ປົວຫາຍດີແລ້ວ 1 ຄົນແລະກວດບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ວັນທີ 13/4/2020

ຂ່າວດີ, ຕ້ອນຮັບປີໃຫມ່ລາວ 2020 ດ້ວຍການບໍ່ກວດພົບ ຜູ້ຕິດເຊື້ອໂຄວິດ-19 ລາຍໃຫມ່ !!! ປົວຫາຍດີແລ້ວ 1 ຄົນ !!! ວັນທີ 13 ເມສາ 2020 ເວລາ 14:30, ທີ່ສູນປະຕິບັດງານ ຄະນະສະເພະກິດ ຕ້ານໂຄວິດ-19 ໄດ້ມີການຖະແຫຼ່ງຂ່າວ ໃຫ້ຮູ້ວ່າ ມາຮອດມື້ນີ້ ບໍ່ມີການກວດພົບ ຜູ້ຕິດເຊື້ອໂຄວິດ-19 ລາຍໃໝ່ ຢູ່ ສປປ ລາວ ລວມຍອດສະສົມ ຜູ້ຕິດເຊື້ອ ຢູ່ ສປປ ລາວ ທັງຫມົດ ຍັງຢູ່ທີ່ ຕົວເລກ 19 ຄົນ.

ຜູ້ຕິດເຊື້ອ 15 ຄົນ ທໍາອິດ ໄດ້ຮັບການປິ່ນປົວ ດ້ວຍຢາ ແລະ ມີ 1 ຄົນ ແມ່ນມີ ຜົນການກວດເປັນລົບແລ້ວ ແຕ່ຍັງຕ້ອງໄດ້ຕິດຕາມອາການໄປຕໍ່ ອີກໄລຍະໜຶ່ງ. ສະຖານະການການແຜ່ລະບາດ ຂອງເຊື້ອໂຄວິດ-19 ໄດ້ແຜ່ລາມໄປ ໃນ 210 ປະເທດ ແລະ ເຂດແຄວ້ນ. ຍອດຜູ້ຕິດເຊື້ອສະສົມ ໃນທົ່ວໂລກ ແມ່ນ 1.8 ລ້ານຄົນ ແລະກໍາລັງເພີ່ມສູງຂຶ້ນຢ່າງຕໍ່ເນື່ອງ.

ຮຽກຮ້ອງໃຫ້ປະຊາຊົນລາວບັນດາເຜົ່າ ຈົ່ງເພີ່ມທະວີ ເອົາໃຈໃສ່ ຮັກສາບົວລະບັດຕົນເອງ ແລະ ປະຕິບັດຕາມມາດຕະຖານ ຄໍາແນະນໍາ ແລະ ມາດຕະການປ້ອງກັນ ຂອງລັດຖະບານລາວ ວາງອອກ ຢ່າງເຄັ່ງຄັດ. Cr: FM 90