ໃຜທີ່ທົນເມຍໄດ້ຜູ້ນັ້ນໄດ້ເປັນຍອດຄົນ

ບົດຄວາມນີ້ໄດ້ໂພສຈາກເຟສບຸກທ່ານໜື່ງ

ເມື່ອຜູ້ຍິງຟິວຂາດ ເຂົາພ້ອມຕັດຂາດທຸກຢ່າງທີ່ກ່ຽວຂ້ອງກັບຜູ້ຊາຍ, ເມື່ອຟິວທີ່ຂາດກັບຄືນມາ ຜູ້ຍິງຈະປ່ຽນເປັນໂຕກະຕ່າຍກິນຄືເກົ່າ” ບົດຄວາມນີ້ມີທັງສາລະ ແລະ ຄວາມບັນເທີງ ຜູ້ອ່ານຄວນໃຊ້ວິຈາລະນະຍານ ຜົນການສຳຫຼວດລະດັບຂອງຄວາມຟິວຂາດຂອງຜູ້ຍິງຕາມກຣຸບເລືອດ AB, A, B ແລະ O ຈັດລຳດັບແຕ່ລະເບີດນ້ອຍ ຈົນເຖິງໃຫຍ່

AB: ຕອນຟິວຂາດ: ບໍ່ລົມນຳ ເວົ້າໜ້ອຍ ຫາ ໜ້ອຍຫຼາຍ ສີໜ້າປະມານ 😶 ບໍ່ຄ່ອຍໂວຍວາຍຫຍັງ

ຕອນຟິວມາ: ມາແມະກິນເຂົ້າ ງ່າຍໆ

ລະດັບຄວາມລະເບີດ: ເລັກນ້ອຍ ແຕ່ຍາວນານ

A: ຕອນຟິວຂາດ: ມິດຈີ່ລີ່ ຫ້າມຖາມ ຫ້າມໃກ້ ຫ້າມທ້ວງ ຫ້າມວົນ ຢາກຢູ່ຄົນດຽວ ບໍ່ມີການຕອບສະໜອງໃດໆ ບໍ່ມີຄຳເວົ້າຫຍັງເລີຍ. ສີໜ້າ

ຕອນຟິວມາ: ຖ້າໃຫ້ມາງໍ້ ຄັນງໍ້ປຸບ ໄປກິນເຂົ້າເລີຍ

ລະດັບຄວາມລະເບີດ: ເລັກນ້ອຍ ຫາ ປານກາ ຍາວນານທີ່ສຸດ ອາດຈະກິນເວລາເປັນອາທິດ

B: ຕອນຟິວຂາດ: ໂອ້ຍເນາະ!! ໜີໄປເລີຍເດີ້ ບໍ່ຕ້ອງກັບມາອີກ ອັນເຄື່ອງທີ່ເຄີຍເອົາໃຫ້ກະມາເອົາຄືນເດີ້ ບໍ່ມາເອົາສິດຶກຖິ້ມ!!! B ຈະປ່ຽນຊິມໂທລະສັບໜີທັນທີ ຄຽດແຮງ ຢາກໜີໄປຢູ່ດາວອັງຄານ

ຕອນຟິວມາ: 3ມື້ຜ່ານໄປ ເພິ່ນຢູ່ໃສ? ໂທຫາເຂົາແດ່ເດີ້ ມີເລື້ອງສິລົມນຳ ມີຫຍັງຍັງຄຽດເຮົາກະເຄຍກັນເນາະ ບໍ່ມາຮັບຮອດໃນຫ່ອມກະໄດ້ ດຽວຍ່າງອອກໄປຈຶ່ງບໍ່ຍາກເພິ່ນ

ລະດັບຄວາມລະເບີດ: ໃຫຍ່ທີ່ສຸດ ຈັດມາເຕັມ ໄຟແສງສີຄົບວົງຈອນ ປະມານ 2-3ມື້

O: ຕອນຟິວຂາດ: ບໍ່ຕ້ອງໂທມາອີກ ຈົບກະຄືຈົບ ເວົ້າບໍ່ຮູ້ເລື້ອງກະໜີໄປໃສກະໄປ!!! ບໍ່ໄດ້ສະອອນ ຢູ່ຄົນດຽວກະເຄີຍຢູ່ ບໍ່ຕາຍດອກ!! ບໍ່ຕ້ອງມາຈັບ ບໍ່ຕ້ອງມາອອຍ ບໍ່ກັບໄປແລ້ວ ພໍແລ້ວຊຳນີ້ ສັກສີໃຫຍ່ກວ່າປະຕູໄຊອີກ

ຕອນຟິວມາ: ຫຼັງ 3-5ນາທີທີ່ຟິວຂາດ… ກູເວົ້າໄດ້ຈັ່ງໃດຫວະ? ກູໂຄດໂງ່ເລີຍ ຮູ້ຈັ່ງຊີ້ກູຄິດກ່ອນກະດີ! ອຸ໋ຍກູໄປງໍ້ກະໄດ້ ທີ່ຮັກກກກກກກ ກິນເຂົ້າບໍ່? ຊື້ຂອງກິນມາຖ້າແລ້ວ ຕຽມແຕ່ອັນທີ່ມັກໃຫ້ໄດ໋ນິ ມາໆໆ ນັ່ງນິນັ່ງໃກ້ໆເຂົາ ກິນເຂົ້າແລ້ວໄປເບິ່ງໜັງຕໍ່ເນາະ

