ກອງບັນຊາການທະຫານແຂວງຫຼວງນ້ຳທາ ປາຖະກະຖາມູນເຊື້ອວັນສ້າງຕັ້ງແນວລາວສ້າງຊາດ.

ວັນທີ 11 ສິງຫາ 2020 ນີ້ ຢູ່ທີ່ສະໂມສອນຂອງກອງ ບັນຊາການທະຫານແຂວງຫຼວງ ນໍ້າທາ ໄດ້ປາຖະກະຖາມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 70 ປີ ແລະ ວັນສື່ມວນ ຊົນ ແລະ ການພິມຈໍາໜ່າຍແຫ່ງ ຊາດຄົບຮອບ 70 ປີ ໂດຍການ ຜັດປ່ຽນກັນປາຖະກະຖາຂອງສະ ຫາຍ ພົນຈັດຕະວາ ອິ່ນແກ້ວ ມະ ນີຈັນ ກໍາ ມະການປະຈໍາພັກ ແຂວງ ເລຂາຄະນະພັກ ຫົວໜ້າການ ທະຫານກອງບັນຊາການທະ ຫານແຂວງ ແລະ ສະຫາຍ ພັນໂທ ສຸລິວັນ ສີວິໄລ ກຳມະການ ຄະນະພັກກອງບັນຊາການຮອງ ຫົວໜ້າຫ້ອງການເມືອງ, ມີຄະ ນະພັກ-ຄະນະ ບັນຊາ, ພະນັກ ງານຫຼັກແຫຼ່ງ 5 ຫ້ອງ, ກົມກອງ ອ້ອມຂ້າງເຂົ້າຮ່ວມ. ໃນພິທີ ສະຫາຍ ພົນຈັດຕະວາ ອິ່ນແກ້ວ ມະນີຈັນ ໄດ້ເລົ່າຄືນ ປະຫວັດມູນເຊື້ອ ວັນສ້າງຕັ້ງ ແນວລາວສ້າງຊາດ ຄົບຮອບ 70 ປີ ເຊິ່ງໄດ້ຍົກໃຫ້ເຫັນມູນເຊື້ອ ແລະ ການເຕີບໃຫຍ່ເຂັ້ມແຂງຂອງ ແນວລາວອິດສະຫຼະໃນເມື່ອ ກ່ອນ, ເຊິ່ງປັດຈຸບັນແມ່ນແນວ ລາວສ້າງຊາດ, ໄດ້ຮັບການສ້າງ ຕັ້ງຂຶ້ນໃນວັນທີ 13 ສິງຫາ 1950 ທີ່ແຂວງຕຽນກວາງ ສສ ຫວຽດນາມ, ເຊິ່ງເປັນໄລຍະ ທີ່ພວກຈັກກະພັດລ່າເມືອງ ຂຶ້ນແບບເກົ່າໄດ້ເຂົ້າມາຮຸກ ຮານ ແລະ ຄອບຄອງປະເທດ ລາວຂອງພວກເຮົາ, ປະຊາ ຊົນລາວບັນດາເຜົ່າຖືກກົດຂີ່ ຂູດຮິດຢ່າງໜັກໜ່ວງ, ຈິ່ງເກີດ ມີຂະບວນການຕ່າງໆ ລຸກຮືຂຶ້ນ ຕໍ່ສູ້ຢ່າງອົງອາດກ້າຫານ ເພື່ອ ຍາດເອົາຄວາມເປັນເອກະລາດ, ອິດສະຫຼະພາບແຫ່ງຊາດ ພາຍ ໃຕ້ການນຳພາຂອງແນວລາວ ອິດສະຫຼະ ແລະ ລັດຖະບານລາວ ຕໍ່ຕ້ານໄດ້ນຳພາຢ່າງຖືກຕ້ອງ ແລະ ປີຊາສາມາດແນວລາວ ອິດສະຫຼະໄດ້ປະຕິບັດບົດບາດ ຂອງແນວໂຮມຄື: ສຳພັນຕະ ພາບລະຫວ່າງຊົນຊັ້ນກຳມະ ກອນ-ຊາວກະສິກອນ ແລະ ນັກ ຮຽນຮູ້ປັນຍາຊົນທີ່ຮັກຊາດ ແລະ ບັນດາກຳລັງການເມືອງ, ກຳລັງ ຈັດຕັ້ງສັງຄົມຕ່າງໆ,

