ທ່ານທູດປີເຕີມັກອາກາດໜາວຢູ່ແຂວງຫົວພັນ

ວັນທີ 15/12/2020 ຈາກເພຈທີ່ມີຊື່ວ່າ U.S. Embassy Vientiane ເຊີ່ງເປັນເພຈຂອງ ສະຖານທູດອາເມຣິກາ ປະຈຳ ນະຄອນຫຼວງວຽງຈັນ ໄດ້ໂພສວ່າ ເພື່ອນໆຮູ້ບໍ່ວ່າ #ທ່ານທູດປີເຕີ ມັກອາກາດໜາວຢູ່ແຂວງຫົວພັນ? ໃນລະຫວ່າງການຢ້ຽມຢາມຫົວພັນໃນອາທິດທີ່ຜ່ານມາ ທ່ານທູດພ້ອມພັນລະຍາ ທ່ານນາງດຸສະດີ ໄດ້ມີໂອກາດໄປຢ້ຽມຢາມແຫຼ່ງທ່ອງທ່ຽວທີ່ມີຊື່ສຽງນັ້ນກໍຄື ບໍ່ນໍ້າຮ້ອນທີ່ເມືອງຮ້ຽມ.

“ອາກາດເຢັນສົດຊື່ນເປັນສິ່ງໜຶ່ງທີ່ດຶງດູດໃຫ້ພວກເຮົາກັບມາທີ່ນີ້ອິກຄັ້ງ. ນອກນັ້ນ ແຂວງຫົວພັນຍັງມີສະຖານທີ່ທ່ອງທ່ຽວທີ່ສວຍສົດງົດງາມເຊັ່ນ ຖໍ້າ, ຫີນຕັ້ງ,ປ່າສະຫງວນແຫ່ງຊາດນໍ້າແອດ-ພູເລີຍ.” ທ່ານທູດກ່າວ. ຢ່າລືມສົ່ງເສີມ #ລາວທ່ຽວລາວ ໂດຍການມາຢ້ຽມຢາມແຂວງຫົວພັນ. ເພື່ອນໆຢາກໃຫ້ທ່ານທູດໄປຢ້ຽມໃສ່ໃນການເດີນທາງເທື່ອຫນ້າ ຄອມເມັ້ນບອກພວກເຮົາແດ່ເດີ້!