ກຸ່ມຄົນບໍ່ຫວັງດີລັກຫົວນັອດເເລະເຮັດທາງຂ້າມເອງໃນເສັ້ນທາງລົດໄຟລາວ-ຈິນ

ເສັ້ນທາງລົດໄຟລາວ-ຈິນຍັງພົບບັນຫາຄວາມຫຍຸ້ງຍາກດ້ານຄວາມປອດໄຟ ກຸ່ມຄົນບໍ່ດີລັກຫົວນັອດ ເເລະ ເຮັດທາງຂ້າມເອງ ວັນທີ 14 ພະຈິກ 2020 ທ່ານ Zhao Wenyu ທີ່ປຶກສາທູດເສດຖະກິດຈິນ ປະຈຳ ສປປ ລາວ ລາຍງານສະພາບຄວາມຄຶບໜ້າໂຄງການເສັ້ນທາງລົດໄຟລາວ-ຈິນ ຕໍ່ຄະນະ ສະມາຊິກສະພາເເຫ່ງຊາດເນື່ອງໃນໂອກາດຢ້ຽມຢາມໜ້າໂຄງການດັ່ງກ່າວ ໃຫ້ຮູ້ວ່າ:

ມາຮອດປັດຈຸບັນສະພາບດ້ານການກໍ່ສ້າງໂດຍລວມທັງໝົດ ເເມ່ນສຳເລັດເເລ້ວ 88% ເຊິ່ງລວມທັງການວາງລາງ,ເຈາະອຸໂມງ,ສ້າງສະຖານີ,ໂຄງສ້າງຂົວ ເເລະ ລະບົບຄວາມປອດໄພ ເຊິ່ງຄາດວ່າຈະໃຫ້ສຳເລັດພ້ອມເປີດນຳໃຊ້ທ້າຍປີ 2021. ໃນຂະຄະດຽວກັນທ່ານໄດ້ຍົກໃຫ້ເຫັນເຖິງບັນຫາທ້າທາຍບາງຢ່າງກ່ຽວກັບຄວາມປອດໄພ ຄືໄລຍະຜ່ານມາມີບາງທ້ອງຖິ່ນຍັງຂາດເອົາໃຈໃສ່ຕໍ່ລະບຽບ ເເລະ ຫຼັກການດ້ານຄວາມປອດໄພຕໍ່ຊິວິດ ເເລະ ໂຄງການເຊັ່ນ: ລັກເຮັດຂົວຕັດຜ່ານຂ້າມລາງລົດໄຟເອງ ໂດຍບໍ່ເເຈ້ງພາກສ່ວນກ່ຽວຂ້ອງ,

ປ່ອຍໃຫ້ສັດລ້ຽງເຂົ້າໄປໃນຂອບເຂດທາງລົດໄຟ ເເລະ ລັກເອົາາຫົວນັອດຈັບລາງລົດໄຟ ນັບວ່າເປັນເປັນບັນຫາພື້ນຖານຕໍ່ຄວາມປອດໄພ ອາດນຳໄປສູ່ການເກີດອຸປະຕິເຫດ ເເລະ ຜົນເສຍຫາຍອັນມະຫາສານໃນພາຍພາກໜ້າ ດັ່ງນັ້ນ,ຈື່ງຖືວ່າວຽກງານດ້ານຄວາມປອດໄພຍັງເປັນບັນຫາທ້າທາຍເປັນທີ່ສຸດ ຈື່ງຮຽກຮ້ອງໃຫ້ ສສຊ ຊ່ວຍເປັນກະບອກສຽງໂຄສະນາດ້ານຄວາມປອດໄພໃຫ້ປະຊາຊົນທີ່ຢູ່ອ້ອແອ່ມເສັ້ນທາງຜ່ານລົດໄຟລາວ-ຈິນ ໃຫ້ຫຼາຍຂື້ນ.