ສົງນໍ້າພະຖໍ້າຕິ່ງປີນີ້ບໍຄຶກຄື້ນປານໃດຍ້ອນພະຍາດໂຄວິດລະບາດ

ເພື່ອເປັນການບໍ່ປະຮີດໃຫ້ໝອງ,ບໍ່ປະຄອງໃຫ້ເສົ້າ ພະສົງສໍາມະເນນ,ເຖົ້າແກ່ແນວໂຮມບ້ານ ເມືອງຈອມເພັດ ແລະ ເມືອງປາກອູ ກໍ່ໄດ້ຫ້າງຫາກະກຽມ ກັນໄປເຕົ້າໂຮມຢູ ເທິງຖໍ້າຕິ່ງ(ຖໍ້າເທິງ) ໃນມື້ແຮມ 10 ຄໍ່ເດືອນ 5 ລາວປີ ພສ 2563 ,ເວລາ 8.00 ເຊົ້າ ກົງກັບວັນທີ 17 ເມສາ 2020 ເພື່ອເຮັດພິທີທາງສາສະໜາ ຄອບຄ່ອຍຢູ່ຖໍ້າຕິ່ງ ຕາມປະເພນີທີ່ເຄີຍປະຕິບັດກັນມາ ແຕ່ກ່ອນ,

ພາຍຫຼັງພິທີເສັດແລ້ວ ກໍ່ໄດ້ພາກັນຫົດສົງພະພຸດທະຮູບຢູ່ໃນຖໍ້າ ແລະ ພະຢູ່ບໍລິເວນອ້ອມຖໍ້າເທິງ ຈາກນັ້ນ ປະຊາຊົນກໍ່ອອກມາຄົບງັນຂັບທຸ້ມອ່ານຫນັງສື ຢູ່ສາລາຫນ້າຖ້ຳເທີງ ຕໍ່ຫນ້າພະກະຈາຍ ພາກັນມ່ວນຊື່ນ ພໍເປັນພິທີ ແລ້ວກໍ່ພາກັນລົງໄປເຮັດພິທີຄອບຢູ່ຖໍ້າລຸ່ມ,ຈາກນັ້ນກໍ່ເປີດໃຫ້ປະຊາຊົນເຂົ້າຫົດສົງຖໍ້າຕິ່ງ ແລະ ເວລາ 10.30 ປະຊາຊົນຈໍານວນໜຶ່ງກໍ່ໄດ້ຂ້າມໄປຮ່ວມຖວາຍເພນ ແກ່ພະສົງສໍາມະເນນ ທີ່ວັດບ້ານປາກອູ.

ເຂົ້າຮ່ວມການຫົດສົງຄັ້ງນີ້ມີທ່ານ ບົວພັນ ອຸດົມສີນ ຮອງເຈ້າເມືອງຈອມເພັດ, ທ່ານ ນາງ ສົມສະຫມອນ ຄຳສຸກສະຫວັດ ປະທານແນວລາວສ້າງຊາດ ເມືອງຈອມເພັດ ພ້ອມດ້ວຍພະນັກງານ ຕະຫຼອດຮອດປະຊາຊົນບ້ານອ້ອມຂ້າງ ຖ້ຳຕີ່ງມີ: ບ້ານປາກອູ,ຫ້ວຍກໍ,ບ້ານຄົກ,ບ້ານມ່ວງແກ້ວ ເຂົ້າຮ່ວມ.

ຂ່າວຍັງໃຫ້ຮູ້ຕື່ວ່າ: ໃນເວລາ 13.00 ໂມງ,ມີການນໍາຈາກແຂວງຫຼວງພະບາງໄປຫົດສົງນໍ້າພະຢູ່ຖໍ້າຕິ່ງ ເພື່ອເປັນສິລິມົງຄຸນໃຫ້ແກ່ບ້ານເມືອງ ໄດ້ຢູ່ເຢັນເປັນສຸກ ເສດຖະກິດພັດທະນາເປັນກ້າວໆ ແລະ ປີນີ້ ແມ່ນບໍ່ມີນາງສັງຂານ ເຂົ້າຮ່ວມຫົດສົງ. ຂໍ້ມູນ: ແສງອາລຸນ ພອນໄຊຍາ, ຂ່າວ: ເພັດສາຄອນ ສິມມະວົງ