ກອງທັບປະຊາຊົນລາວປະສົບຜົນສຳເລັດໃນການເຂົ້າຮ່ວມກີລາການທະຫານນາໆຊາດທີ່ ສ ຣັດເຊຍ

ຄະນະນັກກີລາການທະຫານ ກອງທັບປະຊາຊົນລາວ ປະສົບ ຜົນສຳເລັດໃນການເຂົ້າຮ່ວມ ແຂ່ງຂັນກີລາການທະຫານນາໆ ຊາດ ປະຈຳປີ 2020 ທີ່ປະເທດ ສ ຣັດເຊຍ ເປັນເຈົ້າພາບ ໃນລະ ຫວ່າງວັນທີ 23 ສິງຫາ – 6 ກັນ ຍາ 2020 ເຊິ່ງຄະນະນັກກີລາ ດັ່ງກ່າວໄດ້ເດີນທາງກັບມາຮອດ ປະເທດດ້ວຍຄວາມປອດໄພ ໃນ ວັນທີ 8 ກັນຍາ ນີ້, ໂດຍການຕ້ອນຮັບ ຢ່າງອົບອຸ່ນຂອງສະຫາຍ ພົນຈັດ ຕະວາ ບົວວັນ ບຸດທະຈັນໂທ ຫົວ ໜ້າກົມລົດຕັງ-ຍານເກາະ ກົມ ໃຫຍ່ເສນາທິການກອງທັບ ແລະ ສະຫາຍ ພັນເອກ ໄຊສະໝອນ ມະນີວັນ ຫົວໜ້າກົມຊ່າງແສງ ກົມໃຫຍ່ເສນາທິການກອງທັບ ພ້ອມດ້ວຍພະນັກງານ-ນັກຮົບ ເຂົ້າຮ່ວມສະແດງຄວາມຊົມເຊີຍ. ການແຂ່ງຂັນກີລາການທະຫານ ນາໆຊາດໃນຄັ້ງນີ້ ປະກອບມີ 32 ປະເທດ ເຂົ້າຮ່ວມ, ມີ 30 ປະເພດ ກີລາ. ໃນນີ້, ກອງທັບປະຊາຊົນ ລາວ ໄດ້ສົ່ງນັກກີລາເຂົ້າຮ່ວມ ແຂ່ງຂັນ 7 ປະເພດ ຄື: ເຫຼົ່າຮົບລົດ ຕັງ, ເຫຼົ່າຮົບຊ່າງແສງ, ເຫຼົ່າຮົບ ທະຫານອາກາດ, ເຫຼົ່າຮົບປ້ອງ ກັນອາກາດ, ເຫຼົ່າຮົບເຄມີ- ຊີວະ ພາບ, ເຫຼົ່າຮົບສືບຂ່າວ ແລະ ເຫຼົ່າ ຮົບເຕັກນິກຊ່ຽວຊານອາວຸດປືນ.

