ເລື່ອງລາວຊີວິດແມ່ຕູ້ອ່ານແລ້ວນ້ຳຕາຕົກໃຜກໍ່ໄດ້ຊ່ວຍແມ່ຕູ້ແນ່

ໄດ້ຮັບຂໍ້ຄວາມຈາກຜູ່ໃຊ້ເຟສບຸກທ່ານໜື່ງໄດ້ສົ່ງມາວ່າ “ຂໍຂອບໃຈສັງຄົມ ກ່ອນອື່ນຕ້ອງຂໍຂອບໃຈສັງຄົມເປັນຕົ້ນ ແມ່ນຂອບໃຈຢ່າງແຮງມາຍັງ ວັນທີ 18/11/2020 ເຈົ້າຂອງເຟກບຸກ Dao SiengThalee ທີ່ຊ່ວຍແຕ່ງເຂົ້າປຽກຫຼືເຟິຖ້ວຍໜຶ່ງໃຫ້ແມ່ຍ່າໜອນ ຂອງຂ້າພະເຈົ້າກິນເນາະ ແມ່ເຖົ້າທີ່ມາກິນເຟິຫຼືເຂົ້າປຽກຢູ່ຮ້ານທ່ານນັ້ນ ແມ່ນ ແມ່ເຖົ້າເບຼຍ ຢ່າງ ອາຍຸເກືອບ 90 ປີແລ້ວຢູ່ ບ້ານພູຊ້າງຄຳ ນະຄອນຫຼວງພະບາງ ນີ້ເດີ.

ທີ່ລາວວ່າ ຈະໄປຢາມລູກສາວນັ້ນ ແມ່ນຢູ່ທາງບ້ານນາສານ ຝັ່ງເມືອງຈອມເພັດ ຕ້ອງໄປຂີ່ບັກຂ້າມນໍ້າຂອງຢູ່ທາງທ່າບ້ານແຊນຄະລົກ ກ້ອງບ້ານຄົກມັນ ຫຼື ທາງໄປຕາດກວາງຊີພຸ້ນ ແລະ ແມ່ເຖົ້າໝອນນີ້ແມ່ນ ມົ້ງຢ່າງ ສະນັ້ນລາວມັກຈະໄປຊອກຫາໃຜໆກໍ່ຕາມທີ່ແມ່ນ ລູກຫຼານສິງຊາວຕະກຸນຢ່າງ ເພື່ອທຳຄວາມຮູ້ຈັກຮັກ ແລະ ແຮກເປັນຮັກເປັນແພງໄວ້ ແລະ ໃນຊີວິດຈິງລາວກໍ່ມີຄວາມຕົກທູກໄດ້ຍາກຫຼາຍສົມຄວນ. ສາເຫດຍ້ອນເພີ່ນເອງ ກໍ່ມີລູກຫຼາຍຄົນຢູ່ແຕ່ ເນື່ອງຈາກເສຍຊີວິດໝົດແລ້ວ (ລວມພໍ່ຂອງຂ້າພະເຈົ້າ) ຍັງແຕ່ລູກສາວດຽວທີ່ຫາກໍ່ຍົກຍ້າຍຈາກເມືອງໂພນໄຊໄປຢູ່ຫັ້ນ

