ເມື່ອບໍ່ດົນມານີ້ ພົບນັກທ່ອງທ່ຽວຊາວຈີນ ຕິດໂຄວິດ19

ໂດຍປະຕິບັດແຈ້ງການດ່ວນຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດ ໂຄວິດ – 19 ຂັ້ນແຂວງ ສະບັບເລກທີ 1572 ເຊິ່ງໄດ້ເຫັນດີປິດເທສະບານເມືອງ ຕົ້ນເຜີ້ງ ແລະ ເຂດເສດຖະກິດພິເສດສາມຫຼ່ຽມຄໍາເປັນເວລາ 14 ວັນ ເລີ່ມແຕ່ວັນທີ 12 – 25 ມັງກອນ 2021 ຕອນບ່າຍ ວັນທີ 12 ມັງກອນ 2021 ນີ້ ຄະນະສະເພາະກິດເພື່ອປ້ອງກັນ,

ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດພະຍາດ ໂຄວິດ – 19 ເມືອງ ຕົ້ນເຜິ້ງ ໄດ້ລົງຊີ້ນໍາ ແລະ ມອບໃຫ້ເຈົ້າໜ້າທີ່ກ່ຽວຂ້ອງຕັ້ງຈຸດກວດກາຢູ່ປ້ອມກວດກາໃກ້ກັບສາມແຍກປະຕູໂຂງທາງເຂົ້າເມືອງ ແລະ ສີ່ແຍກບ້ານໂພນໂຮມ ແລະ ໃຫ້ນໍາໃຊ້ກຳລັງທະຫານ, ປກສ ແລະ ແພດໝໍ ປະຈໍາຢູ່ຈຸດກວດກາເພື່ອປະຕິບັດມາດຕະການປ້ອງກັນ,

ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດພະຍາດ ໂຄວິດ – 19 ຢ່າງເຂັ້ມງວດ. ເນື່ອງຈາກຢູ່ໃນສະຸຖານະການເຝົ້າລະວັງການແຜ່ລະບາດ ຂອງພະຍາດດັ່ງກ່າວ ດັ່ງນັ້ນ ຈຶ່ງຂໍຮຽກຮ້ອງມາຍັງທຸກພາກສ່ວນໃນສັງຄົມໃຫ້ປະຕິບັດຕາມມາດຕະການທີ່ຄະນະສະເພາະກິດຂັ້ນເທິງວາງອອກຢ່າງເຄັ່ງຄັດ ຮັກສາໄລຍະຫ່າງ 1 – 2 ແມັດຂຶ້ນໄປ, ຫຼີກລ່ຽງການໄປໃນສະຖານທີ່ແອອັດເວລາອອກຈາກເຮືອນ, ໃສ່ຜ້າອັດປາກ – ດັງ, ລ້າງມື້ໃສ່ສະບູ່ ຫຼື ເຈວລ້າງມື ເພື່ອຫຼຸດຜ່ອນຄວາມສ່ຽງຕິດເຊື້ອພະຍາດ ໂຄວິດ – 19.

ຂ່າວກ່ອນໜ້ານີ້ ອີງຕາມແຈ້ງການຂອງ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ ຂໍຖືເປັນກຽດຢ່າງສູງ ແຈ້ງມາຍັງບັນດາທ່ານຊາບດັ່ງນີ້ 1. ເຫັນດີປີດເທດສະບານເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄຳ (ເປັນເວລາ14ວັນ)ເລີ່ມແຕ່ວັນທີ່ 12 ມັງກອນ ເຖິງ ວັນທີ 25 ມັງກອນ 2021, 2. ມອບໃຫ້ເຈົ້າໜ້າທີ່ທີ່ກ່ຽວຂ້ອງ ຕັ້ງຈຸດກວດກາຢູ່ປ້ອມກວດກາໃກ້ກັບ 3 ແຍກປະຕູໂຂງ ທາງເຂົ້າເມືອງຕົ້ນເຜິ້ງ ແລະ 4 ແຍກບ້ານໂພນໂຮມ.

3. ໃຫ້ເມືອງຕົ້ນເຜິ້ງ ນຳໃຊ້ກຳລັງທະຫານ, ປກສ ແລະ ແພດໝໍ ປະຈໍາຈຸດກວດກາດັ່ງກ່າວ ເພື່ອປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຢ່າງເຂັ້ມງວດ. ດັ່ງນັ້ນ, ຈຶ່ງແຈ້ງມາຍັງບັນດາທ່ານຊາບ ແລະ ຈັດຕັ້ງປະຕິບັດ ໃຫ້ໄດ້ຮັບຜົນເປັນຢ່າງດີດ້ວຍ.