ອອກແຮງ ເຕົ້າໂຮມຄວາມສາມັກຄີປອງ ດອງທົ່ວປວງຊົນ ອ້ອມຂ້າງພັກ, ເປັນພື້ນຖານການເມືອງໃຫ້ອຳ ນາດການປົກຄອງ, ປະຊາຊົນ ສຳພັນແບບພິເສດກັບກອງທັບ ແລະ ປະຊາຊົນຫວຽດນາມ ອ້າຍນ້ອງ, ສຳພັນກັບ 3 ປະ ເທດອິນດູຈີນເຮັດສຳເລັດໜ້າ ທີ່ພາລະກຳປະຫວັດສາດອັນ ສະຫງ່າອົງອາດຄື: ປົດປ່ອຍປະ ເທດຊາດອອກຈາກການປົກຄອງພວກລ່າເມືອງຂຶ້ນແບບ ເກົ່າ ແລະ ແບບໃໜ່. ຈາກນັ້ນ, ແນວລາວອິດສະຫຼະໃນເມື່ອ ກອນ, ແນວລາວສ້າງຊາດໃນປັດ ຈຸບັນ ໄດ້ສືບຕໍ່ເຕົ້າໂຮມຄວາມສາມັກຄີຂອງປວງຊົນລາວບັນ ດາເຜົ່າ ແລະ ນຳພາປະຕິບັດ ສອງໜ້າທີ່ຍຸດທະສາດຂອງພັກ ກໍຄືໃນພາລະກິດປົກປັກຮັກສາ ແລະ ສ້າງສາພັດທະນາປະເທດ ຊາດ ພັກປະຊາຊົນ ປະຕິວັດລາວ ຍາມໃດກໍຖືວຽກງານໂຄສະນາ, ສຶກສາອົບຮົມ, ເປັນວຽກງານ ໜຶ່ງທີ່ສຳຄັນ. ຈາກນັ້ນ, ສະຫາຍ ພັນໂທ ສຸລິວັນ ສີວິໄລ ຄະນະພັກ ກອງບັນຊາການ ຮອງຫົວໜ້າ ຫ້ອງການເມືອງ ກໍໄດ້ເລົ່າຄືນ ປະຫວັດ ແລະ ຄວາມເປັນມາຂອງ ວຽກງານສື່ມວນຊົນ ແລະ ການພິມຈຳໜ່າຍ ເຊິ່ງຍາມໃດກໍເປັນອາວຸດອັນແຫຼມຄົມຂອງພັກ ໃນການຕໍ່ສູ້ໃນສະໜາມຮົບ ການເມືອງ-ແນວຄິດ ໄດ້ປະກອບ ສ່ວນຢ່າງຕັ້ງໜ້າເຂົ້າໃນໄຊ ຊະນະລວມ ຂອງການປະຕິວັດ ລາວໃນແຕ່ລະໄລຍະ. ທັງນີ້ກໍເພື່ອເຮັດໃຫ້ພະນັກງານ-ນັກຮົບພາຍໃນທ້ອງຖິ່ນຂອງຕົນ, ເຊື່ອມຊຶມເຂົ້າໃຈແຈ້ງເຖິງປະ ຫວັດສາດແຫ່ງການເຕີບໃຫຍ່ ຂະຫຍາຍຕົວຂອງປະເທດຊາດ, ປະຊາຊົນລາວບັນດາເຜົ່າທີ່ດຳ ລົງ ຊີວິດຮ່ວມກັນໃນວົງຄາລະ ຍາດແຫ່ງຊາດດ້ວຍຄວາມສັນ ຕິສຸກບົນແຜ່ນດິນອັນອຸດົມຮັງ ມີ, ເຊິ່ງເປັນມູນມໍລະດົກສືບ ທອດຈາກບັນພະບູລຸດ ແລະ ເຊັ່ນປູ່ຍ່າຕ່າຍາຍ, ດ້ວຍມູນເຊື້ອ ການອອກແຮງງານ, ມີຫົວຄິດ ປະດິດສ້າງຕໍ່ສູ້ກັບໄພທຳມະ ຊາດ, ສາມັກຄີປອງດອງຮັກ ຫອມຊ່ວຍເຫຼືອເຊິ່ງກັນ ແລະ ກັນ ທັງມີມູນເຊື້ອອົງອາດກ້າຫານ ທີ່ບໍ່ເຄີຍກົ້ມຫົວໃຫ້ແກ່ພວກຮຸກ ຮານ ແລະ ຈັກກະພັດຕ່າງດ້າວ.

ໂດຍ: ແສງທອນ ອິນທະວົງ