ຜົວກັບເມຍໄປຫາປາຢູ່ຮ່ອງບຶງແລ້ວເມຍຈົມນ້ຳເສຍຊີວິດຕອນໃດກໍ່ບໍ່ຮູ້

ທີມງານມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ 1623 ແຈ້ງວ່າຕອນເຊົ້າວັນທີ 17 ກັນຍານີ້ວ່າ ປະຈຸບັນນີ້ກຽມນັກປະດານໍ້າໄປຄົ້ນຫາສົບຍິງອາຍຸປະມານ 15 ປີ ທີ່ສູນຫາຍໃນເວລາໄປຫາປາກັບຜົວຢູ່ບ້ານນາໄຫ-ນາໂນ ເມືອງຫາດຊາຍຟອງ ນະຄອນຫລວງວຽງຈັນເປັນເທື່ອທີສອງ, ເຫດສູນຫາຍດັ່ງກ່າວແມ່ນໃນເວລາປະມານ 20 ໂມງ 00 ຂອງມື້ວັນທີ 16 ກັນຍາທີ່ຜ່ານມາ ຢູ່ ຂົວຂອງເສັ້ນທາງ 450 ປີ ໃນເຂດບ້ານດັ່ງກ່າວ,

ຫຼັງຈາກທີ່ຄົ້ນຫາໃນຕອນແລງຂອງມື້ວານນີ້ ແຕ່ບໍ່ພົບ. ນາງແອນນີ້ ຊຶ່ງເປັນປ້າຂອງຜູ້ສູນຫາຍໄດ້ກ່າວວ່າ: “ຍິງຄົນດັ່ງກ່າວຊື່ກີ້ ເປັນປະຊາຊົນ ບ້ານຊຽງດາ ເມືອງໄຊເສດຖາ ນະຄອນຫລວງວຽງຈັນ ໂດຍໄດ້ມາອາໄສຢູ່ກັບຜົວຢູ່ ບ້ານນາໄຫ-ນາໂນ, ຊຶ່ງທັງສອງໄດ້ອອກໄປຫາປານໍາກັນຢູ່ຮ່ອງບຶງທີ່ເປັນຂົວຜ່ານທາງ 450 ປີ ໂດຍທີ່ຜົວບໍ່ຮູ້ວ່າເມຍຫາຍຕົວໄປຕອນໃດ ຫາຍໄປແບບໃດ ເຫັນແຕ່ຮອຍຕີນທີ່ຍ່າງລົງນໍ້າ ຊຶ່ງຄາດວ່າອາດຈະຈົມນໍ້າ.

ຮອດເຊົ້າ ວັນທີ 17 ກັນຍາ 2020 ເວລາ 08:00 ທີມກູ້ໄພແມ່ນການສືບຕໍ່ຄົ້ນຫາມື້ທີສອງ. ການຄົ້ນຫາ ຈົນຮອດ ເວລາ 11:03 ນາທີ່, ຈິ່ງສາມາດພົບສົບຜູ່ສູນຫາຍ ໃນບໍລິເວນທີ່ເກີດເຫດ. ສ່ວນສາເຫດໃນການຈົມນໍ້າຄັ້ງນີ້ແມ່ນຍັງບໍ່ຮູ້ສາເຫດທີ່ລະອຽດຈຶ່ງໄດ້ມອບໃຫ້ເຈົ້າຫນ້າທີ່ສືບສວນແລະສອບສວນຕໍ່ໄປ. ລາຍງານຈາກ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ 1623 ໃຫ້ຮູ້ວ່າ

ໃນວັນທີ 16 ກັນຍາ 2020 ເວລາປະມານ 19:15 ໂມງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ 1623 ໄດ້ຮັບແຈ້ງເຫດວ່າມີຄົນຈົມນ້ຳ ຈຸດເກີດເຫດແມ່ນ ເຂດຂົວບ້ານນາໄຫ ເມືອງໄຊເຊດຖາ ນະຄອນຫລວງວຽງຈັນ. ຜູ້ສູນຫາຍເປັນເພດຍິງ ອາຍຸປະມານ 14-17 ປີ ອາຊີບ ປະຊາຊົນ ບ້ານຊຽງດາ ເມືອງໄຊເຊດຖາ ນະຄອນຫລວງວຽງຈັນ.

ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ຈຶ່ງໄດ້ໃຊ້ອຸປະກອນແລະທີມຄົ້ນຫາທາງນໍ້າເພື່ອຄົ້ນຫາຜູ້ສູນຫາຍ. ແຕ່ເນື່ອງຈາກສະພາບອາກາດແມ່ນຕາເວັນຕົກດິນແລ້ວເຮັດໃຫ້ມີຄວາມຫຍຸ້ງຍາກໃນການຄົ້ນຫາ ທາງທີມຄົ້ນຫາທາງນໍ້າຈຶ່ງໄດ້ປຶກສາຫາລືແລະຕົກລົງກັນຈະສືບຕໍ່ການຄົ້ນຫາ.

ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ຈຶ່ງຈະໄດ້ນຳສົ່ງສົບຜູ້ເສຍຊີວິດໃຫ້ແກ່ຍາດພີ່ນ້ອງເພື່ອເຮັດພິທີທາງສາສະຫນາ ແລະ ທາງຫນ່ວຍກູ້ໄພກໍຂໍສະແດງຄວາມເສຍໃຈກັບຄອບຄົວຜູ້ເສຍຊີວິດໃນການສູນເສຍຄັ້ງນີ້ດ້ວຍ.