“ພູໄຟຕາອັລ”ລະເບີດຂຶ້ນຢ່າງຮຸນແຮງອົບພະຍົກປະຊາຊົນປະມານ 8.000 ຄົນ

ສະຖາບັນພູໄຟວິທະຍາ ແລະ ແຜ່ນດິນໄຫວຂອງຟິລິບປິນຖະແຫຼງເມື່ອວັນທີ 12 ມັງກອນ ທີ່ຜ່ານມາວ່າ: ພູໄຟຂະໜາດນ້ອຍຊື່ຕາອັນ (Taal) ຕັ້ງຢູ່ໃນແຂວງບາຕັນກັສ ທິດໃຕ້ຂອງນະຄອນຫຼວງມະນິລາ ເມືອງຫຼວງຂອງປະເທດຟິລິບປິນ ໄດ້ລະເບີດຂຶ້ນຢ່າງຮຸນແຮງປ່ອຍຝຸ່ນລະອອງຂີ້ເຖົ່າ,

ຫິນຮ້ອນ ແລະ ຄວັນຂຶ້ນສູ່ທ້ອງຟ້າສູງປະມານ 1 ກິໂລແມັດ, ເຊິ່ງພູໄຟໜ່ວຍນີ້ໄດ້ເລີ່ມມີການລະເບີດຢ່າງຕໍ່ເນື່ອງມາຕັ້ງແຕ່ປີທີ່ຜ່ານມາ. ຍັງບໍ່ມີລາຍງານຜູ້ບາດເຈັບ ຫຼື ຄວາມເສຍຫາຍ, ແຕ່ທາງການຟິລິບປິນໄດ້ເລັ່ງອົບພະຍົບປະຊາຊົນກວ່າ 6,000 ຄົນ ທີ່ອາໄສຢູ່ໃນເກາະກາງທະເລສາບ ອັນເປັນທີ່ຕັ້ງຂອງພູໄຟຕາອັນ

ທີ່ຢູ່ຫ່າງຈາກນະຄອນຫຼວງມະນິລາໄປທາງໃຕ້ປະມານ 60 ກິໂລແມັດເທົ່ານັ້ນ. ໃນດ້ານຂອງອົງການການບິນພົນລະເຮືອນຂອງຟິລິບປິນຖະແຫຼງວ່າ ຖ້ຽວບິນລະຫວ່າງປະເທດ ແລະ ຖ້ຽວບິນໃນປະເທດກວ່າສິບຖ້ຽວບິນ ຕ້ອງໄດ້ໂຈະການບິນຊົ່ວຄາວຢ່າງໜ້ອຍ 4 ຊົ່ວໂມງ ເພື່ອຄວາມປອດໄພໃນຊ່ວງຄ່ຳຄືນຂອງວັນທີ 12 ມັງກອນ ທີ່ຜ່ານມາ

ຢູ່ສະໜາມບິນສາກົນມະນິລາ ເນື່ອງຈາກມີລະອອງຂີ້ເຖົ່າໜາແໜ້ນໃນບໍລິເວນໃກ້ຄຽງສະໜາມບິນ ແລະ ເສັ້ນທາງບິນ, ເຊິ່ງສະຖາບັນພູໄຟວິທະຍາໄດ້ຍົກລະດັບຄຳເຕືອນຂຶ້ນເປັນລະດັບ 3 ຈາກທັງໝົດ 5 ລະດັບ. ພູໄຟຕາອັລ (Taal) ເກີດປະທຸພົ້ນເທົ່າຖ່ານຂຶ້ນສູ່ທ້ອງຟ້າສູງ 1 ກິໂລແມັດ !!!

ໃນວັນທີ 12 ມັງກອນ 2020 ພູໄຟຕາອັລ (Taal) ເຊິ່ງຕັ້ງຢູ່ທາງໃຕ້ຂອງນະຄອນຫຼວງມະນິລາ ປະເທດຟິລິບປິນ ໄດ້ພົ້ນເທົ່າຖ່ານ ແລະ ສັ່ນໄຫວ ສົ່ງຜົນໃຫ້ທາງການຍົກລະດັບການເຝົ້າລະວັງ ແລະ ສັ່ງອົບພະຍົກປະຊາຊົນປະມານ 8.000 ຄົນ ໂດຍສະຖາບັນພູໄຟ

ແລະ ແຜ່ນດິນໄຫວຟິລິບປິນ ເພີ່ມການເຝົ້າລະວັງເປັນລະດັບ 3 ເພາະມີຄວາມເປັນໄປໄດ້ສູງທີ່ພູໄຟຈະລະເບີດພາຍໃນບໍ່ເທົາອາທິດນີ້ ຫລັງຈາກມັນໄດ້ປະທຸພົ້ນເທົ່າຖ່ານ ກໍ່ໃຫ້ເກີດກຸ່ມຄວັນຂະໜາດໃຫຍ່ພຸ່ງຂຶ້ນສູ່ທ້ອງຟ້າ ໄລຍະທາງ 1 ກິໂລແມັດ ແລະ ຕໍ່ມາ

ເທົ່າຖ່ານປົກຄຸ້ມຊຸມຊົນຕ່າງໆທີ່ຢູ່ໃກ້ຄຽງ. ພູໄຟຕາອັລ ເປັນພູໄຟທີ່ນ້ອຍທີ່ສຸດໃນໂລກ ຢູ່ເກາະລູຊອນ ປະເທດຟິລິບປິນ ເກີດປະທຸພົ້ນເທົ່າຖານ ລ່າສຸດໃນປີ 1977 ພູໄຟລູກນີ້ ເຖິງແມ່ນຈະນ້ອຍ ແຕ່ອິດທິພົນການທຳລາຍລ້າງສູງ ປັດຈຸບັນທາງການສັ່ງຫ້າມການຕັ້ງຖິ່ນຖານໃນບໍລິເວນນີ້ໂດຍເດັດຂາດ