ລາວຈິ່ງມັກທຽວໄປຢາມເລື່ອຍໆ ສ່ວນລູກຫຼານນັ້ນກໍ່ມີຫຼາຍຄົນແຕ່ຢູ່ໄກໝົດ ແລະ ບໍ່ຄ່ອຍຜູ້ຊ່ວຍລ້ຽງດູ ແຕ່ຕອນນີ້ແມ່ນ ອາໄສຢູ່ນຳຂ້າພະເຈົ້າເປັນຫຼານຊາຍ ແຕ່ເນື່ອງຈາກວ່າ ຄອບຄົວພວກຂ້າພະເຈົ້າຫາກໍ່ຍົກຍ້າຍມາແຕ່ຊົນນະບົດ ມາຕັ້ງຖິ່ນຖານໃນຕົວເມືອງ, ບໍ່ມີອາຊີບທີ່ແນ່ນອນ, ການປັບຕົວຕໍ່ສະພາບໃນຕົວເມືອງຍັງບໍ່ທັນໄດ້ດີແລະ ຂາດເຂີນຫຼາຍຂ້າພະເຈົ້າຈິ່ງລ້ຽງບໍ່ເບື່ອເກືອບໍ່ອີ່ມ ແລະ ອີກດ້ານໜຶ່ງ ຂ້າພະເຈົ້າເປັນຫຼານຊາຍກົກ ຊຶ່ງຍັງໄດ້ຮັບພາລະຫຼາຍຄົນໃນຄອບຄົວນັບທັງແມ່, ແມ່ຍ່າໝອນ ແລະ ນ້ອງໆຫຼາຍຄົນ ສະນັ້ນແນ່ນອນການດູເເລລ້ຽງເກືອຕໍ່ແມ່ຍ່າໝອນນີ້ຈິ່ງບໍ່ອີ່ມໜໍ່າສຳລານ. ພຶດຕິກຳຂອງເພີ່ນມັກຕື່ນແຕ່ເຊົ້າໆອອກທຽວໄປຢາມລູກຫຼານຜູ້ທີ່ລາວໄດ້ມາຮູ້ຈັກຊິນເຄີຍໃນບ້ານນີ້ ສິ່ງທີ່ເປັນຫ່ວງກໍ່ແມ່ນ ລາວບໍ່ຊຳນານການຂ້າມທາງລົດໄປມາ ແລະ ບາງເທື່ອກໍ່ຂໍຂອງກິນຕາມຫ້າງຮ້ານທີ່ຂາຍຂອງກິນສຸກແຄມທາງ ຫຼືກໍ່ຂຶ້ນໄປຂໍຂອງກິນນຳສາທຸອ້າຍຈົວເທິງວັດພູຊ້າງຄຳ ແລະ ບາງເທື່ອກໍ່ມີຊາວບ້ານຜູ້ມີຄວາມສົງສານກໍ່ໄດ້ເອົາໃຫ້ເອງ.

ແຕ່ຈຸດພິເສດຂອງລາວແມ່ນດຸໝັ່ນ, ມັກນອນແຕ່ຫົວຄໍ່າ ຕື່ນແຕ່ເຊົ້າໆ ແລະ ບໍ່ມັກຂອງກິນທີ່ໃສ່ແປ້ງນົວ ຊຶ່ງພວກເຮົາລູກຫຼານກໍ່ພະຍາຍາມຫ້າມຕະຫຼອດບໍ່ໃຫ້ອອກເຮືອນໄປທ່ຽວ ແຕ່ຍ້ອນນິໄສຄົນເຖົ້າຢູ່ປະຈຳທີ່ບໍ່ເປັນ ຖ້າທຽບໃສ່ເມື່ອກ່ອນຕອນຍັງຢູ່ບ້ານນອກນັ້ນແຕ່ລະມື້ລາວຈະເປະກະເຢະເຂົ້າປ່າຫາຟືນ, ຊອກໜໍ່ໄມ້ແລະ ໝາກໄມ້ອັນໃດກໍ່ຕາມທີ່ລາວທະນັດລັກສະນະວ່າແຕ່ລະມື້ຄັນບໍ່ໄດ້ເຂົ້າປ່າແມ່ນບໍ່່ດີໃຈ. ແຕ່ຫຼັງຈາກມາຢູ່ໃນຕົວເມືອງແລ້ວເພີ່ນໄດ້ພັດພາກກິດຈະກຳນີ້ໄປໝົດແລ້ວ ຫຼືຖ້າຫລູກຫຼານໃຜທີ່ມີຜູ້ເຖົ້າຜູ້ແກ່ແບບນີ້ຈະຮູ້ນິໄສເຂົາເນາະ. ການທີ່ເພີ່ນວ່າ: ໄປຫາລູກສາວນັ້ນ ຖ້າເທື່ອໃດເພີ່ນໃຫ້ຮູ້ ເຮົາຈະບໍ່ໃຫ້ໄປ ແລະ ບາງເທື່ອກໍ່ໄປສົ່ງຮອດບ່ອນ ບາງເທື່ອກໍ່ໄປສົ່ງຂຶ້ນລົດໂດຍສານຢູ່ຂ້າງຕະຫຼາດໂພສີ ບາງເທື່ອເພີ່ນກໍ່ຍ່າງແຕ່ບ້ານພູຊ້າງຄຳ ໄປເອງຖ້າກໍລະນີບໍ່ທັນລົດ ກໍ່ຍ່າງກັບຄືນມາເຮືອນດ້ວຍຄວາມອິດເມື່ອຍ ແລະ ຫີວໂຫຍ. ຂ້າພະເຈົ້າບໍ່ສາມາດຈະອະທິບາຍຄວາມທູກຍາກແລະ ຫຍຸ້ງຍາກຊັບສົນຂອງເພີ່ນໃຫ້ໝົດ (ຍ້ອນນໍ້າຈະຕົກ) ມັນເໜືອກ່ວານິຍາຍ ແທ້ຈິງບໍ່ແມ່ນຄວາມຜິດຂອງເພີ່ນ ແຕ່ຫາກເປັນຊາຕາຊີວີດຟ້າລິຂິດໃຫ້ແນວນັ້ນ ກໍລະນີຫາກທ່ານໃດໃຈບຸນຢາກຮູ້ ຫຼື ຢາກຊ່ວຍເຫຼືອເລື່ອງອາຫານການກິນໃຫ້ລາວເລັກໆນ້ອຍ ແລະ ຢາກມາເຫັນສະພາບຄວາມເປັນຈິງວ່າມີຈິງແທ້ບໍ່ນັ້ນ ກໍ່ສາມາດຕິດຕໍ່ແລະ ມາເບີ່ງຕົວຈິງກໍ່ໄດ້ເດີ.

