ນັກສືກສາລາວຕິດເຊື້ອ ໂຄວິດ-19 ຢູ່ປະເທດລັດເຊຍ

ໃນຕອນຄ່ຳຂອງວັນທີ 12 ພະຈິກ 2020 “ນ້ອງ ແກ້ວຕາ ແກ້ວອຸດົມ” ຊື່ Facebook: KeoTa Keooudom ໄດ້ອອກມາໂພສວ່າຕົນເອງໄດ້ຮັບເຊື້ອ ແລະ ກຳລັງປິ່ນປົວຢູ່ວ່າ: ຫຼາຍຄົນກະຮູ້ດີວ່າຢູ່ ລັດເຊຍ ມີການລະບາດໂຄວິດໜັກແລະຂ້າພະເຈົ້າກະເປັນໜື່ງຄົນທີ່ໂຊກຮ້າຍ
1. ຫຼາຍຄົນສົງໃສວ່າແກ້ວຕາຕິດໂຄວິດແທ້ຫຼືບໍ່? ຄຳຕອບກະຄືຕິດແທ້ ຕອນນີ້ເປັນໂຄວິດມື້ທີ 5
2. ອາການໂຄວິດເປັນແນວໃດ ? ອາການປົກກະຕິໂດຍລວມກະທຳມະດາຄືຄົນປົກກະຕິທົ່ວໄປບໍ່ໄດ້ເປັນຫຍັງຫຼາຍ ມີແຕ່ດັງບໍ່ຮັບຮູ້ກີ່ນແລະອິດເມື່ອຍຄືຄົນເປັນໄຂ້ເທົ່ານັ້ນ ບໍ່ໄອ, ບໍ່ຈາມ, ບໍ່ມີນ້ຳມູກແລະອຸນຫະພູມຕໍ່າກວ່າ 38° (ຄວາມຈິງມັນບໍ່ເຄີຍຮອດເລີຍ) ອາການສະແດງອອກຂອງແຕ່ລະຄົນມັນຕ່າງກັນ
3. ຕອນນີ້ຮູ້ສືກແນວໃດ? ອິດເມື່ອຍເລັກນ້ອຍ, ບາງຄັ້ງມີອາການປຸ້ນທ້ອງ,ວຽນຫົວແລະກໍ່ຮາກເປັນບາງຄັ້ງຄາວ

4. ດູແລຮັກສາສຸຂະພາບແນວໃດໃນຊ່ວງເປັນໂຄວິດ? ສີ່ງສຳຄັນຫຼັກໆຕອນນີ້ກະຄືກິນຢາວິຕາມິນຊີ , Calcium ແລະ ຢາຕ້ານເຊື້ອ. ນອກຈາກນີ້ຍັງຮັກສາຄວາມສະອາດເປັນຕົ້ນກະຄືໝັ່ນລ້າງມືດ້ວຍສະບູ່. ນອນພັກຜ່ອນໃຫ້ພຽງພໍ
5. ລະເລື່ອງຄ່າໃຊ້ຈ່າຍໃນການປີ່ນປົວເດ? ປີ່ນປົວເອງທຸກຢ່າງ , ໃຊ້ເງີນຕົນເອງ ເວົ້າໄດ້ເລີຍວ່າໝົດເງີນຫຼາຍ ທັງຄ່າກວດແລະຄ່າຢາອື່ນໆອີກ
6. ທາງໂຮງຮຽນຈະຊ່ວຍຄ່າຢາບໍ່? ໄດ້ຍິນເວົ້າວ່າຈະຊ່ວຍແຕ່ຍັງບໍ່ທັນຮູ້ວ່າຈະເປັນແນວໃດຕໍ່ໄປ

7. ສາເຫດທີ່ພາໃຫ້ຕິດໂຄວິດໃນຄັ້ງນີ້? ເປັນຍ້ອນການພັກຜ່ອນບໍ່ພຽງພໍເຮັດໃຫ້ສຸຂະພາບອ່ອນແອເລີຍຕິດ
8. ຄິດວ່າເປັນໂຄວິດຄັ້ງນີ້ຈະຫາຍດີບໍ່? ຕ້ອງດີແນ່ນອນ 100%
ຝາກເຖີງທຸກຄົນໃຫ້ຮັກສາສຸຂະພາບສີ່ງສຳຄັນກະຄືການພັກຜ່ອນໃຫ້ພຽງພໍແລະກິນອາຫານໃຫ້ມີປະໂຫຍດ
ທັງນີ້ທັງນັ້ນ, ພວກເຮົາກໍຂໍເປັນກຳລັງໃຈ ແລະ ອວຍພອນໄຊໃຫ້ນ້ອງແກ້ວຕາ ແກ້ວອຸດົມ ຫາຍຈາກພະຍາດ ໂຄວິດ-19 ໄວໆ ແລະ ມີສຸຂະພາບທີ່ແຂງແຮງ.