ພົບຮ່າງຜູ້ເສຍຊີວິດຍັງບໍ່ຮູ້ສາເຫດທີ່ແນ່ຊັດ

ວັນທີ 11/02/2021 ເວລາ 08:00 ຕອນເຊົ້າ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດເຂົ້າເບີ ສຸກເສີນ 1629 ວ່າມີ ຜູ້ເສຍຊີວິດຈົ່ມນໍ້າ ເຂດແຄມຫາດນ້ຳຂອງ ບ້ານ ດອນເຊັງ ນະຄອນໄກສອນພົມວິຫານ ແຂວງ ສະຫວັນນະເຂດ ເມື່ອທາງທີມງານເຖິງຈຸດເກີດເຫດ ແມ່ນພົບຮ່າງຜູ້ເສຍຊີວິດເປັນເພດຊາຍ ອາຍຸປະມານ 30 ກວ່າປີ ນອນເສຍຊີວິດຢູ່ແຄມນ້ຳຂອງ

ເຊີ່ງສະພາບການເສຍຊີວີດ ແມ່ນນຸ່ງໂສ້ງເສື້ອ ຄາດເດົາອາດຈະເສຍຊີວິດມາປະມານ 2-3 ວັນ ເຊີ່ງກັບເຫດການດັ່ງກ່າວ ສຳນວນຄະດີອັນແນ່ຊັດ ທາງເຈົ້າໜ້າທີ່ ກຳລັງສືບສວນສອບສວນຫາສາເຫດການເສຍຊີວິດຄັ້ງຕໍ່ໄປ

ຂໍສະແດງຄວາມເສຍໃຈນຳຍາດຕິພີ່ນ້ອງຂອງຜູ້ເສຍຊີວິດ ສ່ວນສົບຜູ້ເສຍຊີວິດ ທາງອາສາພວກເຮົາໄດ້ປະສານກັບອຳນາດການປົກຄອງບ້ານ ດອດເຊັງ ຈັດທຳພິທີທາງສາດສະໜາ ສ່ວນຊື່ ນາມສະກຸນ ຖີ່ນກຳເນີດຂອງຜູ້ເສຍຊີວິດ ແມ່ນເປັນຄົນພື້ນຖານເຂດບ້ານດັ່ງກ່າວ