ຜູ່ຊຸມນຸມຖືກເຈົ້າໜ້າທີ່ສີດນ້ຳໃສ່ເພື່ອສະຫຼາຍການຊຸມນຸມ

ຕຳຫຼວດຄວບຄຸມສະຖານະການ ການປະທ້ວງຂອງປະຊາຊົນ ເຫດການຫຼ້າສຸດໃນເວລາ ຄ່ຳຄືນທີ່ຜ່ານມາ ຫຼ້າສຸດກຸ່ມປະທ້ວງນັກສາສຶກສາທີ່ເອີ້ນຕົນເອງວ່າຄະນະຣາຊ 63 ໄດ້ຍ້າຍການຊຸມນຸມຈາກແຍກ ຖະຫນົນລາດຊະປະສົງ ມາທີ່ ຖະຫນົນສີ່ແຍກປະທຸມວັນ…ທາງເຈົ້າຫນ້າທີ່ຕຳຫລວດພະຍາຍາມສະຫລາຍການຊຸມນຸມໃນຄະນະນີ້ແລະທາງລັດຖະບານຈະປະກາດພໍລໍກໍສຸກເສີນ 1 ເດືອນຖ້າສະຖານະການຮຸນແຮງ

ລັດຖະບານປະຢຸດຈັນໂອຊານາຍົກລັດຖະມົນຕີ ຈະໃຊ້ມາດການຂັ້ນສຸດຄືປະກາດເຄຟິວຈັດການຜູ້ຊຸມນຸມຢ່າງເດັດຂາດ… ຕຳຫຼວດສີດນ້ຳຄວາມແຮງສູງ ປະສົມສານເຄມີທີ່ເຮັດໃຫ້ແສບຕາ ແລະ ລະຄາຍຜິວ ເພື່ອສະຫຼາຍການຊຸມນຸມ ປັດຈຸບັນນີ້ຜູ້ຊຸມນຸມໄດ້ສະຫຼາຍການຊຸມນຸມແລ້ວ ຄາດວ່າມື້ອື່ນຈະມີການຊຸມນຸມອີກ ແຕ່ຍັງບໍ່ທັນແຈ້ງລາຍລະອຽດ,

ເຖິງຢ່າງໃດກໍ່ຕາມ ນັບແຕ່ວັນທີ 13-15 ຕຸລາ ທີ່ຜ່ານມາ ມີແກນນຳ “ຄະນະລາຊະດອນ 2020” ແລະ ແນວຮ່ວມຖືກຈັບດຳເນີນຄະດີແລ້ວ 51 ຄົນ ຕາມການເປີດເຜີຍຂອງສູນທະນາຍຄວາມເພື່ອສິດທິມະນຸດ, ເຊິ່ງໃນຂະບວນຂອງກຸ່ມຜູ້ປະທ້ວງຍັງໄດ້ມີການຮ້ອງພ້ອມໆກັນເປັນໄລຍະໆວ່າ “ປ່ອຍເພື່ອນເຮົາ”.

ການປະທ້ວງຂັບໄລ່ລັດຖະບານໄທ ພາຍໃຕ້ການນຳຂອງທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີ ໃນນະຄອນຫຼວງບາງກອກ ໄດ້ດຳເນີນມາເປັນມື້ທີສາມແລ້ວ (ນັບຈາກ 14 ຕຸລາ) ໂດຍບໍ່ສົນຕໍ່ການປະກາດພາວະສຸກເສີນຂອງທາງການ. ເຊິ່ງໃນວັນພະຫັດ (15 ຕຸລາ) ທີ່ຜ່ານມານາຍົກລັດຖະມົນຕີໄທ ໄດ້ປະກາດພາວະສຸກເສີນໃນນະຄອນຫຼວງບາງກອກ

ເພື່ອເຂົ້າແກ້ໄຂການປະທ້ວງ ແລະ ໃຫ້ມີການປະຕິບັດຕາມກົດໝາຍຢ່າງເຂັ້ມງວດ. ໃນວັນສຸກ (16 ຕຸລາ) ນີ້ ເມື່ອເວລາປະມານ 18:30 ໂມງ ເຈົ້າໜ້າທີ່ຕຳຫຼວດປາບຈະລາຈົນໄດ້ເຄື່ອນພົນເຂົ້າສະຫຼາຍການຊຸມນຸມ ແລະ ມີການສີດນ້ຳແຮງດັນສູງເຂົ້າໃສ່ກຸ່ມຜູ້ປະທ້ວງ ຈົນນຳໄປສູ່ເຫດການປະທະກັນລະຫວ່າງຜູ້ປະທ້ວງກັບເຈົ້າໜ້າທີ່ດຳຫຼວດ.

