ລະວັງຝົນຕົກໜັກແລ້ວເກີດນ້ຳຖ້ວມທາງພາກເໜືອ

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງເຕືອນຝົນຕົກໜັກ ປະຈຳວັນທີ 15 ມິຖຸນາ 2020 ຮ່ອງຄວາມກົດດັນອາກາດຕໍ່າຍັງພາດຜ່ານຢູ່ພາກເໜືອດ້ານຕາເວັນອອກຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກ ສ່ຽງໃຕ້ຍັງມີກຳລັງປານກາງຫາແຮງພັດປົກຄຸມ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກ້ວາງ ແລະ ຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ໃນອາທິດຜ່ານມາ ສັນຍານການກ້າວສູ່ລະດູຝົນແບບເຕັມໂຕກໍາລັງມາ ເນື່ອງຈາກເລີ່ມມີຝົນ ແລະ ພາຍຸ, ຫຼ້າສຸດ ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນອີກຄັ້ງ ອາທິດນີ້ຈະມີຝົນຕົກໜັກຢູ່ບາງທ້ອງຖິ່ນໃນແຕ່ລະພາກ, ຂໍໃຫ້ທຸກພາກສ່ວນມີສະຕິຕໍ່ສະພາບຝົນທີ່ຕົກຕິດຕໍ່ກັນຫຼາຍວັນເຮັດໃຫ້ມີຝົນສະສົມ ແລະ ຝົນຕົກໜັກ ເຊິ່ງອາດຈະເຮັດໃຫ້ເກີດມີດິນເຈື່ອນ ແລະ ນ້ຳຖ້ວມຊຸ. ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນ ແລະ ອົງການປົກຄອງທຸກພາກສ່ວນໃຫ້ມີສະຕິຕໍ່ສະພາບຝົນທີ່ຕົກຕິດຕໍ່ກັນຫຼາຍວັນເຮັດໃຫ້ມີຝົນສະສົມ ແລະ ຝົນຕົກໜັກ ຊຶ່ງອາດຈະເຮັດໃຫ້ເກີດມີດິນເຈື່ອນ ແລະ ນໍ້າຖ້ວມຊຸ ຢູ່ບາງທ້ອງຖິ່ນແຂວງພາກເໜືອ ຫາ ພາກກາງ.

ທັງນີ້, ເຂດທີ່ມີຝົນຕົກຫຼາຍສຸດໃນວັນທີ 14 ມິຖຸນາ 2020 ຜ່ານມາ ຈາກການວັດປະລິມານນ້ຳຝົນ 24 ຊົ່ວໂມງ ແມ່ນຢູ່ປາກຊ່ອງ ວັດແທກໄດ້ 77,52 ມີນລິແມັດ, ຮອງລົງມາຢູ່ຊຳເໜືອ ວັດແທກໄດ້ 34,7 ມີນລິແມັດ, ນາກາຍ 31,5 ມີນລິແມັດ, ດາກຈຶງ 19,0 ມີນລິແມັດ ແລະ ໄຊສົມບູນ 18,8 ມີນລິແມັດ. ອຸທົກກະສາດ ພະຍາກອນອາກາດປະຈໍາວັນທີ 14 ມິຖຸນາ 2020 ໄວ້ວ່າ: ແຈ້ງເຕືອນຝົນຕົກໜັກ ຮ່ອງຄວາມກົດດັນອາກາດຕໍ່າໄດ້ພາດຜ່ານພາກເໜືອຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມ,

ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກ້ວາງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ຫາ ພາກກາງ. ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນເຝົ້າລະວັງຈະມີຝົນຕົກໜັກ ແລະ ລົມພັດແຮງ ແຕ່ແອັດມິນເຊື້ອວ່າຫຼາຍຄົນດີໃຈທີ່ຝົນຈະຕົກ ຫຼັງຕ້ອງປະເຊີນກັບສະພາບອາກາດອັນຮ້ອນອົບເອົ້າມາດົນສົມຄວນ ແຕ່ແນວໃດກໍ່ຕາມ ຕ້ອງເຝົ້າລະວັງນໍາກັນ ເພື່ອບໍ່ໃຫ້ມີອັນຕະລາຍເກີດຂຶ້ນ.ກົມອຸຕຸນິຍົມ ແລະ