ເຈົ້າໜ້າທີ່ໄທຈັບແຮງງານລາວລັກລອບເຂົ້າປະເທດ

ເຈົ້າໜ້າທີ່ໄທຈັບແຮງງານລາວ ລັກລອບເຂົ້າປະເທດໂດຍການຍ່າງມາຈາກປະເທດມາເລເຊຍ ຫຼັງບໍ່ມີວຽກເຮັດ ເຈົ້າໜ້າທີ່ທະຫານໜ່ວຍສະເພາະກິດທະຫານລາບທີ່ 5 ຈັບກຸມແຮງງານຕ່າງດາວສັນຊາດລາວ, ເພດຊາຍ, ອາຍຸ 53 ປີໄດ້ທີ່ບໍລິເວນເຂດແດນແຂວງສົງຂາ.ຜູ້ກ່ຽວມີບັດບຸກຄົນຕ່າງດ້າວ ເຂົ້າມາຢູ່ໃນປະເທດໄທຕັ້ງແຕ່ປີ 1989 ໂດຍສ້າງ ຄອບຄົວ ແລະ ມີອາຊີບເປັນຊາວປະມົງ ທີ່ແຂວງ ປັດຕານີ.ເມື່ອວັນທີ່ 6 ເດືອນ ກຸມພາ ປີ 2020 ໄດ້ເດີນທາງເຂົ້າໄປປະເທດມາເລເຊຍ

ເພື່ອໄປເຮັດອາຊີບປະມົງ ແຕ່ປັດຈຸບັນຖືກເລີກຈ້າງ ຈື່ງຢາກກັບມາຢູ່ກັບຄອບຄົວ ແຕ່ບໍ່ມີເອກະສານ ແລະ ນາຍຈ້າງບໍ່ຮອງຮັບ ຈື່ງຕັດສີນໃຈເດີນທາງມາດ້ວຍໂຕເອງ ດ້ວຍການຍ່າງ ລັດເລາະຕາມທາງຊ່ອງທາງທຳມະຊາດ ໃຊ້ເວລາ 6 ມື້.ຈົນມາເຖີງເຂດແດນປະເທດໄທ-ມາເລເຊຍ ຈື່ງໄດ້ລັກລອບຂ້າມແດນເຂົ້າມາ ແຕ່ໂຊກຮ້າຍມາເຈີທະຫານຈື່ງຖືກຄວບຄຸມໂຕເສຍກ່ອນ.