ໃນດ້ານຂອງກອງອຳນວຍການສຸກເສີນ ແກ້ໄຂສະຖານະການສຸກເສີນທີ່ມີຄວາມຮ້າຍແຮງ ທີ່ຫາກໍ່ສ້າງຕັ້ງຂຶ້ນເມື່ອວັນທີ 15 ຕຸລາ ທີ່ຜ່ານມາ ເຕືອນວ່າ ຫ້າມໂຮມຊຸມນຸມປະທ້ວງໂດຍເດັດຂາດ ແລະ ຈະມີການບັງຄັບໃຊ້ມາດຕະການທາງກົດໝາຍຢ່າງເຂັ້ມງວດ.

ສ່ວນທ່ານ ພົນເອກ ປຣະຍຸດ ຈັນໂອຊາ ຖະແຫຼງຂ່າວພາຍຫຼັງສຳເລັດການປະຊຸມຄະນະລັດຖະມົນຕີ ຢືນຢັນວ່າ “ບໍ່ລາອອກ” ຕາມຂໍ້ຮຽກຮ້ອງຂອງຜູ້ປະທ້ວງ

ພ້ອມທັງໄດ້ຮຽກຮ້ອງໃຫ້ທຸກຝ່າຍຊ່ວຍກັນເຮັດໃຫ້ບ້ານເມືອງມີຄວາມສະຫງົບສຸກ ແລະ ມີສະຖຽນລະພາບ ພ້ອມທັງເຕືອນຜູ້ປະທ້ວງວ່າຢ່າກະທຳຜິດກົດໝາຍ ໂດຍສະເພາະການໃຊ້ສື່ອອນລາຍບິດເບືອນຂໍ້ມູນ ຖ້າເຮັດຜິດຕ້ອງຖືກດຳເນີນຄະດີ. ການເດີນຂະບວນປະທ້ວງດັ່ງກ່າວ ຈັດຂຶຶ້ນໂດຍກຸ່ມທີ່ຮຽກຕົວເອງວ່າ “ຄະນະລາຊະດອນ 2020” ເຊິ່ງມາຈາກການລວມຕົວກັນຂອງນັກຮຽນ,

ນັກສຶກສາ ແລະ ປະຊາຊົນຢ່າງໜ້ອຍ 30 ກຸ່ມ ທັງໃນນະຄອນຫຼວງບາງກອກ ແລະ ຕ່າງຈັງຫວັດຂອງໄທ. ນີ້ຖືເປັນຄັ້ງທຳອິດ ທີ່ຂະບວນການເຄື່ອນໄຫວທາງການເມືອງ 2 ກຸ່ມຫຼັກຄື “ຄະນະປະຊາຊົນປົດແອກ” ກັບ “ແນວຮ່ວມທຳມະສາດ ແລະ ການຊຸມນຸມ” ຈັບມືກັນຈັດກິດຈະກຳພາຍໃຕ້ຊື່ງານວ່າ “ວັນທີ່ລາຊະດອນຈະເດີນນຳ ທີ່ລາຊະດຳເນີນ” ແລະ ຍັງເປັນຄັ້ງທຳອິດທີ່ນັດໝາຍກັນໂຮມຊຸມນຸມໃຫຍ່.

ໂດຍກຸ່ມຜູ້ປະທ້ວງ ຫຼື ຄະນະລາຊະດອນ 2020 ຕັ້ງຂໍ້ຮຽກຮ້ອງ 3 ຂໍ້ຄື: 1). ທ່ານ ພົນເອກ ປຣະຍຸດ ແລະ ພັກພວກຕ້ອງລາອອກ, 2). ລັດຖະສະພາຕ້ອງເປີດກອງປະຊຸມວິສາມັນທັນທີ ເພື່ອຮັບຮ່າງແກ້ໄຂລັດຖະທຳມະນູນສະບັບປະຊາຊົນ ແລະ 3). ປະຕິຮູບສະຖາບັນກະສັດ ໃຫ້ຢູ່ພາຍໃຕ້ລັດຖະທຳມະນູນຕາມລະບອບປະຊາທິປະໄຕ.