ສະມາຄົມສິລະປິນລາວຮ່ວມໄວ້ອາໄລ ແອນ້ອຍ ນິພົນ

ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ ຮ່ວມວາງພວງມາລາ ສິນລະປິນ ແອນ້ອຍ ນິພົນ ວັນທີ 17 ກັນຍາ 2020 ຕ໋ອຍ ນິພົນ ເຊິ່ງເປັນ ນ້ອງຊາຍ ແອນ້ອຍ ນິພົນ ໂພສຜ່ານເຟສບຸ໊ກຂອງຕົນ ຂອບໃຈການນຳພັກລັດ ນຳໂດຍ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ,​ ວັດທະນະທຳ ແລະ ທ່ອງທ່ຽວ ທັງເປັນຫົວຫນ້າສະມະຄົມສິນລະປິນລາວ ທີ່ນຳພາເລົ່າບັນດາສິນລະປິນລາວ

ເຂົ້າຮ່ວມວາງພວງມາລາສິນລະປິນ ແອນ້ອຍ ນິພົນ ທີ່ມໍລະກຳໄປ ດ້ວຍພະຍາດຂອງຜູ້ກ່ຽວ ໃນວັນທີ 16 ກັນຍາ ຜ່ານມາ ລວມອາຍຸໄດ້ 49 ປີ. ປັດຈຸບັນ ສົບຂອງ ທ່ານ ແອນ້ອຍ ນິພົນ ໄດ້ບຳເພັນກຸສົນຢູ່ເຮືອນຂອງເພີ່ນເອງ ບ້ານດອນໜູນ (ໜ່ວຍ 58)​ ເມືອງໄຊທານີ,​ ນະຄອນຫຼວງວຽງຈັນ ແລະ ວັນສົ່ງສະການ ຈະໄດ້ຈັດຂຶ້ນໃນວັນທີ່ 19 ກັນຍາ 2020​ ທີ່ວັດປ່າສັນຕິສຸຂ (ດອນໜູນ).