ທີມນັກກີລາກອງທັບປະຊາ ຊົນລາວ ທີ່ເດີນທາງເຂົ້າຮ່ວມປະ ກອບມີ 2 ທີມ ຈຳນວນ 42 ສະ ຫາຍ, ທີມເຫຼົ່າຮົບລົດຕັງ ນຳໂດຍ ພັນເອກ ບຸນປອນ ລົມພະຈັນ, ມີ ຈຳ ນວນ 21 ສະຫາຍ, ທີມ ເຫຼົ່າ ຮົບຊ່າງແສງ ນຳໂດຍ ພັນເອກ ບຸນສົດ ອິນສີນາ ຈຳນວນ 21 ສະ ຫາຍ. ນອກນັ້ນ 5 ທີມແມ່ນຄັດ ເລືອກເອົານັກສຶກສາຂອງກອງ ທັບປະຊາຊົນລາວ ທີ່ກຳລັງສຶກ ສາຢູ່ບັນດາວິທະຍາຄານການ ທະຫານຂອງ ສ ຣັດເຊຍ ຄື: ເຫຼົ່າ ຮົບທະຫານອາກາດກູ້ໄພສຸກເສີນ ຈຳນວນ 10 ສະຫາຍ ຈາກວິທະ ຍາຄານທະຫານອາກາດ ເມືອງ ວາໂຣເນດ, ເຫຼົ່າຮົບສືບຂ່າວຕີ ພິເສດ ຈຳນວນ 12 ສະຫາຍ ຈາກໂຮງຮຽນບັນຊາສືບຂ່າວ ເມືອງໂນໂວຊີບຽກ, ເຫຼົ່າຮົບເຄມີ ລັງສີ ແລະ ຊີວະພາບ ຈຳນວນ 7 ສະຫາຍ ຈາກວິທະຍາຄານ ກາໂຕຼມມາ, ເຫຼົ່າຮົບປ້ອງກັນ ອາກາດ ຈຳນວນ 5 ສະຫາຍ ຈາກວິທະຍາຄານເຫຼົ່າຮົບປ້ອງ ກັນອາກາດ ເມືອງສະໂມແລນ ແລະ ເຫຼົ່າຮົບເຕັກນິກ-ອາວຸດປືນ ຈຳນວນ 8 ສະຫາຍ ຈາກວິທະ ຍາຄານພະລາທິການ-ເຕັກນິກ ເມືອງເປັນຊາ. ຜ່ານການແຂ່ງຂັນຕົວຈິງຂອງ ນັກກີລາຈາກກອງທັບປະຊາຊົນ ລາວ ສາມາດຍາດໄດ້ຜົນງານ ດັ່ງນີ້:

1. ເຫຼົ່າຮົບລົດຕັງ ສາມາດ ຍາດໄດ້ອັນດັບທີ 2 ຂອງສາຍ ບີ ມີ 8 ປະເທດເຂົ້າຮ່ວມ, 2. ເຫຼົ່າ ຮົບຊ່າງແສງ ສາມາດຍາດໄດ້ ອັນດັບທີ 2 ມີ 6 ປະເທດເຂົ້າຮ່ວມ, 3. ເຫຼົ່າຮົບປ້ອງກັນອາກາດສາ ມາດຍາດໄດ້ອັນດັບທີ 2 ມີ 7 ປະ ເທດເຂົ້າຮ່ວມ, 4. ເຫຼົ່າຮົບເຄມີ ລັງສີ ແລະ ຊີວະພາບຍາດໄດ້ອັນ ດັບທີ 2 ມີ 9 ປະເທດເຂົ້າຮ່ວມ, 5. ເຫຼົ່າຮົບທະຫານອາກາດກູ້ໄພ ສຸກເສີນສາມາດຍາດໄດ້ທີ 4 ມີ 8 ປະເທດເຂົ້າຮ່ວມ, 6. ເຫຼົ່າຮົບ ສືບຂ່າວສາມາດຍາດໄດ້ທີ 5 ມີ 8 ປະເທດ ເຂົ້າຮ່ວມ, 7 ເຫຼົ່າ ຮົບເຕັກນິກຊ່ຽວຊານອາວຸດປືນ ສາມາດຍາດໄດ້ອັນດັບທີ 5 ມີ 8 ປະເທດເຂົ້າຮ່ວມ. ປັດຈຸບັນ, ຄະນະນັກກີລາກອງ ທັບປະຊາຊົນລາວ ໄດ້ເດີນທາງ ກັບຄືນປະເທດແລ້ວດ້ວຍຄວາມ ສະຫວັດດີພາບ ແລະ ກໍໄດ້ປະຕິ ບັດມາດຕະການເຂົ້າສູນຕິດຕາມ ກວດກາສຸຂະພາບຕາມລະບຽບ ການທີ່ທາງການວາງອອກໃນ ການຕ້ານ ແລະ ສະກັດກັ້ນ ການ ແຜ່ລະບາດຂອງພະຍາດອັກເສບ ປອດສາຍພັນໃໝ່ ໂຄວິດ-19 ທີ່ ສູນຈຳກັດບໍລິເວນ(ຫຼັກ 27).