ສວນສາທາລະນະໄກສອນພົມວິຫານງາມແທ້ໆ

ມາເບິ່ງ ມາແຍງ ໂສມໜ້າໃໝ່ ວົງວຽນເສັ້ນທາງ A1 ແລະ ສວນສາທາລະນະໄກສອນ ພົມວິຫານ ແຂວງສະຫວັນນະເຂດ ( KAYSONE PHOMVIHANE PUBLC PARK) ຜູ້ໃຊ້ເຟສບຸກ Loyen Photographer ໄດ້ເຜີຍແຜ່ຮູບພາບວົງວຽນເສັ້ນທາງ A1 ແລະ ສວນສາທາລະນະໄກສອນ ພົມວິຫານ ເຊິ່ງໄດ້ມີພິທີເປີດໃຊ້ຢ່າງເປັນທາງການໃນຕົ້ນເດືອນທີ່ຜ່ານມາ

ໂຄງການກໍ່ສ້າງທາງຟ້າງຸ່ມ ແລະ ສວນສາທາລະນະໄກສອນພົມວິຫານ ມີມູນຄ່າການກໍ່ສ້າງ 2.289.000 ກ່ວາໂດລາສະຫະລັດ, ມີຄວາມຍາວທັງໝົດ 2 ກິໂລແມັດກ່ວາ, ປູຢາງຂົ້ວໜາ 5 ຊັງຕີແມັດ ຕິດຕັ້ງໄຟເຍືອງທາງ ແບບແຂນດ່ຽວ 24 ຕົ້ນ ແບບແຂນຄູ່ຢູ່ສວນ 46 ຕົ້ນ, ປູກໄມ້ພິກຸນສອງເບື້ອງ 240 ຕົ້ນ,

ມີເນື້ອທີ່ສວນສາທາລະນະໄກສອນ ພົມວິຫານ 21.760 ຕາແມັດ, ມີຫ້ອງຂາຍເຄື່ອງທີ່ລະລຶກ ແລະ ເຄື່ອງດື່ມຂະໜາດ 7ຄູນ 12ແມັດ 1 ຫຼັງໃນສວນປະກອບມີຕົ້ນໄມ້ປູກທັງໝົດ 345 ຕົ້ນ ພ້ອມມີລານອະເນກປະສົງ ວົງວຽນກອງ, ຫໍໂມງ ແລະ ປ້າຍຊື່ສວນອີກດ້ວຍ

ຮູບພາບ: Loyen Photographer
ຂໍ້ມູນ: Media Laos