ຜູ້ຜະລິດວັກຊີນ ໂຄວິດ-19 ກ່າວວ່າພະຍາດນີ້ອາດຢູ່ກັບເຮົາຕະຫຼອດໄປ

ຫຼື ພະຍາດຮ້າຍທີ່ເຮົາຫຼາຍຄົນຢາກໃຫ້ມັນຫາຍໄປຈາກໂລກນີ້ຈະບໍ່ມີວັນຫາຍໄປຈາກພວກເຮົາ Stephane Bancel ອຳນວຍການບໍລິຫານບໍລິສັດ Moderna ຜູ້ຜະລິດວັກຊີນໂຄວິດ-19 ກ່າວວ່າ ພະຍາດນີ້ອາດຢູ່ກັບເຮົາຕະຫຼອດໄປ. ທ່ານກ່າວຄຳເວົ້ານີ້ອອກມາໃນກອງປະຊຸມດ້ານສາທາລະນະສຸກ JPMorgan ພ້ອມທັງກ່າວອີກວ່າ ມັນຈະເຮັດໃຫ້ເສດຖະກິດໂລກງຽບເຫງົາ. ຂະນະທີ່ ຜູ້ຊ່ຽວຊານອື່ນໆເຫັນວ່າ ມັນອາດກາຍເປັນພະຍາດປະຈຳທ້ອງຖິ່ນໄດ້ ເຊິ່ງໝາຍຄວາມວ່າມີຄວາມເປັນໄປໄດ້ທີ່ມັນຈະກາຍເປັນພະຍາດທີ່ເຮົາພົບເຫັນຢູ່ຕະຫຼອດເວລາ ເຖິງວ່າຕອນນີ້ອັດຕາການລະບາດຈະຫຼຸດລົງຕໍ່າແລ້ວ.

ສ່ວນເຈົ້າໜ້າທີ່ທາງດ້ານສາທາລະນະສຸກກໍກຳລັງຈັບຕາໂຄວິດ-19 ສາຍພັນໃໝ່ຢ່າງຕໍ່ເນື່ອງ. ດ້ານນັກວິໄຈຈາກ Pfizer ກ່າວວ່າໄດ້ພັດທະນາວັກຊີນຮ່ວມກັບ BioNTech ແລ້ວພົບວ່າວັກຊີນມີປະສິດທິພາບຕ້ານໂຄວິດ-19 ສາຍພັນໃໝ່ທີ່ກຳລັງລະບາດໃນອັງກິດ ແລະ ອາຟຣິກາໃຕ້. ສ່ວນບໍລິສັດ Moderna ຫາກໍໄດ້ຮັບອະນຸມັດຈາກອົງການອາຫານ ແລະ ຢາ ໃຫ້ສາມາດໃຊ້ວັກຊີນໄດ້ກັບຄົນອາເມລິກາໄວ 18 ປີຂຶ້ນໄປໄດ້. ສ່ວນວັກຊີນສຳລັບເດັກນ້ອຍ ຍັງຕ້ອງໄດ້ພັດທະນາຕໍ່ໄປ ເນື່ອງຈາກລະບົບພູມຕ້ານທານທີ່ຕ່າງຈາກຜູ້ໃຫຍ່.