ລະດັບຄວາມລະເບີດ: ແຕກກະຈາຍທົ່ວທຸກສາລະທິດ ອັນໃດທີ່ກ່ຽວຂ້ອງກັນມຸ່ນໝົດ ອາດີດ ປະຈຸບັນ ອານາຄົດ ມຸ່ນອຸ້ຍປຸ້ຍ ແຕ່ພາຍໃນເວລາ 3-5ນາທີ ຈະກັບສູ່ສະພາບປົກກະຕິ ຄືບໍ່ມີຫຍັງເກີດຂຶ້ນ

ເປັນຂໍ້ມູນທີ່ສຶກສາຜ່ານມາໄລຍະໜຶ່ງຂອງຂ້ອຍເອງ ທັງຈາກປະສົບການ ອິນເຕີເນັດ ແລະ ໜັງສື ຜິດພາດປະການໃດຂໍອະໄພມານະທີນີ້.

ທີ່ສຶກສາເລື່ອງກຣຸບເລືອດ ເພາະມັນເປັນສິ່ງທີ່ມີລັກສະນະສະເພາະຂອງມັນເອງ ແລະ ຕິດໂຕບຸກຄົນມາແຕ່ເກີດ ເມື່ອເຮົາຮຽນຮູ້, ເຂົ້າໃຈ ແລະ ປັບໂຕໃຫ້ທັນ ເຮົາຈະສາມາດຄາດຄະເນ ແລະ ຮັບມືກັບມັນໄດ້. ຂ້ອຍວ່າມັນແມ່ນໜ້າທີ່ຂອງຜູ້ຊາຍ ທີ່ຕ້ອງແລ່ນນຳອາລົມຂອງຜູ້ຍິງ ເພາະເຮົາເກີດມາພ້ອມກັບຮ່າງກາຍທີ່ສົມບູນ ກ້າມຊີ້ນເປັນໝັດທີ່ເໝາະແກ່ການເຮັດວຽກໜັກ ແລະ ທົນຕໍ່ແຮງກະທົບຈາກຝາມື, ມີໜັງທອງໂຊນອອກມາເພາະຊັ້ນໄຂມັນ ທີ່ຊ່ວຍປ້ອງກັນຄວາມເຈັບປວດຈາກການຖືກ ຢິກດ້ວຍເລັບມື. ເຮົາມີສະໝອງທີ່ເນັ້ນໄປໃນທາງເຫດຜົນ ເຮົາຈຶ່ງເໝາະແກ່ການເປັນຜູ້ບໍລິຫານຈັດການ ແລະ ຮັກສາຄວາມສະຫງົບ ຜູ້ນຳໂລກສ່ວນໃຫຍ່ເລີຍແມ່ນຜູ້ ຊາຍ

ຜູ້ຍິງເກີດມາພ້ອມກັບຮ່າງກາຍທີ່ບໍ່ສົມບູນ ໃນທາງວິທະຍາສາດ ບໍ່ເໝາະແກ່ການດຳລົງຊີວິດ ເພາະກ້າມຊີ້ນ ແລະ ຊັ້ນໄຂມັນໜ້ອຍ ບໍ່ສາມາດທົນໜາວໄດ້ ຜູ້ຍິງຈຶ່ງມັກການກອດຈາກຄົນຮັກເປັນທີ່ສຸດ ເພາະມັນອົບອຸ້ນ ແລະ ປອດໄພ. ທຳມະຊາດທີ່ມີຄວາມຜິດປົກກະຕິອີກຢ່າງໜຶ່ງຂອງຜູ້ຍິງຄືວັນ ‼️ແດງເດືອດ‼️ ຊ່ວງເວລານີ້ຜູ້ຍິງຈະ 50-50 ຄືໃຈຮ້າຍ 50 ຕຽມສິຮ້າຍອີກ 50 ເຮົາຜູ້ຊາຍຄວນລະວັງ ແລະ ພະຍາຍາມທົນໃຫ້ຜ່ານພົ້ນເວລາ1ອາທິດໄປໃຫ້ໄດ້… ເພາະໂລກນີ້ ບໍ່ມີຫຍັງທີ່ສວຍງາມໄດ້ເທົ່າກັບຜູ້ຍິງ ແລະ ບໍ່ມີຫຍັງອັນຕະລາຍເທົ່າກັບຜູ້ຍິງ (credit: ຄຳເວົ້າຂອງ Batman ໃນໜັງ Justice League ຕອນ “Starcrossed”)

ເປັນກຳລັງໃຈໃຫ້ພໍ່ບ້ານໃຈກ້າທຸກຄົນ ແລະ ຊົມເຊີຍຜູ້ທີ່ເຂົ້າໃຈສະພາວະທີ່ຈຳເປັນຂອງຜູ້ເປັນເມຍ…

ຍອດຊາຍ ຄືຜູ້ທີ່ອົດທົນ ແຕ່ຍອດຄົນຄືຜູ້ທີ່ທົນເມຍໄດ້…

ທີ່ມາ: ອັດສະວິນ ເດວຽງໄຊ