ວັນທີ 2-5 ມີນາງານກິລາລອຍນໍ້າແຫ່ງຊາດທີ່ນະຄອນຫລວງວຽງຈັນ

ເຊີນຊວນທ່ານຜູ້ຊົມ ແລະ ມວນຊົນ ຮ່ວມຊົມ ຮ່ວມເຊຍ ການແຂ່ງຂັນຕິດຂອບສະ ເພື່ອເປັນກຳລັງໃຈໃຫ້ນັກກິລາ ແລະ ສ້າງສີສັນບັນຍາກາດໃນກິລາປະເພດນີ້. ຄາດວ່າມີນັກກິລາເຂົ້າຮ່ວມບໍ່ຕໍ່າກວ່າ 40 ຄົນ, .ໃນນີ້ເປັນຍິງປະມານ 10 ຄົນ. ຊິງຫລຽນຄຳໃນ 27 ລາຍການ, ປະເພດດ່ຽວ 26 ລາຍການ ແລະ ປະເພດທີມປະສົມ 1 ລາຍການ. ,

ຈະແຂ່ງຂັນໃນວັນທີ 2-5 ມີນາ 2020 ທີ່ສະລອຍນໍ້າເຂດສະໜາມກິລາແຫ່ງຊາດ ຫລັກ 16. ການແຂ່ງຂັນກິລາລອຍນໍ້າ ໃນງານມະຫາກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ເປັນໜຶ່ງໃນສອງປະເພດກິລາທີ່ນຳມາແຂ່ງຂັນຢູ່ນະຄອນຫລວງວຽງຈັນ ຕໍ່ຈາກກິລາຍິງປືນ ເນື່ອງຈາກສະໜາມແຂ່ງຂັນບໍ່ໄດ້ມາດຕະຖານ.

ຕາມການລາຍງານຂອງວິຊາການສະຫະພັນລອຍນໍ້າແຫ່ງຊາດລາວ ໃນນາມຜູ້ຮ່ວມຈັດການແຂ່ງຂັນໄດ້ໃຫ້ຮູ້ວ່າ: ການແຂ່ງຂັນກິລາລອຍນໍ້າໃນງານກິລາແຫ່ງຊາດຄັ້ງນີ້ ມີ ແຂວງແຈ້ງເຈດຈຳນົງເຂົ້າຮ່ວມຄື: ນະຄອນຫລວງວຽງຈັນ, ແຂວງຊຽງຂວາງ, ສະຫວັນນະເຂດ, ຈຳປາສັກ, ຫລວງພຣະບາງ ແລະ ແຂວງວຽງຈັນ.