ແຮງຈູງໃຈຂອງ”ທ້າວຄໍາໃໝ່”ແມ່ນຍ້ອນຄວາມຄຽດແຄ້ນສ່ວນຕົວ

ຜູ້ຖືກຫາ ຊື່ ທ.ຄໍາໃໝ່ ດວງສາ ອາຍຸ 27 ປີ, ອາຊີບຊາວນາ ຢູ່ບ້ານໃໝ່ວັງໝາກແຊວ. ຜ່ານການສືບສວນ-ສອບສວນ ພະຍານບຸກຄົນ ແລະ ການເກັບກຳຂໍ້ມູນຫຼັກຖານຢ່າງລະອຽດຈະແຈ້ງແລ້ວ ສາມາດສະຫຼຸບໄດ້ວ່າ: ຜູ້ລົງມືກໍ່ເຫດຄາຕະກໍາຄັ້ງນີ້ ແມ່ນ ທ.ຄໍາໃໝ່ ດວງສາ ແທ້ ແລະ ລົງມືກໍ່ເຫດພຽງຄົນດຽວ. ສາເຫດ ແລະ ແຮງຈູງໃຈໃນການລົງມືກໍ່ເຫດ ແມ່ນຍ້ອນຄວາມຄຽດແຄ້ນສ່ວນຕົວ. ຍ້ອນແນວນັ້ນ ເຈົ້າໜ້າທີ່ກ່ຽວຂ້ອງ ຈິ່ງໄດ້ນຳຕົວຜູ້ກ່ຽວໄປທຳແຜນທົດສອບ ປະກອບສໍານວນຄະດີ ເພື່ອສົ່ງອົງການໄອຍະການປະຊາຊົນແຂວງ ດຳເນີນຄະດີຕາມຂັ້ນຕອນຂອງກົດໝາຍ. ມື້ນີ້ 14/10/2020, ທ່ານ ພັນໂທ ໄພຈິດ ໄຊຍະເດດ ຮອງຫ້ອງຕຳຫຼວດ

ຜູ້ຊີ້ນໍາວຽກງານສືບສວນ-ສອບສວນ ກອງບັນຊາການ ປກສ ແຂວງຈຳປາສັກ ໄດ້ຖະແຫຼງກ່ຽວກັບຄະດີຄາຕະກຳ ຢູ່ບ້ານໃໝ່ວັງໝາກແຊວ(ຄຸ້ມທ່າດ່ານ) ເມືອງສຸຂຸມາໃນວັນທີ 2/10/2020 ທີ່ຜ່ານມາ ເຊິ່ງມີຜູ້ເສຍຊິວິດ 3 ຄົນ ຄື: 1. ທ.ຫົງທອງ ຄຳພູມີ ອາຍຸ 39 ປີ ຫົວໜ້າໝໍລໍາເລື່ອງຄະນະ ເກດແກ້ວ ເພັດນໍ້າໃສ ຢູ່ບ້ານໃໝ່ວັງໝາກແຊວ. 2. ທ.ໄພວັນ ວົງຈັນທາ ອາຍຸ 31 ປີ, ອາຊີບກຳມະກອນ ຢູ່ບ້ານສາມຂາ ເມືອງສຸຂຸມາ. 3. ທ.ເຕີ້ນ ອາຍຸ 12 ປີ, ເປັນນັກຮຽນ ຢູ່ບ້ານໃໝ່ວັງໝາກແຊວ.