ມື້ທີ່ 6 ແລ້ວສປປລາວບໍ່ມີຜູ້ຕິດເຊື້ອພະຍາດໂຄວິດ-19 ເປັນຂ່າວດີທີ່ສຸດ

ຂ່າວດີອີກມື້ນີ້ບໍ່ພົບຜູ້ຕິດໂຄວິດເພີ່ມຖືເປັນມື້ທີ່ 6 ຕິດຕໍ່ກັນ ວັນທີ 18 ເມສາ 2020 ເວລາ 14:30 ໂມງທີ່ສູນປະຕິບັດງານ ຄະນະສະເພະກິດ ຕ້ານໂຄວິດ-19 ໄດ້ມີການຖະແຫຼ່ງຂ່າວ ໃຫ້ຮູ້ວ່າ

ມາຮອດມື້ນີ້ ບໍ່ມີການກວດພົບ ຜູ້ຕິດເຊື້ອໂຄວິດ-19 ລາຍໃໝ່ ຢູ່ ສປປ ລາວ ເປັນມື້ທີ່ 6 ຕິດຕໍ່ກັນ ລວມຍອດສະສົມ ຜູ້ຕິດເຊື້ອ ຢູ່ ສປປ ລາວ ທັງຫມົດ ຍັງຄົງຕົວເລກຢູ່ທີ່ 19 ຄົນ ປົວດີແລ້ວ 2 ຄົນ

ປະຈຸບັນຍັງມີຜູ້ຕິດເຊື້ອພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ-19 ທີ່ປີ່ນປົວຢູ່ໂຮງໝໍ 17 ຄົນ ເຊິ່ງທັງໝົດມີອາການຄົງຕົວຂັ້ນເບົາບາງ, ພາຍຫຼັງ 2 ຄົນ ຫາຍດີ ແລະ ໄດ້ກັບບ້ານແລ້ວ.

ປະຈຸບັນມີ 03 ຄົນຢູ່ໂຮງໝໍແຂວງຫຼວງພະບາງ ແລະ 14 ຄົນຢູ່ໂຮງໝໍມິດຕະພາບ ນະຄອນຫຼວງວຽງຈັນ ທັງໝົດເຫັນວ່າມີອາການເບົາບາງ ແລະ ຍັງຕິດຕາມການກວດຫາເຊື້ອເພື່ອຢັ້ງຢືນ ກ່ອນຈະໄດ້ຮັບອະນຸຍາດໃຫ້ກັບບ້ານພາຍຫຼັງປີ່ນປົວຫາຍດີ ເໝືອນກັບ 2 ຄົນໃນຜ່ານມາ.