ຄັ້ງນີ້ກໍ່ເປັນການສະທ້ອນໃຫ້ຂ້າພະເຈົ້ານຶກເຖິງບາງຜົນງານທີ່ຂ້າພະເຈົ້າເຄີຍໄດ້ຊ່ວຍເຫຼືອສັງຄົມຫຼາຍໆຄົນໃນໄລຍະຜ່ານມາເຊັນກັນ. ສະນັ້ນຂ້າພະເຈົ້າຂໍຕ່າງໜ້າລູກຫຼານ ຂໍໂທດຫຼາຍໆ ແລະ ຕ້ອງຂອບໃຈມາຍັງສັງຄົມ, ບັນດາເຈົ້າຂອງຫ້າງຮ້ານແລະ ທຸກຄົນທີ່ເຄີຍໃຫ້ຄວາມຊ່ວຍເຫຼືອ ເພີ່ນຫຼາຍໆຄັ້ງຜ່ານມາ ບໍ່ວ່າຈະເປັນນໍ້າຈອກໜຶ່ງກໍ່ດີ, ອາຫານຂາບໜຶ່ງກໍ່ດີຫຼືວັດຖຸສິ່ງກໍ່ດີແລະ ພິເສດແມ່ນເຈົ້າຂອງເຟກບຸກ Dao Siengthalee ທີ່ຊ່ວຍຖ່າຍວິດີໂອ ແລະ ແຊໃຫ້ສັງຄົມຮັບຊາບນັ້ນ ຂ້າພະເຈົ້າມີຄວາມພາກພູມໃຈທີ່ຍັງມີຜູ້ໃຈບຸນຊ່ວຍເຫຼືອຄົນເຖົ້າຄົນແກ່ແບບນີ້ຢູ່ໃນສັງຄົມ ຕ້ອງຂໍໂທດທີ່ບໍ່ໄດ້ໄປກ່າວຄຳຂອບໃຈຕໍ່ໜ້າ ແຕ່ໃຫ້ເຂົ້າໃຈນຳກັນວ່າຄົນເຖົ້າແກ່ແບບນີ້ ແມ່ນໜ້າສົງສານແລະ ຄວນໄດ້ຮັບການຊ່ວຍເຫຼືອເນາະ. ຂໍຂອບໃຈ.”