ອາກາດກຳລັງຈະອຸ່ນຂື້ນແລ້ວອົດໃຈລໍຖ້າເດີ້

ອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດໃນໄລຍະວັນທີ 11 ຫາ 17 ມັງກອນ 2021 ວ່າ ໃນໄລຍະວັນທີ 11 ຫາ 12 ມັງກອນ ມວນອາກາດໜາວເຢັນຈາກປະເທດຈີນ ຍັງມີກຳລັງແຮງແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມມໍລະສຸມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອຸນຫະພູມອາກາດໜາວຫຼາຍ ໂດຍສະເພາະຢູ່ເຂດພູສູງ, ພູດອຍ ແລະ ຮ່ອມພູ ເຊັ່ນ:

ບັນດາແຂວງພາກເໜືອ,ແຂວງໄຊສົມບູນ ແລະ ເຂດພູພຽງບໍລະເວນ ອາກາດຈະໜາວເຢັນຫຼາຍ ພ້ອມມີຝົນຕົກຄ່ອຍເປັນບາງໂອກາດ ສ່ວນຢູ່ພາກກາງ ແລະ ພາກໃຕ້ ອາກາດຈະເຢັນ ຫາ ໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງເປັນບາງໂອກາດໃນແຕ່ລະພາກ. ຈາກນັ້ນ ວັນທີ 13 ຫາ 17 ມັງກອນ 2021 ມວນອາກາດເຢັນຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ

ສົມທົບກັບລົມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອາກາດອຸ່ນຂຶ້ນ 2 ຫາ 4 ອົງສາ ຢູ່ທົ່ວໄປໃນແຕ່ລະພາກ, ແຕ່ສະພາບອາກາດຍັງໜາວເຢັນຫຼາຍຢູ່ແຂວງພາກເໜືອ,

ເຂດພູສູງ, ພູດອຍ, ແຂວງໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ບໍ່ແມ່ນ “ຫິມະ” ແຕ່ເປັນນໍ້າກ້າມ ທີ່ ພູສັນທ່າໂຈກ ເມືອງແປກ ແຂວງຊຽງຂວາງ

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານວ່າ: ມວນອາກາດໜາວເຢັນຈາກປະເທດຈີນ ຍັງມີກຳລັງແຮງແຜ່ປົກຄຸມທຸກພາກທົ່ວປະເທດ ເຊີ່ງຈະເຮັດໃຫ້ອຸນຫະພູມຫຼຸດລົງ ອາກາດເຢັນຫຼາຍ ໂດຍສະເພາະເຂດພູສູງ ພູດອຍ ໃນບັນດາແຂວງພາກເໜືອ ເປັນຕົ້ນແມ່ນ ແຂວງຫົວພັນ, ຊຽງຂວາງ, ໄຊສົມບູນ ຈະມີອາກາດເຢັນທີ່ສຸດ ແລະ ເມື່ອຕົ້ນອາທິດທີ່ຜ່ານມາ,

ຜູ້ໃຊ້ເຟສບຸກ Airnoy Nivone ໄດ້ໂພສຮູບພາບນໍ້າແຂງຈັບຍອດໄມ້ ຈົນກາຍເປັນປ່າສີິຂາວ ໂດຍພາບຊຸດດັ່ງກ່າວ ເອື້ອຍຂອງລາວ ເປັນຜູ້ຖ່າຍຈາກສວນຊາ ເຂດພູສັນທ່າໂຈກ ເມືອງແປກ ແຂວງ ຊຽງຂວາງ ທຸກໆປີ ໃນລະດູໜາວ ບໍລິເວນພູສູງ ຈະມີອຸນຫະພູມ 1-2 ອົງສາ ເຮັດໃຫ້ເກີດປະກົດການນໍ້າກ້າມ

ປົກຄຸມຕົ້ນໄມ້ໃບຫຍ້າ ແລະ ກິ່ງໄມ້ຕ່າງໆ ແລະ ໃນຊ່ວງວັນທີ 11-12 ມັງກອນ 2021 ໃນໂຊຊຽວ ກໍ່ໄດ້ມີການເຜີຍແຜ່ຮູບພາບຖະໜົນ ຕົ້ນໄມ້ ທົ່ງນາ ທີ່ເຕັມໄປດ້ວຍເກັດນໍ້າແຂງ ໃນເຂດເມືອງໜອງແຮດ ແລະ ເມືອງ ໝອກ ແຂວງຊຽງຂວາງ, ມາປ່ຽນບັນຍາກາດ ເບິ່ງຄວາມງາມຂອງ ບ້ານຕູໃໝ່ ແຂວງຫົວພັນ ດອກໄມ້ກຳລັງບານເຕັມທີ່ຢ່າເບິ່ງລ້າໃຊ້ປຸ່ມ LIKE ປຸ່ມ SHARE ໃຫ້ເປັນປະໂຫຍດ