ປກສ ແຂວງຈຳປາສັກ ມ້າງຄະດີໄດ້ 3 ເລື່ອງ

ປັດຈຸບັນ ຄະດີດັ່ງກ່າວ ເຈົ້າໜ້າທີ່ວິຊາສະເພາະພວມດໍາເນີນການສືບສວນ-ສອບສວນຂະຫຍາຍຜົນຊອກຫາຜູ້ຮ່ວມຂະບວນການໄປດຳເນີນຄະດີຕາມລະບຽບກົດໝາຍ. ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ:

ເລື່ອງທີ 3. ໃນວັນທີ 21 ພຶດສະພາ 2020, ພະແນກຕຳຫຼວດສະກັດກັ້ນ ແລະ ຕ້ານຢາເສບ ຕິດໄດ້ເຂົ້າຈັບຕົວ ທ້າວ ໂກຄຳ ອາຍຸ 31 ປີ ບ້ານໜອງນ້ຳຂາວ ເມືອງບາຈຽງຈະເລີນສຸກ ແຂວງຈຳປາສັກ ແລະ ທ້າວ ຄຳຫວັນ ອາຍຸ 51 ປີ ຢູ່ ບ້ານ ຫ້ວຍຍາງຄຳເໜືອ ນະຄອນປາກເຊ ແຂວງຈຳປາສັກ ຢູ່ຂອບເຂດບ້ານໜອງນ້ຳຂາວ ເມືອງບາຈຽງຈະເລີນສຸກ ພ້ອມຢາບ້າ 329 ເມັດ, ຢາໄອສ໌ 1 ຖົງນ້ອຍ ເງິນ 29.180.000 ກີບ, ໂມງໃສ່ແຂນ 1 ໜ່ວຍ, ເງິນ 26.500 ບາດ ກ່ອນເຂົ້າກວດຄົ້ນເຮືອນພວກກ່ຽວ ພົບງ້າວ 4 ດວງ, ຂວານ 4 ດວງ, ປືນສັ້ນ 1 ກະບອກ ພ້ອມລູກປືນ 4 ລູກ, ລົດເກັງ ມາດສ໌ດ້າ ສີແດງ ທະບຽນ ມລ 5888 ຈຳປາສັກ ລົດຈັກ ຢາມາຮ້າ ສີຟ້າຂາວ ທະບຽນ ມລ 5888 ຈຳປາສັກ ແລະ ລົດຈັກຮອນດາເວບໄອ 125 ສີແດງ ທະບຽນ ຈທ 1963 ຈຳປາສັກ.

ເລື່ອງທີ 2, ວັນທີ 21 ພຶດສະພາ 2020 ພະແນກຕຳຫຼວດສະກັດກັ້ນ ແລະ ຕ້ານຢາເສບ ຕິດໄດ້ມ້າງຄະດີຢາເສບຕິດ ຢູ່ເຂດບ້ານຈັດສັນ ນະຄອນປາກເຊ ກັກຕົວຜູ້ຖືກຫາໄດ້ 2 ຄົນ ຊື່ ທ້າວ ກິດຈະກອນ ອາຍຸ 25 ປີ ບ້ານທ່າໄຮ ແລະ ທ້າວ ກິຄຳ ອາຍຸ 29 ປີ ຢູ່ບ້ານຫ້ວຍປູນ ທັງ 2 ຄົນ ຢູ່ນະຄອນປາກເຊ ແຂວງຈຳປາສັກ ພ້ອມ ຢາບ້າຈຳນວນ 15.804 ເມັດ, ຢາໄອສ໌ 5 ຖົງ ກາງ ແລະ 25 ຖົງນ້ອຍ, ເງິນ 5.045.000 ກີບ, ເງິນບາດ 15.430 ບາດ, ລົດຈັກຟີໂນ ສີແດງ ບໍ່ມີປ້າຍ 1 ຄັນ ແລະ ໂທລະສັບ 1 ເຄື່ອງ.

ເລື່ອງທີ 1, ເຈົ້າໜ້າທີ່ຕໍາຫຼວດວິຊາສະເພາະເຂົ້າຈັບຕົວເປົ້າໝາຍໄດ້ 3 ຄົນຢູ່ເຂດບ້ານພະບາດ ນະຄອນປາກເຊ ໃນວັນທີ 16 ພຶດສະພາ 2020. ຜູ້ຖືກຫາທັງ 3 ຊື່ ນາງ ຟາມທີເຢີດ ອາຍຸ 34 ປີ ສັນຊາດຫວຽດນາມ ພັກເຊົາຢູ່ບ້ານພະບາດ ນະຄອນປາກເຊ, ນາງ ພູເຂົາ ອາຍຸ 26 ປີ ຢູ່ບ້ານກຸດມີໄຊ ແລະ ນາງ ອະນຸເພັດ ອາຍຸ 32 ປີ ຢູ່ບ້ານຄົງນ້ອຍ ທັງ 2 ຄົນ ຢູ່ເມືອງຄົງເຊໂດນ ແຂວງສາລະວັນ ພ້ອມເຄື່ອງຂອງກາງຢາບ້າ ຈຳນວນ 18.043 ເມັດ, ຢາໄອສ໌ 1 ຖົງນ້ອຍ, ເງິນບາດ 10.100 ບາດ, ເງິນ 14.330.000 ກີບ, ລົດຈັກຮອນດ້າ ສະກຸບປີ້ ສີຟ້າ ທະບຽນ ຍນ 8777 ຈຳປາສັກ, ໂທລະສັບ 5 ເຄື່ອງ. ພວກກ່ຽວສາລະພາບວ່າ: ໄດ້ພົວພັນຊື້-ຂາຍຢາເສບຕິດຮ່ວມກັນມາແຕ່ປີ 2019, ໃນມື້ຖືກຈັບຕົວ ແມ່ນພວກກ່ຽວນັດພົບກັນຢູ່ເຂດບ້ານ ພະບາດ ນະຄອນປາກເຊ ເພື່ອແບ່ງປັນຢາບ້າໃຫ້ກັນອອກຂາຍ, ແຕ່ພໍໄປຮອດຈຸດນັດ ພົບກໍຖືກເຈົ້າໜ້າທີ່ຈັບຕົວ ພ້ອມຂອງກາງຢາບ້າ ແລະ ຢາໄອສ໌ ຈໍານວນດັ່ງກ່າວ.

ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໄດ້ເອົາໃຈໃສ່ສະກັດກັ້ນ ແລະ ເຂົ້າຈັບກຸມເປົ້າໝາຍລັກລອບຄ້າຂາຍຢາເສບຕິດ ປະເພດຢາບ້າ ແລະ ຢາໄອສ໌ ໄດ້ 3 ເລື່ອງ ລວມຢາບ້າ 34.176 ພ້ອມຢາໄອສ໌ 27 ຖົງ ຈັບຕົວຜູ້ຖືກຫາໄດ້ 7 ຄົນ ໄປດໍາເນີນຄະດີຕາມກົດໝາຍໃນທ້າຍອາ ທິດຜ່ານມາ.