້. ເປັນພາບທີ່ສ້າງຄວາມຮືຮາໃຫ້ສື່ອອນລາຍຈໍານວນບໍ່ໜ້ອຍສໍາລັບເລື່ອງລາວການອາບນໍ້າຄໍາຮັບຂວັນລູກສາວ

ໂດຍຜູ້ໃຊ້ເຟສບຸກຊື່ ເບເບ້ ຊະນະໄວ ໄດ້ໂພສພາບຄອບຄົວອັນອົບອຸ່ນ ເມື່ອວັນທີ 21 ມິຖຸນາ 2020 ທີ່ຜ່ານມາ ພ້ອມຂໍ້ຄວາມລະບຸວ່າ ອາບນ້ຳຄຳໃຫ້ລູກສາວ …. ຂໍໃຫ້ລູກສາວທັງສອງຂອງອີ່ແມ່ Bayrin & Bayron ໃຫຍ່ມາເປັນຄົນຄຳຮູ້ເປັນທີ່ຮັກຂອງພີ່ນ້ອງ, ໃຫຍ່ມາຂໍໃຫ້ລູກຈະເລີນກ້າວໜ້າໃນທຸກໆດ້ານເດີ້. ກ່ອນອື່ນຕ້ອງຂໍອະນຸຍາດເຈົ້າຂອງໂພສນີ້ກ່ອນເພື່ອຂໍນໍາເລື່ອງລາວດີໆທີ່ໜ້າປະທັບໃຈມາເຜີຍແຜ່ໃຫ້ຊາວເນັດໄດ້ຊື່ນຊົມນໍາກັນ.

ຂຶ້ນຊື່ວ່າລູກພໍ່ແມ່ລ້ວນແລ້ວແຕ່ຮັກແພງປານແກ້ວຕາດວງໃຈ ມີຫຍັງໃນມືພ້ອມປະເຄນ ແລະ ທຸ້ມໃຫ້ທຸກຢ່າງ ຍິ່ງຖ້າເປັນຄອບຄົວຜູ້ຮັ່ງມີສີສຸກ ຍິ່ງບຸນວາດສະໜາດີ ພໍ່ແມ່ມີພ້ອມທຸກຢ່າງ ເຫຼືອພຽງໃຫ້ເຈົ້າເກີດມາໃຊ້ ແລະ ຕໍ່ຍອດເທົ່ານັ້ນ ດັ່ງຄອບຄົວທີ່ກໍາລັງຈະເວົ້າເຖິງນີ້ ທີ່ຮັບຂວັນລູກສາວດ້ວຍການອາບນໍ້າຄໍາໃຫ້ ແລະ ຂໍບອກໄວ້ກ່ອນວ່າພາບເຫດການນີ້ແມ່ນຢູ່ລາວເຮົານີ້ເອງ.